ذكرت الود وايام التصابي

[برووق]

المكـان إلـي تركتـه فـي فــؤادي
غيرك إستولى على ذاك المكان

خلــه ينفعـك التغلــي والعنــادي
ما يفيـدك لـو تعيـد الإمتحـان

كنت بشل حبك معي بلقيه زادي
قالها المحضار فـي ذاك الزمان

إنت في وادي وأنا في غير وادي
والسفينــه وصلَّـت بـر الأمـان

للشاعــر / صالـح الحصـن الشحـي​

 

[برووق]

؛؛،،. ظبــي الشرقيــه .،،؛؛

هـونِك عليَّـه ياظبي الشرقيه
لي قلب قد عانا عذاب سنين

دام العلاقــه بيننــا سطحيه
وتـوها بدايتنا ومـن شهرين

خطوه بعد خطوه شوي شويه
ناخذ ونعطي في المحبه لين

ليــن المحبــه تبتــدي رسميه
دوم التسرع هوب شـيٍ زين

ماخــذ درس م التجربـه لوليه
غرَّقت نفسي في بحر تسعين

لين إنتبهت وكان درسٍ ليَّه
مـاروم أكـرره الخطــأ مرتين

للشاعـر / صالـح الحصـن الشحـي​

 

[برووق]

واللــه يا الــربـع النِـعـم زوالـه
لا صحـه تبقـى ولا شبـاب يدوم

[align=center]نصيحتي بـالمختصـر برسالـه
إحفـظ لسـانٍ لك وصلـي وصـوم

ولا تتبعـه كل مـن يجر موالـه
وبالمغريـات يـدس لك لسمــووم

وصلـي علـى محمـد نبينا وآله
وع { السيئات الجاريه } لا تحوم

للشاعر / صالح عبدالله الحصن الشحي[/align]

 

[برووق]

يا مشغلٍ بالي عليكم دايم
حاولت أسلي النفس ماني رايم

ظنيت سحابة[align=center][/align] صيف وبتعدي
الجو بيصفى لو شهر تم غايم

جاملت نفسي حاولت أتصبر
الجسم عندي والفكر بك هايم

عشرة عمر ماهوب يوم وليله
وإلي مفارق ما يلومه لايم

الصبح كلما أشرقت لي شمسه
ألقاه طير الشوق صوبك حايم

مانسى أبد شليتني بعيونك
رغم العوذال كان حظنا قايم

العمر يمضي مسرعه أيامه
بس يبقى وجه الله هوه الدايم

ذكراك في قلبي أبد مانساها
وبـرد الجميل إلكـم مانـي رايم

# للشاعـر / صالـح الحصـن الشحـي

 

[برووق]

وقت المسا ياذا النسيم اللافي
هيد وبتخبرك عن محبوبي

مرت علي أربع سنين عجافي
لا أهتني بقوتي ولا مشروبي

مابي صبر والهم لي بي كافي
الدار كيف الدار وأهل ينوبي

بالصدر ضيقه والدمع ذرافي
من زود مابي أهلي تعايوبي

من بعد ما كانو ستر ولحافي
الدنيا ما يتني على مطلوبي

الحزن في عيني غدا ينشافي
بنظم القصيد أحيان أقزر دوبي

لعصير أتذرى بظليل الغافي
الحال هذا وليتهم يدروبي

ياذا النسيم إن سرت له خطافي
ذكره فيني يمكن إيصد صوبي

للشاعر / صالح عبدالله الحصن الشحي

 

[برووق]

وشلي بموسيقى وطبلٍ وغي
وبالآخره أتحاسب حساب

هذا الدرب مايفيدني شي
إذنـوب تكتـب لـي بلكتـاب

إتـم لـي { سيئات } تجـري
وإمن العذاب أفتح لي أبواب

حق لحسنات الناس تسعي
يمضي العمر والوقت غلاب

كان إستفـاد لي كان قبلي
بعـد إما هالـو فوقـه إتراب

في ها الحياه يتفكر الحي
بلـي مضـى والـرب تـواب

الــي يبـاه الغــي ينهــي
صوبه أبد ما تخب لي ركاب

وشلي بطبل ويوله وغي
وذنبٍ وراه أتحاسب حساب

للشاعـر / صالـح الحصـن الشحـي

 

[برووق]

%%%%% الجــديـــد %%%%%

الغــزل مـاشـي منـه أبــدا ولا شــي جديـد
والقـديـم إيـي ع بالـي أرد أعيـده أجـدده

في بعض لحيان أهويس وأتسـلا بالقصيد
بـس من أجـل إلتسلـي القصيـد إل أقصده

عايش ومرتاح بالي وكل يوم أصبح سعيد
ولي يودنـي وكنـت أوده راح والله يسعده

كـل شيء ولـه نهايـه وكـل منـا شـي يريد
ومـا يصيــر إلا المقــدر وإلـي ربـك رايـده

للشاعـر / صالـح عبـدالله الحصـن الشحي