• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

باركولــي تركــت التدخيـــن

  • بادئ الموضوع برووق
  • تاريخ البدء
  • الردود: الردود 19
  • المشاهدات: المشاهدات 39K

برووق

๑ . . مراقب البرزات الادبية . . ๑
التسجيل
31 مايو 2010
رقم العضوية
12162
المشاركات
4,031
مستوى التفاعل
489
الجنس
الإقامة
شعـــــــم
السلام عليكم ورحمة الله وبركاته

قصتي مع التدخين طويله 28 سنه بدايه قــدو وبعدها مدواخ وسيجاره بانواعها باخر الايام وصلت ادخن ثلاث علب ( باكيتات ) يوميا سمعت ان احد الاخواه الضباط من دورتي ترك التدخين واعرفه يدوخ مثلي واايد اتصلت به اساله كيف تركت التدخين قالي عندنا شباب بالمجلس تركو التدخين كانو يتعالجون عند الدكتور جاسم كليب بعيادة الاقلاع عن التدخين بمستشفى الكويتي وعزمت وسرت وانا الحين صار لي شهر ما ادخن سالته شو عطاك قالي فحصني وعطاني لصقات نيكوتين وعلكه وتصبرت شوي شوي كان الامر متعب اول الايام الحين الحمد لله زين وقام يحثني اسير الحقيقه ما كانت عندي عزيمه اتصل بي بيوم من الايام قالي تعال انا اترياك عند الدكتور استحيت طبعا وسرت وكنت مشتري كزر به عشر باكيتات قبلها بساعه دخلت العياده سلمت على الدكتور جاسم يعرفني طبعا وفرح يوم شافني جاي جلست وسالني اساله عن منذ متى تدخن وكم علبه تدخن وهل عندك عزيمه ان تترك التدخين طبعا انا منحرج ماعندي عزيمه جيت مستحي من ربيعي المهم ربيعي شرد عني وخلاني مع الدكتور المهم قالي يوم بتنوي تترك التدخين وعندك عزيمه تعال لي اذن لصلاة العشاء صليت وانا ساجد بالسنه دعيت ربي يفكني من الدخان طلعت من المسجد وانا معنوياتي غير وكنت اتمشي مع الدكتور قعدت جمبه مسكت باكيت السيجاره وقطعته فرح جاسم الله يذكره بالخير وعطاني لصقات نيكوتين وعلكه ( لبان ) وطلعت عنه وييت البيت مسكت الكرز باقي فيه 8 علب قطعتهم كلهم بالزباله اعزكم الله رميتها الصباح عادت ادخن بالحوي مال البيت طلعت ما دخنت عيالي وام عبدالله مايدرون اني بترك التدخين استغربو ما دخنت رحت الدوام ونا مصدع مثل الي مضيع شي ايدي كل شوي احطها بجيبي ادور السيجاره قمت اشغل نفسي باشياء ثانيه رجعت البيت الظهر تغديت وما دخنت العصر طلعت وييت المغرب بنتي حست فيني قالت لوالدتي الله يخليها ويطول بعمرها ابوي ما دخن سيجاره اليوم انشاء الله انه بيتركها امي من فرحتها اتصلت فيني تسال ابوي انت تركت التدخين قلتلها نعــم ما تتوقعون كيف والدتي فرحانه ييت سلمت عليها حبيتها على راسها قامت تصيح تتوقعون شووو سوت راحت المطبخ وحطت ( سنووت ومسمار ) قلتهم بالمقلاه وقطعت طرف شيلتها وصرته لي وقالت لي ابوي يوم بيعورك راسك شم ها السنوت عشان تنسى السيجاره

الحمد لله الحين صار لي شهرين ما دخنت حتى لصقات النيكوتين الي عطاهم لي الدكتور مفروض استعملهم يوميا انا انساهم اتم بدون لصقات اياام الحمد لله الحين اشم كل شي اول ما اشم الا سيجاره الاكل له طعم النفس زين ارقد مرتاح

انصح كل واحد يدخـــن يحاول يترك هاي العاده السيئه لاني انا جربتها هي ادمااان ادمااان

والي يبي يتعالج الدكتور جاسم كليب بعيادة الاقلاع عن التدخين يرحب بكل واحد

وابشركم درع القبيلــــه بعد ترك التدخين
 
التعديل الأخير:

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
مبرووووووووك .. احسلك يا ريآل وش تبآ به .. سم الله لا يبلآنآ

ادخن من 28 سنه مآشآلله .. حووت ..كم عمرك ؟ ههههه امزح لاتزعل ^.^ .. يعطيك الصحه والعآفيه

كيب ات اب ي عظييم ..

يسلم الدكتور هذآ يلقآ له اجر ودعوآت من النآس ..محظوظ الله يعزه

المهم الحين الخطه الثآنيه ..اطرش لي وزنك وطولك .. واعطيك جدول .. يخليك فـــــــــــــــــــــــــــــــــــــــــــــــــــــــــــــــــــــــــــت .. هههه استرجآع ليآقه ..على بنآء جسم

هههه

والله ما امزح اذآ لك خآطر ..أشر بس
 

ĂŁҘŊĔĕĎ

๑ . . عضو متميز . . ๑
التسجيل
12 أبريل 2007
رقم العضوية
6666
المشاركات
524
مستوى التفاعل
159
الجنس
وعليكم السلام ورحمة الله وبركاته
مبرووك
زين ما سويت

أنآ اعرف نااس ودرت الدخآآن سبع أو ثمآن سنين بعدهآ رجعوا يدخنون بسبب ربعهم يدخنون عندآلهم

يعطيكـ الصحة و العآفية
 

بنــــي لصــــم

๑ . . عضو مشارك . . ๑
التسجيل
29 يناير 2010
رقم العضوية
11552
المشاركات
165
مستوى التفاعل
24
الجنس
الإقامة
مـإأآيخصكمـ
افى ليييش هههه
احسن لييك ... لاكن بعد 28
يعطيك الصحة و العااافية برووق ومبروك
 

بطليموس

๑ . . عضو مؤسس . . ๑
التسجيل
7 مارس 2005
رقم العضوية
3228
المشاركات
15,984
مستوى التفاعل
3,816
الجنس
الإقامة
بـغـداد
والله شي طيب وع البركة

ماشي فايدة من الندم بعدين


ومبروك درع القبيلة :)آ
 

ليه الجفا

๑ . . عضو . . ๑
التسجيل
10 يوليو 2013
رقم العضوية
14614
المشاركات
76
مستوى التفاعل
6
الجنس
الإقامة
UAE
نهاية جميلة
الله يثبتك
حبيت موقف الوالدة الله يحفظها
ها شي كبير يخليك توخر عن هالسم كل ما ذكرته
فرحة أمك اجر ينحسب لك ان شاء الله
 

نظرة غرآم

๑ . . عضو برونزي . . ๑
التسجيل
19 يونيو 2007
رقم العضوية
7045
المشاركات
9,048
مستوى التفاعل
2,074
الجنس
الإقامة
بوظَبِـِـِـِـِـِـِـِيْ
مآشآءالله عليييك يآخوي
فرحنآلك والله

أولآ
مأجوورْ ان شآءالله لأنك جآهدتْ عمممركْ بعدْ 28 سنةْ ادمآنْ
وثآنيآ
تحآفظْ على صحتكْ من هالسسمْ

فعلآ التدْخينْ عآدة سيئة اللهْ لآ يبلي مسلم فيهآ
وكَثِرْ بعدْ منْ شررربْ المآيْ

بس شهرينْ ومآ قربتْ للتدخيينْ شِيْ حلوو
وعسى ربي يثبتك ان شآءاللهْ



ياللهْ عقبآلْ فتكْ والبقيةْ :eh_s(6):
 

KиMάήά

:: مشرفة برزة التصوير الفوتوغرافي ::
مشرف
التسجيل
19 يونيو 2006
رقم العضوية
4901
المشاركات
10,109
مستوى التفاعل
1,406
الجنس
الإقامة
جوف الشمس حاول توصل
السلام عليكم ورحمة الله وبركاته
زين سويت و الله يثبتك

عقبال باقين المدخنين
سلام
 

برووق

๑ . . مراقب البرزات الادبية . . ๑
التسجيل
31 مايو 2010
رقم العضوية
12162
المشاركات
4,031
مستوى التفاعل
489
الجنس
الإقامة
شعـــــــم
شكرااااا لجميع الاخوان والاخواة

جزاكم الله خير

الله يثبتنا ان شاء الله
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني

.
.
..
..
..
..
السلام عليكم و رحمة الله و بركاته
.
.
.
فرحتي بخبر اقلاعك عن التدخين كبيره
صحة الواحد من أهم الامور الي يسعى عليها و 28 سنه مب شويه
وكم تسوى فرحة الوالده بخبر تركك ل التدخين .

تستاهل بو عبدالله
.
.
.
بحفظ الله
الصيـاد
..
..
..
..
.
.
 
عودة
أعلى