صور من ريحلتي ..

السلام عليكم ورحمة الله وبركاته


كيف حالوكووم يا أعضاء البرزتي ؟


احيدني من فتره نزلت صور .. والحين رديت البلاد وبنزل لكم الباقي على فاقه ..


فاقه يعني وانا متفيجه .. ترى في سيلانيات هني ما يفهمون الرمسه هع هع زين سحروته ؟ ههههه فضحتج :mf_laughb


الصور الاوليه كلها كانت في المانيا ..


هالمره بنزل صور النمصاا والتشيك ..


انزين .. يالله نبدى ..


بس اول شي لازم اقوم بواجب الضيافه :h_um7yat:





الثلاجه مندحقه من هالعلوم .. وانا سهرانه طول الليل احاول اقرى شو مكتوب وشو هذا وماهذاك


...


هالصوره لاشطتنها من دريشه الفندق .. البرج ذكرني ببرج دبي .. المكان ..فيينا ..




هني سرنا العاب PRATER ..







ما تمت لعبه ما شووووووووّحت فيهـا .. حتى الرمايه رميت .. رديت الفندق بليّا حاسيه .. انتفض وارتقل من التعب :mf_death:





خلصنا من فووويينا ؟ نرجع لـ سالزبورغ .. منطقه ريفيه في النمسا ..


سكنا في بيت .. ريفي فوق اليبل .. ==== >> استويت شحيه هههه

وعيالنا طبعن ما عدوا هذيج الايام على خيـر .. اضاربوا ويا عيال الحمرا وكل يوم مشاكل وياهم ..


ويوم حد ايي يرمسنا نقولهم NO ENGLISH ويسيرون عنا خخخخخخخخ





كنا نفتح الدرايش الصبح ونلقى الغيوم تحتنا .. منزر ولا أروووععععع ..





شوفوا هالدرب .. كنت امشي وامشي وامشي .. تدرون وين وصلني ؟





وصلني هووووووونا عند الكنيسه ..


بغيت احدر فيها وكسر الاجراس .. يعلهم العووق ما بتنا الليل من صدعتها .. كل ساعه ادق جدورهم :m_mosala7


دقوهم بقب ع روسهم ..


عقب .. لقيت ربهم معلق فالشارع :h_huh:



وعقب رديت البيت .. ولقيت قووس قوووووووووووووزح .. اصورها وفخويطري اقول ليتني ازحلق من فوق نفس الرصووووووووم :h_kekh:





فاليوم الثاني ..


سرنا وركبنا الطلفريك ..





المكان كان واااااااايد مرتفع والكل زايغ .. كنا نسولف اول ما ركبنا .. ويوم ارتفعنا الكل ساكت وامبحلق عيونه .. >>> زايغين ..


وانا مسويه عمري روبن هود اوني ما اخاف .. ومناك ارتجف واعرق هههه


وصلنا فوووق وشفنا بوووووووحيره غااويه ..





خلصنا من هوووونا .. نرد لصور التشيك ..


الصراحه ما صورت وايد هناك مول ما عيبني المكـــــــــان أرف :h_down:





اول ليله يلسنا في هالبيت ..


البيوت كلها بدون موكيفااات .. وهدووء بشكل فضيع ..





وهالمغربل طول الليل ينبح ما خلانا نرقد


نشينا الفجــر .. اصلا ما رقدنا عشان انش .. المهم طلعنا الفجر انا و 5 من النفرااات ويلسنا فالحديقه على هالدري





ونسولف عادي .. وكل شوي حد يفتح الدريشه ويتأفف ويسكر .. جيرانا يعني ..


واول ما طلعنا انقفل باب البيت ما ينفتح الا من داخل .. ما عرفنا شو نسوي ..


يبت كرسي وحطيته فوق الييدار .. وخليت واحد من النفرات ينط من الدريشه ..


شوي واسمع وحده تصاارخ .. طلعت عيوز يارتنا اتحرانا حراميه .. وكل شوي حد يفج دريشه ..


اخر شي اشتكوا عند الشرطه علينا .. بس نحن ما كملنا يوم كامل اصلا خخخخ الا وشلينا قشنا وسرنا العاصمه براغ ..


هناك ابدا ما صورت لاني صدق كرهت المكـــــــان:mf_tongue


شيخـــــــــــي يسلم عليكم





تقولون جوفندا خخخخخخخخ فديت ويهه :!WOW!:


هني فالمطار .. اتريا الوقت يمر بسرعه خلاص ابا ارد .. طفرت





الدرب طويل !!!





واخيــــــــرن وصلنا لبلااد سالمينا غانمينا .. والحمدوولله على سلامتينا ..

رد: صور من ريحلتي ..

كل شئ حلو


الا


العنوان


قومي صلحيه


والحمدلله على سلامتج

رد: صور من ريحلتي ..

هب مصلحه شي


جيه بلاه العينوان ؟


والله يسلمك ..

رد: صور من ريحلتي ..

يا مسوووودة الويه شو اسوي يوم رمستج ما تنبلع
كلها خرابيط حتى العرب ما عرفوو طريجج

كككككككككككككككككككككككككككككككككككككككككككككككككككك

بس الصراحه شكلها رحلتكم روووووعه عيبني المكاااااان

وشكل بيوتهم

والغييييم إلي نازل والقوس قزح

كشششششخه


بس ما توقعت منج

ليش تسهريين على غرررش الخمر

واخزيااااه

يعني بالله من نفسج قلتي NO ENGLISH ككككك والله سقيييء حتى ما عرفت تقولهم إنها طمه بالإنجلييش
كيف بتقرين شو مكتوب على الغرشه

ولمستي الخمر والخمر نجس كككك

استغفر الله

لا تكلميني
40 يوم نيههاهاههاااااهااا


والله موقفكم ضحكني يوم بلغوا عليكم الشرطه محد يوديييكم مكااان كككك

المره اليايه لاتنسيني

خلاص

تم
:h_thumb:

وإلحين حمد الله على سلامتج
يا .......... على قولة حمااادي كككك

اسميييه ضحك

حسبي الله على إبلييس ضيعت وقتي بالرد على الموضوع

مع السلامه عنوووني

رد: صور من ريحلتي ..

الحمد لله ع السلامة يالعيوز ..~

سفره حلوة ما شاء الله ..~



أحلى شيء الريف ومغامراتكم هناك ..*~


ميغسي

رد: صور من ريحلتي ..



[align=center]الى اللقاء عزيزتي ..[/align]

رد: صور من ريحلتي ..

رهف ..


الله يسلمووكي يا اوووووختااه ..


والله صارت لنا مواقف اكثر من جي بس ما تنطرى خخخخخخ

رد: صور من ريحلتي ..

اشوف الوسكي والبير...استغفر الله..

رد: صور من ريحلتي ..

هي والله استغفر الله ..

رد: صور من ريحلتي ..

وحق شو حاطه صور النبيذ؟ اغوووووووذ بالله
ليكون تتحرينه ماي والا عصير ههههههه