رواية نور / للكاتبة : وديمة العطا..؛

[اسيـرة الهم..]

استآآنست وآآيد يم شفت التكملة

مشكووره يزاج الله خيير

ونتريا الباااقي

تحياااتي

 

[دلع بنوتة]

استآآنست وآآيد يم شفت التكملة

مشكووره يزاج الله خيير

ونتريا الباااقي

تحياااتي

اصلا جريب بتنتهي لين 40 بارت

عفوا خيتوو

وان شاء الحين بنزل ^^..؛

 

[دلع بنوتة]

الجزء الخامس والثلاثون



في خيمة الشباب دخل مروان وكان بدر وسعود وفهد قاعدين تم يتلفت ايدور زايد
مروان:وين زايد؟
بدر:راح ايشوف يدته
هز مروان راسه وانسدح قريب منهم
بدر:شرايكم باجر نحرك وانروح شرق لين راس الخيمه مروان انته مطوله اجازتك
مروان وهو عاقد ايديه ورا راسه:ومنو قالك انه عنديه اجازه
بدر:نــــــــــعم عيل شو تسوي قاعد معانا
مروان:امممم عنديه شغيلات قريب من اهنيه المهم كم يوم بعد بتموون
بدر:باقي ثلاث ايام من الاجازه..بصراحه البر يباله اجازه طويله
مروان:عيل وين بتحركون خليكم الايام هذي اهنيه
بدر:بنتشاور مع خليفه وزايد


........................................

في خيمة الجده دخل زايد وشاف جدته تستعد للنوم ونور قاعده اتصلي
الجده:مرحبا الساع
حب زايد يدته على يدها وفوق راسها وتوجهت عيونه للي تصلي
الجده:هييييه قال روقو الخدامات ثرك تبا اتبيت عندنا
ضحك زايد وهو ينسدح عدال يدته فوق الفرشه:والله يا يدوه متوله عليج تذكرت من زمان يوم كنا نطلع البر وابات في حلجج
الجده:وااايه فديتك واليوم بعد تعال بات عنديه
زايد وعيونه عند نور:وبنتج وين بتبيتينها؟
الجده:ومن متى اهيه اتبات يوم انها طول الليل على سيادتها
تنهد زايد وعيونه عندها
الجده:انا مادري شبلاها بنتيه من ردت وهيه مش بنتيه لوليه انته شي قايل الها
التفت زايد لجدته:ليش يا يدوه؟
من قبل اتبات اتحشرنيه وتحببنيه وماترقد الاعداليه ومن كم يوم يا ولديه عزلت فراشها وماتقعد معانا وايد اتقول حد متحلفلها ان شافها معانا
تمت عيون زايد على نور
الجده:وهذي اهيه بتم على سيادتها لين ترقد عليها
زايد:ماعليه يا يدوه انا بشوف شو فيها
الجده:اهيه قالت اليه انكم متفقين تتفارقون وانها راضيه بالي بتقرره بس ماعرف شو جلب حالها
وقف زايد وهو يحس انه متضايق من كلام جدته
الجده:وين بتروح فديتك
زايد:بروح ارقد فديتج

بعد مابندو في المخيم الكهربا لان الكل مستعد للنوم كانت روضه واليازي راجعات من سهرتهن مع البنات متوجهات لخيمتهن على نور القمر وفي طريقهن صرخة اليازي
اليازي:روضوووه يرابيع يرابيع اركضي.."اليربوعي هو الفار الصغير"
واسرعت اليازي بخطواتها على عكازتها للخيمه بينما روضه خافت وغيرت اتجاهها وركضت لبرميل شوي بعيد عن المخيم وركبت فوقه وهيه تنادي اليازي
روضه:يزوووووي فارقت ويهج وييينج
لاكن لا حياه لمن تنادي
روضه وياست من الانتظار لان اليازي على طول انكتت في فراشها ورقدت
روضه:لحماره والله لتشوووف....الحين شو اسوي
بعد خمس دقايق حاولت تنزل من البرميل لاكن الخوف غلب عليها ورجعت تقعد عليهاخيرا فكرت ترسل رساله لفهد تطلب امنه العون
تخربط بدر بين التيلفونات وفتح رسالة فهد معتقد ان التيلفون تيلفونه لتشابهم
روضه"فهوووووود الفزعه فديتك انا قاعده على الدرام واليرابيع محاوطه ابيه تخيل بس انته حالتيه اهئ اهئ
ابتسم بدر وجلب التيلفون وتاكد انه لفهد بعد ماعرف منو راعية الرقم طرشلها مسج من تيلفون فهد
بدر"تنكتين حضرتج على اخر الليل
روضه"لا والله يا فهود ما انكت انا حالتيه حاله واليازي شردت عنيه ولين الحين مارجعت اليه بلييييييز يافهيدااان الفزعه وانا اختك
بدر قام وطلع من الخيمه وهو مبتسم
بدر"حد ايخاف من اليرابيع
روضه"حرام عليك لا تذلنيه والله لو ماكنت اتروع منهن ماطلبت الفزعه
بدر"وين مكانج
روضه"ورا لخيام الي من جهة الشرق عجل يا اخوووي
اتوجه بدر لمكانها وحط تيلفون فهد في مخباه وشافها فعلا قاعده على البرميل والله شكلها ايضحك
بدر وهو يقرب ناحيتها:منووو اهنيه؟
روضه ماتت من الفشيله لاااا كله ولا انته
بدر:منوووو اهنيه ؟
وقرب اكثر لين صارت واضحه جدامه من نور القمر
بدر بتصنع الاستغراب:روووضه
نزلت روضه راسها تحت وهيه تضم ريولها لصدرها
بدر:شو تسوين اهنيه؟
روضه بارتباااك:هااه ما مااااشي قاعده اشم هواء
كتم ضحكته:حد ايشم هوا الحين في هالوقت والضلام هذا
روضه:لا عاادي قماااري
بدر:وبروحج؟
روضه:لا لا الحين بتينيه اليازي قالت بروح اشويه وبرجع
قرب بدر اكثر منها وزاد توترها وكان مستغرب اهيه تكذب ولا صادقه
بدر:الوقت مايصلح للسهره ياله قومي روحي لخيمتج
روضه:مااا عليه بروح عقب شوي
بدر:الحين وانا اشوفج
روضه:انته ليش اتكلمنيه جذيه انا مش ياهل اعرف ادبر نفسيه
حط يده على البرميل وقرب راسه اكثر منها
بدر:ممكن تتادبين يامدام وانتي تتكلمين معايه اعتقد انا يسمونيه زوجج
روضه انحرجت ولامت نفسها على اسلوبها
بدر:ياله قومي جداميه على خيمتكن
روضه باستسلام:انزيييين
كانت عيونها على الارض اتشوف اذا في شي في طريقها ونزلت وبان الخوف فيها وبدر متجاهل ويكتم ضحكته
مشت خطوه خطوه
بدر:بنبات على خطواتج هذي
روضه:انزين انزين
رفعت راسها وقاست المسافه بينها وبين خيمتهن وبدون كلمة وداع ركضت بكل سرعتها للخيمه
اول ما اختفت انفجر بدر بالضحك وهو رايح لخيمة الريايل
طرشلها مسج من تيلفون فهد"وايد اتعرفين اتدبرين نفسج ههههههه
صرخت مفتشله وهدت على اليازي اتوعيها
.................................................. ..

في اليوم الثاني كان مروان ياي وفي ايده كوب حليب تم يتلفت
مروان:وين زايد
بدر وهو منشغل بتصليح تيلفونه الي انترس رمل:ياه اتصال وقال بروح شويه وبايي
مروان بصدمه:شوووه متى؟
وركض لسيارته وهو يرمي كوب الحليب على الارض لحقع بدر الي خاف من حركته ومسكه عند السياره
بدر بصوت عالي:شووو صاير
مروان:انته كيف اتخليه ايروح بروحه
بدر بعصبيه:فهمنيه شو السالفه؟
مروان:بعدين بعدين يا بدر
بدر:والله ما اخليك لين ترمس
مروان:في ناااس اتريد اتضره ولا انته تتحسب سالفة السياره وجلبتها بدون سبب
بدر حس بريوله ماتشله:انتو شاكين في حد؟
مروان:خلنا انحرك الحين ونلحق عليه
وعلى طول ركبو سيارت مروان وتفاجئ بدر بالبتاني الي كان ياي مع مروان على اساس انه راعي سيارة الدراجات
يتكلم مع مروان عربي وانه واحد من ربع مروان في الشرطه
وصاه مروان على بعض الامور ومشى عنه
تم بدر يتلفت:شو السالفه شكلكم ....
مروان قاطع كلامه:قلتلك انا مش في اجازه ومن متى يا عيني بيعطونيه اجازه انا ماسك قضية زايد بعد ماعرفنا ان الجلبه بفعل فاعل ومسكنا بعض الخيوط وناس حاطين عليهم المراقبه واهم شي ان زايد ايتم تحت المراقبه وعشان مانلفت الانتباه ان في حد يحرسه كنت انا
معاكم حتى في لندن والسعوديه يوم راح كنا حاطين ناس اتراقبه من بعيد
بدر وهو ماسك سفرته في يده منصدم من كلام مروان:لييش ما قلتليه
بدر:انته اخر واحد والله كنت اباه يدري انته يا بدر مثل الام اذا حد بيقوللها عيالج في خطر بتم طووول الوقت مستهم وان قدرت تمنعه من الطلعه بتمنعه
بدر وفعلا انحرقت اعصابه على زايد:مروان فديتك عجل بالسواقه خلنا نلحق عليه انا بسوي له تيلفون
مروان:طالعه وين اهو
اتصل بدر على زايد:مايشله
مروان وهو يزيدفي سرعته وسط تلال الرمل متبع اثار سيارة فهد الي طلع فيها زايد
وعلى الشارع العمومي شافو السياره
بدر:هذا اهوه
وعلى طووول وقفو عنده بعد ماطلب مروان من بدر مايقوله شي
التفت الهم زايد:خييير شوملحقنكم ايانيه
بدر وهو يحاول ايكون طبيعي:تولهت عليك تدريبيه ما اصبر عنك
زايد:هذولا اظن ماعندهم سالفه من الصبح ارقبهم وماحد بين فيهم
مروان:تنتظر حد يا زايد؟
زايد:يانيه اتصال وطلب منيه راعيه اتلاقى معاه اهنيه
مروان:وراعيه اتعرفه
زايد:لا اول مره اتكلم معاه
مروان:وش عرفه انك اهنيه
زايد:هو قاليه انته وين ونعتله المكان قاليه نصف ساعه واكون عندك
بدر:زايد ما احيدك ممن جذيه من اي حد يتصلك بدون ماتعرف منو اهوه
زايد:تبا الصدق متملل وقلت بطالع شو سالفة هذا الريال يمكن اشويه ايفج الملل
مروان:انزين شرايكم انتو اتردون المخيم وانا برقبه وبشوف شو سالفته
زايد:لا ماعليه برقبه بعد اشويه
بدر:نرجع نرجع يازايد مروان بيشوفه وبعدين انته ماتريقت وطالع كيف مصفر وادويتك ماشالله عليك مايبتهن
استسلم زايد لطلبهم ورجع معاهم بينما بعد ماحركو غير مروان مكان سيارته لمكان ثاني ورا التلال ورجع ايراقب الشارع من مكان محد ينتبه له

......................................

فكرة الكشته شرق عجبت خليفه وزايد وعزمو انهم ايحركون كشته للشرق وطلعت السيارات كلها
روضه كل ماشافت بدر قريب منهم ذابت وماتت قهر يوم شافت بنات خالة امه وامهن راكبات معاه لان سعود ياه شغل ضروري وطلع من الفجر والخدامات وزعوهن في السيارات الثانيه
روضه تتحرطم بعد مانزل خليفه للسبرماركت:اخوووه سيارته خاليه جان ركبن معاه شو يبن بالعود وهن يدرن انه مالج صدق صدق يقهرووون
اليازي:هههه رويض هدي ياماما مايسوا علينا هالبدر كلتينا عليه
روضه:انتي شوفي بعينج كل مامرو من عدالنا الا وهو متشقق من الوناسه
اليازي:روضه حرام عليج والله البنات محترمات وانا ماشفت شي منهن بالعكس ينحبن
روضه:هييه ينحبن ادري انهن ينحبن ماتشوفينه متشقق


كانت كشته حلوه الكل استانس فيها وهم كل شوي موقفين في مكان ونازلين وفي طريقهم مرو بسوق بين الجبال السوق هذا عجيب ومكانه عجيب وفيه كل شي جميع انواع الخضروات سوق خضره ممتد على جوانب الشارع وغير محلات الشتلات ومحل يبيع الجرار اشكال والوان وبعض المحلات اتبيع السجاد
الجماعه كلهم نزلو في هذا السوق وكلا ترس يده من الخضره الطازجه المعروضه
وقف فهد عند دريشة البنات:وين يزوي؟
اليازي:احم احم
فهد:تبين منجا
روضه:وشمعنا اليازي اتشاورها تبا منجا احنا مالنا رب
فهد:اعوذ بالله انتي شو منقزنج سيري حاسبي ريلج الي ماخلا شي في السوق الا واشتراه حق بنات خالته ترس السياره عليهن
سكتت روضه وهيه مولعه يعني تزداد يافهد
اليازي:فهد اريد احول
فهد:وين اتحولين
اليازي:نفسيه اشوف شويبيعون
فهد:ماعليه بيبج في يوم بروحنا وبخليج تنزلين
سكتت اليازي وابتسم فهد وراح عنهن...يااختي دافهيدان والاجل على الله تبينه اينزلج والسوق كله شباب دا بعدج
سيارة زايد كانت فيها نور والجده لان ابو فهد وامه وخدامتهم ركبو مع فهد
تم زايد طول الوقت يتكلم ويحاول ايجرجر نور بالكلام معاهم لاكنه تكتفي برد بسيط وتسكت وهذا ضايق زايد وايد
حتى وهم بين فتره وفتره ينزلون ويجتمعون كانت تمشي بروحها واتم في مكان منعزل
تنتظرهم يرجعون للسيارات

 

[دلع بنوتة]

وقف زايد وتم يراقبها"ليييش يا نور ليش هالتفكير الحين بالذااات تراج قاعده تذبحينيه ذبح بطيئ....معقوله درت ومسويه عمرها ماتدري ...هنــــــــــــــــــــــــيه كيف راحت عن باليه هنيه تدري بالسالفه معقوله قالت الها وحلفتها ماتقول انها تدري
مشى زايد بخطوات سريعه مبتعد عن الكل وهو يحس بغيض مسيطر عليه
زايد:هنـــــــــــــــــــــــيه
ارتبكت وانتفضت:ايووووا يابااااشه
زايد بغيض:انتي قلتيلها يا هنيه
هنيه:التلها التلها ايييه يا باااشه وهيه مييين
زايد:عن الاستعبااط انتي تعرفين شو اقصد
هنيه:لا والله لا والله ماالتلهاااااش ينقطع لساني ان قلت ليها والله يا باااشه وحيت فريد ابني ماالتلهاااااش
زايد هدا شوي:تدرين لو ادري ان وصلها علم من عندج شو بيصير الج
هنيه:عارفه يابااااشه عرفه وكلامك حلق في وداااني
سكر عنها ورجع يلتفت لنور على حالها عايشه في عالم ثاني غير الي هم فيه عنده احساس ان في صدرها ضيقه والضيقه هذي قاعده تكتم على صدره اهوه
كملو بعدها طريقهم لين وصلو على المغرب لشاليهات على البحر وكان المكان روووعه وقررو يباتون في هالشاليهات
الشاليهات كانت عباره عن شاليهات صغيره مصفوفه عدال بعض كل شاليه فيه غرفتين وصاله ومطبخ تحضيري مفتوح على الصاله وحمام واحد والشاليهات مصفوفه عدال بعض وهن ممتدات على طوول الشاطئ ويفصل بينهن وبين الشاطئ حديقه خضرا فيها اشجار طويله المكان روعه والكل استانس فيه كان شبه خالي الامن كم عائله ساكنه في اول الشاليهات كل الشاليهات حجزوهن والكل انتشر يحجزله شاليه خاااص له
زايد خذله شاليه بروحه وكان اخر واحد وعداله بدر ومروان وامهم
وعقبهم بنت خالة ام بدر وعيالها
ومن بعدهم ابو فهد وام فهد ومعاهم الجده
وعقب خليفه وعائلته
الكل اجتمع في الحديقه الي جدام الشاليهات وفرشو باسط قعدو عليه وزينو القهوه والشاي وحطو من الفواكه الي اشتروها
على طرف ثاني بعيد اشويه البنات اجتمعن وتمن سوالف وضحك
كان شاليه ام فهد هو الشاليه الي فيه الخدمه لقربهم منه
مر بدر من جدام الشاليهات وتلقى له احمد
احمد:زرافه
التفت له بدر:انته ياصبي حد مسلطنك عليه كل ماشفتنيه قلتليه زرافه ترانيه ان مسكتك علقتك في الشيره فوق
طلع احمد لسانه لبدر وشرد
بدر:حشى جن بينيه وبينه ورث هالصبي
وكمل بدر طريقه وهو مايدري ان هذا اهو احمد الي معتقد انه حبيب روضه
مي وناصر وهند راحو للشاطئ يجمعون اصداف وتمو طول الوقت مستمتعين بتجميع الاصداف ومن بعيد عيون اتراقبهم ضايقه به الحياه
هند:اريد ارجع احنا رحنا بعيد وايد
مي:بعد اشويه خلونا بس نوصل الصخور هذيج
ناصر:انا برجعها وبرجع لج
مي:زين برقبك
وراح ناصر وهند واول ماوصلو واقعتهم نوره على تاخيرهم وانها من الصبح اتدورهم طلب منها ناصر يرجع لمي لاكنها رفضت وقالت له انها بترجع اذا تاخرت عليها لاكن مي كانت مستمتعه وكملت طريقها وهيه تجمع الصدف
من وراها ياها صوت
مروان:ماجن وايد رحتي بعيد
التفتت له متروعه وتمت تتلفت للمكان حولينها
مي:ناصر بيلحقنيه الحين
مروان:ياله ردي وايد ماخذه راحتج في المكان والمكان كله اجانب من الجهه هذي
نزلت راسها تحت وهزت راسها بانزين ومشت ماره من جدامه لاكنها وقفت اول ماسمعته تنهد بصوت عالي زافر ضيقه في صدره
التفتت له وتمت اطالعه
التفت عنها للجهه الثانيه:ياله يا مي امشي ياله
ومشى اهو في اتجاه ثاني مبتعد بمشاعره الي كانت على وشك تفضحه
طبعا اهو كانت خطواته سريعه وراح من مكان ثاني راجع معاها في نفس الطريق بس من بعيد وهو يراقبها

اول ما وصلت مي للجهه الي اذا سلكتها بتكون جدام الشاليهات قعدت على صخره اهناك وبلا شعور تمت اتغني اغنيه فيها شجن وحب واشواااق
يا شوق كيف الهوى سوّق مواليفــي ...

والشوق يا شوق كيف اللي مسونّــــــــه
ما طاعني القلب منه ماعلى كيفــــي ...

القلب يهواه وعيوني غصب طاعنّــــــــه
بلغ نسيم المهبه كوس ومريفــــي ...

وبلات ريج على الكاسات يرونــــّــــــــه
اللي سبقني يخبرهم بتعريفـــي...

ناس قدرهم عيوني ما يساونّــــــــــــــه
من غاب جرحي لهبني دايم نزيفــي...

و صدري عليل سموم الشوق شكنـــّـه
يا كيف بصبر ويا كيف المواقيفي...

صبري معبر وحالي قد خلا منـــه

اللي ذبحني عليه المـوت تشريفي

يا ليتني ليت كلي له فدا عنه

بس المودة يواصلها بتصريفي

ويرحم خليل على شوقه مخلنه

اللي ذبحني عليه الموت تشريفي

يا ليتني ليـــت كلي له فدا عنـــه
بس المودة يواصلها بتصريفي ...

ويرحم خليل على شوقه مخلنّـــــه

بعدها زفرت زفرة الم

والي سمع المره هذي كان زايد الي ابتسم مش متخيل ان صغيرته سلكت هالطريق العذاب بعدها رجعت مي للشله والتقى زايد ببدر ومروان على الكراسي المحطوطه جدام واحد من الشاليهات وكان مبتسم
بدر:شووه اشوفك مبتسم
زايد:ما بتصدق يابدر
بدر:خيير
زايد وهو يضحك:ميمي ....ميمي يابدر اتحب
بدر:هاااه
زايد:فدييييتها ما اتخيل لا والي تحبه مشقنها ومعذبنها ليتك سمعت كلمات اغنيتها
مروان انتفض من راسه لريوله وهو يسمعهم مايدري شو صابه
بدر:ههههه في ذمتك ومنو هذا الي تحبه
زايد بابتسامه:مااادري
بدر:ليتنيه ادري به بس لحمار مشقنها بحبه بعد والله دنيا كبرو لعيال
زايد وابتسامته مافارقته تم ايطالع جدام ويتذكر كلماتها
بدر:مشكله عاده يوم الواحد ايحب ويتعلق بشخص مايدريبه
وتذكر بدر روضه معقوله بعد روضه وضعها مثل ميمي ليش لا مالها قلب
مروان ابد ماشك انه اهو هذا الواحد بس الي تاكد امنه انها كبرت وبدت اتحب اذا كان صدق استنتاج زايد

خليفه طول الوقت كان مع نوره ولعيال في الشاليه المخصص الهم وكان يحس بحب نوره يتفجر في قلبه كل ما التفت الهاوشافها تضحك ولاتلاعب الصغار وتقوله اميره طلقها لو المووووت ما طلقتها خلااااص احس روحيه ارتبطت فيها
قامت نوره تمشي وهيه مش منتبهه وفي يدها بجامة فطامي اتشوف بقعه صغيره فيها ماتدري من شووه وقررت تيب وحده ثانيه وتفاجئت بايدين تمسكها وتسحبها للممر
ثبتها خليفه بينه وبين الجدار رفعت نظرها وتمت اطالعه باستغراب
نوره:شبلاااك؟
خليفه:قلبيه ايعورنيه ويريد ايقولج احــــــــــــــــــــــــــــــــبج
خفق قلب نوره بقو متفاجئه وبدت ترتجف وتجاهلت احاسيسها
نوره:ممكن تتركنيه بروح ابدل للبنيه
خليفه:نوووره انتي سمعتي شو قلت
نوره:انا مش فاضيه للكلام الفارق هذا
خليفه:افا افا افااااااا هذا كلام فارق
نوره:هيه كلام فارق ومش وقته
دزته وراحت تيب تبديل لفطامي
هز خليفه راسه وهو يتبعها"لااااا الظاهر انها مطنجره على الاخر
تمت اتنبش الشنطه ورغم ان البجامه جدامها الا انها ماعرفت شو فيها ونزلت كل الملابس الي في الشنطه
كان واقف ومتساند على حافة الباب وزاد وقوفه توترها
خليفه:تبين مساعده؟
نوره بعصبيه:لااا ما اريد مساعده ممكن اتروح وتخلينيه في حاليه
قامت بعد مالقت البجامه ومرت من عداله وهيه متضايقه من حركاته وتتبعه الها قعدت على الكنب وبدت اتبدل لفطامي ويا وقعد عدالها
والتفت الها ولفطامي
خليفه:تبون مساعده؟
نوره:اوووووف
خليفه:هههههههه فطامي ليش اتلوعين جبد خالوووه
التفتت له مواجه ويهه:الحين اهيه الي ملوعه جبديه
خليفه:عيل منووو قوليليه بس عليه
تمت اطالعه بغيض:انته شو تريد؟
خليفه:لا مش الحين بقولج شو اريد...عقب يوم بيرقدون اليهال
نوره التفتت لفطامي وهيه تزفر وقرب خليفه منها وهمس:احبج احبج احبج
حطت ايديها على اذانها:انته اليوم مش صااااحي
خليفه:والله انا من البارحه مش صاحي

.................................................. ........
توجه زايد لسيارته من ورا الشاليهات عند الكراجات وانتبه وهو راجع بوحده قاعده على السلم الخلفي لواحد من الشاليهات ومسنده راسها على ايديها وركبها المضمومه لصدرها عرفها نووور حس بقلبه انطعن على شكلها هذا توجه الها بسرعه
زايد:نووور
اعتدلت بسرعه وهيه ترفع راسها لفوق ووقفت وشكلها كانت في غفوه
زايد وهو منحرق:انتي شو تسوييين اهنيه؟
نور:لا شي
زايد:شو يعني لا شي ليش قاعده هالقعده ليش قاعده بروحج
نور:انا لا اعرف اين سابيت
زايد:والبنات ويين؟
نور:لا اعلم
زايد:ويدوووه
نور:جدتي تجلس هناك امام الشاليه ومعها عمي ابو الفهد ولا اعلم من ايضا ربما بعض الرجال
تنهد زايد بالم
زايد:المفروض البنات ايطالعنج هن شبلاااهن انصطلن في هالاجازه
صوته كان معصب
نور:لا عليك سوف اتدبر امري
زايد مسكها من يدها وسحبها وراه:تعالي معايه
لحقته وهيه تحس انها تعبت من القعده طول الوقت ورا البيت كانت ماسكه في يدها شنطه صغيره فيها بعض الملابس
مشاها من ورا الشاليهات وكان شكله مايريد حد ينتبه عليهم حتى انه اول ماسمع صوت بدر تراجع واقف لين اختفى بدر ومشى معاها بسرعه لين الشاليه المخصص له اخر واحد فتح الشاليه من الباب الخلفي ودخلها وتوجه بسرعه للستاير ونزلهن وقفل الباب الامامي ومشى رايح للغرفه الثانيه الي جنب غرفته وفتحها
زايد:تعالي يا نووور ...انا الغلطان من البدايه كان لازم انتبه ان الشاليهات مش مكفيه الكل
نور:هل انام هنا؟
هز راسه بنعم
نور:اشكرك زيد كنت اريد ان اصلي ولم اعرف اين اذهب
قلبه موجووووع يا ناااس من حالها ومش عارف شو يسوي شو الي جلب حاليه عليج يا نووور
ابتسمت له ودخلت الغرفه
توجه اهوللصاله وقعد على الكنب وهو يحس انه منهد حيله فتح التلفزون وتم ايطالع الاخبار متعايز انه ايروح ايكمل السهره مع الشباب

 

[دلع بنوتة]

دقت البنات على نوره في الشاليه الي اهيه فيه
نوره:نعـــــــــــــم خيير
روضه:افا حرمة العم ترا مالنا غيرج احنا وين بنبااات
فتحت نوره الباب اكثر:صدق انتن ماتعرفن وين اتباتن؟
روضه:الشاليه الي فيه اميه وابويه عندهم فيه يدوووه والخدامات وفهد بيرقد في الصاله حتى بنات ام سعود مايعرفن وين يرقدن لان امهن في نفس الشاليه الي فيه ام بدر وعيالها اعتقد
ضحكت نوره:ههههه يا حليلكن شرايكن تفرشن في الحديقه وترقدن اهناااك
اليازي:يعني احنا مطرودااات انا ما شفت والله عالم يامنون للشباب مكان ويهملون بناتهم برا
نوره:ههههه افا عليييج انتن نسيتن انكن تبع عمكن هو المسؤل عنكن اقربن بفرش لليهال في الصاله وانتن باتن في الحجره الثانيه
مي:انزين خديجه واروى وين بيباتن امهم تتحسب ان في شاليه خاص النا ماتدري بحالهن
نوره:خليهن ايين بقول لخليفه ايروح ايبات عند زايد
ودخلت نوره وراحت لخليفه الي كان منسدح على السرير وخبرته بسالفة البنات
وقف ولبس ثوبه:زين ماعليه خليهن ايباتن اهنيه
تمت اطالعه ممتنه لتفهمه وسرعة استجابته وطلع وتم يتكلم مع البنات شويه واول ما طلعت التفت الها
خليفه:جهزتي سمانا
نوره:اي سمان
خليفه :تبديل اليه ولج بنروح للفندق الي في الطرف الثاني هذوووه قريب منيه
نوره:لا انا مابرووح رح انته باات عند زايد
خليفه سحبها من يدها وراح معاها الغرفه:انا ماببات عند زايد وانتي بتروحين معايه جذيه ولا ترانيه مابطلع وطز عاده في الباقي
نوره عصبت:خليفه الحين انته صدق تتكلم
خليفه:طبعا انا خلاااص ما اقدر ارقد بعيد عنج
نوره:عن الحركات هذي انا ما اريد اروح معاك
خليفه:كيفج
وراح للسرير وانسدح
نوره بعصبيه:خلاااص انزين خلاااص امري لله انته انا ما اعرف شو صابك من البارحه
خليفه بابتسامه خبيثه:والله وايد صابنيه خصوصا استسلامج لحضنيه البارحه وانا منقهر من نويصر واحمد الي باتو ايسولفون لين الصبح
تمت نوره ترتب اغراضها واغراضه منقهره امنه وبعدها طلعو ووصو البنات على اليهال
وطبعا كل تفكيرهم ان نور مع اليده
المسافه بين الشاليهات والفندق قصيره وايد وصلو بسرعه وكان خليفه يصفر وهو يمشي عدالها وهيه تحس انها بتنفجر من الغيظ عليه
خليفه عند الرسبشن:سبشل روووم بليييز
طالعته نوره بغيض وضحك بصوت عااالي
نوره بهمس يسمعها فيه:قممممه في الوقاااحه
خليفه وهو يقرب راسه منها:اشششش خليج خليج مبسطه تراهم بيقولون الحين انيه يايبنج بالغصب
نوره:ماهو هو هذا الواقع
خليفه وهو يلف اكتافها بيده:هدي هدي حياتي وخلي اعصابج رايقه
نوره :شل ايديييك عنيه ولا ترانيه صدق بفضحك
ابتسم:طيب طيب دقيقه بس خلينيه اخلص الحجز
والتفت عنها لصاحب الفندق وتمم معاه الحجز وبعدها اتوجهو للغرفه المخصصه الهم
اطلق خليفه صفير اعجاب اول مادخلوها:ياسلاااااام ولا في الاحلاااام واحلى شي ان مافي نويصر واحمد حشره عندنا
نوره توجهت للحمام وهيه معصبه بدلت ولبست قميص عادي وطلعت وشعرها مفتوح
التفت الها:هلا والله....هلا بفزااات قلبيه
نوره:انته شووو فيك هاااه بتقووول شو فيييك؟
خليفه:انا واحد خلااااص صبره نفذ وايريد يقضي ليلة حب مع حبه
نوره :اسمع عاده انا اتكلم معاك جد انته الي تسويه هذا ابد مش عاجبنيه
خليفه:بس انا عاجبنيه
نوره:مب كل شي غصب وخلك ريال واتركنيه في حااااليه
خليفه وهو يقرب منها ويحبسها بين ايديه والجدار:في ذمتج مش مشتاقه اليه
نوره:انته مش صاااحي
خليفه:والي تكونين انتي زوجته وين تبينه ايكون صاحي
نوره:خلييييفه وخر عنيه واتركنيه في حاليه
خليفه:مستحييييل
نوره:ووعودك يا استاذ لحبيبة القلب
خليفه:انتي سمعتينيه وعدت حد
نوره:المهم انا ما اريييييدك اتركنيه في حاااليه
خليفه:سوووري يالغلا
نوره:وقسما بالله انيه اخبر اميييره
خليفه:عااادي تراج دوووم توهمينها وانا احلف الها يعني بتصدقج المره هذي
نوره:اووووف ...وبعدين يعني
خليفه:ههههه تدرين امووووت في تنرفيزتج هاذي
نوره بعصبيه صادقه فيها:انا ما اريدك تسمع ما احبك اتركنيه يا اخي انته شوووه ماتحس
شلها خليفه وهو قممه في الوقاحه مستمتع من عصبيتها:الحين بعلمج كيف اهو الاحساااس
نزلها على السرير وبدت اهيه تضربه وتدزه بعيد عنها
نوره:انته وقح تفهم وقح يالله روح بعيد عنيه
خليفه:هههه اعصابج حياتي خلينا نتفاهم
نوره:عاااد شف انا اقولها لك بصراحه يا وييييلك ان حاولت وافهم يا اخي انا ما ادانيييييك اكرهك تفهم
خليفه:شو قلتي
ودخل صبعه في اذنه اينظفها
خليفه:عفوا ماسمعت كنتي تقولين شي
نوره:ياربيييي منك مادري شو هالوقاحه الي نازله عليك اليوووم
خليفه:ما ادري ذنيه شو فيها اليوم ما اسمعج عدل
وتم ينظف اذنه في محاوله انه يسمع شو تقول
رغم انها معصبه بس كان في خاطرها تضحك على استهباله
خليفه وهو قاعد على الارض وهيه قاعده جدامه على طرف السرير مجابلنها:عمري مابتسمعينيه عاده
نوره:لا ذنيه مادري شو دخل فيها
ضحك خليفه بصوت عالي:فديت انا الاستهبااال
التفتت للجهه الثانيه
نوره:افففففف واخرتها
قام وقعد عدالها وهو يطوقها بيديه
خليفه:احبج نوره وقسما بالله احبج عطينيه فرصه
نوره:بالسهوله هذي يا خليفه تبانيه انسى كل شي
خليفه:انا اااااااااسف والله ااااااسف على كل شي وارجووووج اعطينيه فرصه
نوره ودموعها تنزل:ما اقدر
خليفه:حرام عليج ليش انتي جذيه قاسيه
نوره:انا القاسيه ...نسيت انته شو سويت ابيه
خليفه:يا نوره عاده شو لينه بنتم على هالسالفه خلاص عاد انسي
نوره:انسى بالسهوله هذي انسى
خليفه:يعني شو تبينيه اسوي
نوره:اتركنيه في حاليه رح عندك زوجتك الثانيه انا ما اريد منك شي
خليفه وهو ياشر على قلبه:وهذا
نوره:عندك الي بتملاه لك....خليفه اذا انته متروع انيه اترك اليهال انا
خليفه:بس يا نوووره ادري انج مابتتركينهم ولا انا اقدر اتركج انتي شبلااااج ماتفهمييين اقولج احبج تفهمين شو يعني احبج
نوره تمت اتهز راسها مش مقتنعه
تم خليفه ايطالعها مش مصدق رفضها له معقوله هذي مينووونه ماتدري بحاله كيف صاير وتقوله لا ماتدري انه رفض طلب اميره علشانها
خليفه وهو ايطالعها بابتسامه خبيثه:تدرين انا الغلطان الي معطنج ويه



.................................


كان زايد قاعد على الكرسي وعينه غافيه وحس بحركه فتح اعيونه ولمح نور في المطبخ تفتح الثلاجه
قام وتوجه الها ووقف وراها وهيه عند الثلاجه فزعت نور اول ما التفتت ناحيته
نور:اوووه روعتنيه
ضحك زايد:هههههه شو قلتي؟
نزلت نور راسها تحت وكانت ببجامه بيضا وشعرهها مفتوح تم زايد يتاملها
نور بخجل:كوو كونت اريد ان
زايد:انتي تعشيتي؟
هزت راسها بلا:لا ارييد كنت اريد شرب الماء
مسكها من يدها وقادها معاه صوب طقم الكراسي قعد وخلاها تقعد على الطاوله جدامه
زايد:رقدتي؟
هزت راسها بنعم
الساعه كانت عندهم ثلاث ونصف من الليل
زايد:انا بعد ما حسيت بنفسيه رقدت وانا قاعد
تمت نور ساكته وهيه مبتسمه شبه ابتسامه كانت اتحس بنظراته الها ونظرات غريبه وترتها
زايد:نووور مساعه شو قلتي هههه بديتي تتعلمين كيف نتكلم
نور:القليل فقط
زايد:انزين شو تعرفين بعد؟
تمت نور منزله راسها تحت مستحيه
زايد:هاااه
نور رفعتله راسها:لا اعرف قل انته ماتريدني قوله وساقووول
مايدري ليش ايريدها اتكون قريبه امنه مسكها من يدها وحثها اتقوم وتقعد على ريوله مجابلتنه وتنهد وبدا يبتسم لحمرار اخدودها
زايد:بتقولين اي كلمه بطلبها منج
هزت راسها بنعم
زايد:امممممم شو تقولين شو تقوليييين ...زين قووووولي فديييييتك
رفعت نور نظرها له منصدمه من طلبه ابتسم الها
زايد:هاااه صعبه؟
نزلت نور راسها تحت وبدا الخجل ايسيطر عليها
زايد:بتقولينها؟
رفعت راسها:احمم .فديييييتوكا
زايد:نـعم نـعم شو قلتي فديتوكا ..ووين يايه توكا هذي بعد.....قولي فديييتك بدوون توكا
نور:فديييتوكا
زايد:هههههه بدووون توكا اسمعي قولي اول شي فديييييييي...........تك
سحبت نور نفسها بصعوبه
نور:حسنا ....فدييييي......تك
زايد:ماتعرفين الحين اتقولينها ورا بعض
نور:حسنا ساقولها وماذا ستجزيني في المقابل
مد زايد ايديه وتخللت شعرها وبدا ايحركهن
زايد:الي تطلبينه واوعدج ما اقووول لااااا
نور نست نفسها وهيه تحس باحاسيسها تتفجر مهما كان اهيه تحبه وهو الحين قاعد يوعدها باي شي اتريده
نور وعيونها في عيونه القريبه منها والشبيهه لعيونها:فديييتك
قلبه بدا يرقع
نور:فديييت قلبك........فديييت روووحك.....فديييت عمرك...فديييت
لاكنه ما اعطاها فرصه وهو يسحبها له ويسكتها بقبله حاااره لطالما تمنتها نور في اوقات مضت
مسك ايديها وحوطبهن راسه وعلى طووول قام وشلها وتوجه ابها للغرفه وهو بعده في سكرة القبله
ترددت اريوله يدخل ابها لغرفته وغير رايه وتوجه ابها لغرفتها نزلها على سريرها ابتعد عنها وهو واهيه كلا يرتجف بحده
زايد بصوت اجهش:اسف نووور اسف والله ما اقدر اسمحيليه يالغلا
نزلت نور نظرها تحت وبدت دموعها تنهمر بغزاره
نور:انا لا اريد شيا زيد اقسم لك
زايد:ااااه يا نووور شو الي سويتيييه فيه
كان مازال منزل راسه في مواجهتها وهو يكلمها مسند ايديه على السرير
زايد:انا يا نووور شو اسوي؟نووور انا ملجت من فتره ملجت على بنت ريال معرووف ووعدنيه انه ايرجع اليه كل الاصوات الي خسرتها بعد الحادث...نوور انااا
نور:اذهب زيد اذهب واعلم انني انا هيه المبتلاه بهذا الحب اذهب وفقك الله ولا تخشى شيا
رفعت نظرها له ودموعها في عيونها
نور:محبتي لك يا زيد هيه ابتلاااا من رب العالمين اولا يبتلا المؤمن...اذهب واعدك انني سوف اطلب من الله ان يرفع عني هذا البلاا
لا تخشى على يا زيد ايماني بالله قوي وسوف يرفعه باذن الله ويبارك لك في زواجك

 

[دلع بنوتة]

قام زايد وروووحه مذبوووحه وطلع وعلى طووول طلع من الشاليه وراح للبحر
حصل بدر ومروان وفهد سهرانين عند البحر على كراسي صغار متنقله قعد عندهم والكل حس انه مش طبيعي
بدر اشار الهم مايتكلمون معاه
كان زايد ايفكر ويفكر شو قصدها انها بتطلب من الله يرفع عنها الابتلا قصدها يعني يرفع حبه من قلبها
يعني معناه انها مابتكون اتحبه خلاااص هذا قصدها بيكون انسان عادي بالنسبه الها الحين بعد ماتملك حبها من قلبه بتطلب من الله يرفع حبه من قلبها لا لا لا هذا الشي مرفوووض مرفوووض
وقف زايد وتم ايطالعهم والتفت عنهم وراااااح
مروان:شبلااااه
بدر:شبلاااه بعد مبتلي
بخطوات سريعه رجع زايد للشاليه الي فيه نور وفتح الباب عليها بقو لاكنه انصدم يوم ماشافها...وين راااحت
تم ايدور في الشاليه وهو مايعرف شو يسوي معقوله بتطلب من الله يرفع عنها الابتلاء والي هو حبه في قلبها ليييش تعبت خلاااص طيب وانا شو اسوي انا بس قاعد اعذبها
يعني شو لينه بتم تتحمل مش هذا الي انا كنت اريده ان كل واحد ايكون في حاله
طلع من قسمه وتوجه للشاليه الي فيه يدته وشاف الباب الخلفي مفتوح
طلع له خاله:شبلاااك يا زايد
زايد:وين يدتيه
ابو فهد:راقده في الحجره هذي
زايد:زييين اسمحليه بشوفها اشويه
دخل ابو فهد غرفته وفتح زايد الغرفه على جدته متجاهل الخدامات الي كانن راقدات على السرير
وكانت الجده راقده تحت شاف نووور في حضنها والجده قاعده تمسح على ظهرها ونور تنتفض اتصيييح
تخللت يده شعره مايعرف شو يسوي وطلع المهم انها مش على سيادتها تطلب الطلب الي قالتله بتطلبه يعني بتحرسها يا زايد طول الوقت عن لا تطلبه...خلاااص انتهى الامر



.............................

التفتت نوره الي كانت واعيه لخليفه عدالها وهو راقد وتمت اطالع ملامحه من قريب اهو ماقصر غرقها بكلمات الحب واعترافه انه ايموووت فيها
حاولت تمنعه واستخدمت ايديها تضربه لاكنه كان مكيف على عصبيتها وما اعطاها فرصه
تدري انه يحبها مثل مايقول بس المشكله اميره
نزلت دموعها وكان ايطالعها
خليفه:غناتيه ....
رفعت نظرها له
خليفه:ليش الدموع هذي
نوره بعبره:انته مالك حق تغصبنيه على شي ما اريييده
خليفه:نوووره وبعدين يعني انتي ليش جذيه معقده الامور اظن اتاسفتلج بما فيه الكفايه وبينتلج انا شو كثره احبج ليش انتي قاسيه جذيه
نوره:انته بروحك اتاسفت وقلت الي في خاطرك بدون ماتسمع اذا كنت انا راضيه اولا
خليفه:انا ادري انج مسامحتنيه وانج اتحبينيه
نوره:على كيفك اهوه...بس هذا الي تباه انته
خليفه:فديت انا الي ما اعرف شو يبووون
نوره:انا ما اسمحلك مره ثانيه اتكرر الي سويته واتركنيه في حاليه
اعتدل خليفه:يعني شو لينه بنتم على هالحااال
نوره:بنتم عليه طووول العمر
خليفه:مرفوض انا ما اقدر استغنى عنج
نوره:عندك زوجتك الثانيه رح وعيش معاها
خليفه:انتي غييير انتي القلب
نوره:لا تضحك عليه بكم كلمه باجر بتقولهن الها اعتقد
خليفه:ههههه السالفه فيها غيره يعني الله ايعننيه عليكن
نوره:لا تاخذ الموضوع باستهتار .....افهم اتركنيه في حاليه وانا اتكلم معاك جد
حس خليفه بغيض عليها وقام :ليش انتي صرتي جذيه يا نوره .....يعني شو تبينيه اقولج اكثر من الي قلته انا اعترفت لج بحبيه
نوره:واميييره
خليفه:انا مش اول واحد اتزوج ثنتين ولا اخر واحد
نوره:وتعتقد اهيه بتوافق على الوضع هذا
خليفه:اذا كانت اتحبنيه اكيد بتوافق
نوره:اتوافق في سبيل انها اتدمرنيه ...لالا ارجوك خلنيه بعيد عنها وعن بلاويها يكفينيه الي يانيه منها
خليفه:ليش ااتسوئين الظن...انا اعترف انها تغار لاكن مش لدرجة انها اتضرج
نوره:طبعا مابتصدق فيها شي لانها بنت خالتك لاكن انا غريبه ماتعرف عنيه شي على طووول بتصدق فيه اي شي
خليفه:انتي قاعده تتوهمين انا اريد اعرف انتي شو له تبين توصلين
نوره بانفعال:انا ما اريد شي قلتلك من البدايه اتركنيه في حاليه ....كل الي اباااك تفهمه انه مافيه لبلاوي زوجتك انته ماتدري شو مسويه فيه تعتقد كل الي صار بينا مالها يد فيه ابا اعرف انا منو مشوه صورتيه في نظرك مش اهيه...انا كنت ادري انك تتحسبنيه محروقه من قبل لا تلمسنيه منو قالك انيه محروقه مش اهيه مش الحرق هذا الي بسببه رفضت اكون ام لولدك وطلبت منيه اعقه
خليفه:نووره انا...........
نوره :انا الحين ما احاسبك على الي صااار من حقك تختار ام ولدك بكيفك انا الي يهمنيه الحين انيه ابعد عن طريق اميره
انته تدري انها يمكن في يوم تجلبك عليه وتخليك تطردنيه وتبعدنيه عن اليهال
خليفه:مستحييييل
نوره:لا لاتقول مستحيل...انا انظربت جدام عينك وجلبت السالفه لصالحها وخلتك تعتقد انيه انا الي هاده عليها
خليفه:تبينها اتكون في بيت بروحها اووكيه بطلعها في بيت ثاني
نوره:لا لا لا انته جذيه بتدمرنيه انا ادريبها اهيه دوووم اتقول انها بطلعنيه من البيت وان كل الحلال هذا الها ارجوووك خليفه ابعدنيه عنها
خليفه:نوره مالج حق تتهمينها جذيه وتصورينها بالصوره هذي ...اهيه لو بتضرج مايت وقالت اليه اختار وحده فينا يا انتي يا اهيه
ويوم قلتلها انيه مستحيل اتركج على طووول قالت اتركها لانها مش راعية مشاكل بس انا ما اقدر
اتركها لانه عيب عليه عقب السنين الي فاتت ارخصها جذيه
نوره:عيل اتركنيه انا
خليفه:شوووفي انتي امرج منتهي لو تنطبق السما على الارض مابتركج رضيتي ابيه او مارضيتي...وهيه بتتفهم الموضوع وبترضابه
عصبت نوره ووقفت:يعني شوووه يا خليفه شايف ان ماورايه ظهر بتجبرنيه ويوم بتجلب راسك اهيه عليه بتعقنيه في الشارع ولا عليك من حد
خليفه قام متضايق وهو يلبس ثوبه:اووووهه انتن حريم كل وحده بس اتريد اتكون اهيه المتملكه
وطلع صافق الباب


..........................................

الصبح البنات قامن من وقت على الساعه تسع تلبسن ولبسن اليهال وطلعن رايحات للكفتريا التابعه للشاليهات عشان يطلبن الهن فطور ولليهال
المكان كان خالي الا من شلة بنات قاعدات عند واجهو الزجاج ويراقبن كل الماره طلبن روضه وخديجه ومي واليازي واروى الفطور وتوجهن للطاوله الي كانت قريبه من الشله الثانيه
روضه ماعجبها حال البنات الي كل مامر شخص من جدامهن ورا الزجاج علقن عليه حلو او مش حلو
في نفس الوقت مر بدر ومروان
مروان:اخبار زايد
بدر وكان لابس لبس للسباحه ولابس نظارته الشمسيه:والله زايد تعبان وايد رحت لين المستوصف الي في المنطقه الي مرينا عليها امس ويبت له ابره من ادويته عطيته اياها ورقد على طووول...الا قولليه سعود وفهد اتواقعو البارحه
مروان:صارت بينهم ضرابه
بدر:وانته ليش ضربت سعود
مروان:يستاهل ...انا ما اعرف هذا الريال كيف طينته تخيل قاعد قاعد يتغزل في حرمة زايد من درا ان امها باكستانيه وزايد يمكن ايطلقها وهو كل شوي ايقو حد ايطلق الزين مااادري اهو شافها مع انيه كلش مالمحت الها زووول
بدر:الله يخس ويهه لو يسمعه زايد ذبحه

في الكفتريا
وحده من البنات:يااااي جناااان سوسو طالعي الشباب الحلوين
التفتت سوسو وشهقت:تدرون منو هذا
البنات :منووو
سوسو :هذا المحامي الشاب محامي زايد بن محمد راعي الانتخابااات ايجنن ايجنن والله
وحده ثانيه:ايقول موسى اخويه انه شاف زايد البارحه اهنيه بعد
سوسو:اللـــــــــــه ياله بنات كل وحده تختار الها واحد وطبعا المحامي اليه
روضه كانت تسمع وتحاول تستوعب الي تسمعه صح ولا تتخيل
خديجه:صدق قليلات ادب عيني عينك مره
روضه وهيه ماسكه التوست في يدها:اهيه قالت المحامي الها
عضت مي شفايفها وهيه تشوف ملامح روضه الي تغيرت
اليازي:خلاااص حجزته مادري شو بتسوي به
قامت روضه والتفتت وراها للشله وتقدمت ناحيتهن وهن بعدهن يتضاحكن وياشرن ناحية بدر ومروان
روضه:اقوووول
التفتت الشله ناحيتها
روضه:ماشالله على الادب يا بنااات الناس عن***ن ماتستحن قاعدات رادار للرايح والراد
سوسو:هي هي منو انتي علشان تين تعطينا محضرات ياله
روضه وبدت اتفوور:انا اكون من اكووون لاكن انتن منو تكونن علشان تعطن انفسكن حق اطالعن الشباب جذيه وتحجزن على راحتكن
سوسو:ليييش غيرانه انا حجزناهم قبلج
روضه:تخسييين انا انكون مثلكن يا الخايسات وبعدين هذا الي حاطه عينج عليه ملك خااااص
البنت باستغراب:يعني شووو ملك خاااص
روضه:يعني هذا زوجيه وان شفتج حاطه عينج عليه طلعت عيونج من راسج
البنت باستهزاء وهيه تشير على روضه :نعــــــــــــــــــــم انتي زوووجته
كانت اتحرك صبعها فوق تحت اتاشر عليها
اندفعت روضه بغيض الها ومسكتها اروى
روضه:شقصدج ان شالله مش ماليه عينج
البنت:هههههه شجاب لجاب ياله ياله روحي العبي منااااك قال زوجته عمي اهو ياخذ وحده مثلج الطول هذا كله والزين اخبل عشان ياخذج انتي
روضه دزت اروى عنها بعيد وهدت عليها واشتبكن البنتين مع بعض مط شعر وتكفيخ الصراخ علا بينهن وكل من الفريقين يحاول يبعد كل بنت عن الثانيه لاكن مافي فاااايده
ركضت مي يوم شافت الوضع تازم وطلعت من الباب الي كان قريب على مروان وبدر
طلعت تلهث :بـــــــــــــــدر
التفتو الها وركضو ناحيتها
بدر ومروان:شوووه شو صاير الصريخ هذا من عندكن
مي:روووضه روووضه
بدر:شبلاهااا
مي وهيه تسحب نفسها بصعوبه:روضه تهادت مع وحده من البنات وهن قاعدات يتضاربن داخل
بدر باستغراب وهو يتخطاها:شوووه
ركض داخل واول ما فكر مروان يلحقه وقفت في ويهه تم ايطالعها مستغرب
مي:في بناااات داخل
مروان :بنااات!!!
مي:قصدي يعني ....روووضه اكيد بدون شيلتها الحين
هز راسه وتراجع خطوتين وهيه مازالت واقفه جدامه
بدر اول ما دخل شاف المعركه وركض بسرعه ناحيتهن
روضه:فجيييينيه والله لا اذبحج ياالحقييييره يالحيواااانه يا ملعووونة الصيييير
بدر وصل عندهن وكانن متشابكات:هيه هيه بطليها
حاول معاهن وتوهق ماعرف شو يسوي
بدر:روووضه روووضه بطليها خلاااص
سحب بدر روضه من الثانيه وطلب من البنات يسحبن الثانيه منها
روضه:والله لا اذبحها السبااااال
تم يسحبها ويحاول يبعدها عن ارض المعركه وما قدر واضطر ايطوقها بيديه ويرفعها فوق وهيه ترفس بريولها اتريد تندفع للبنت
بدر:ياربييييي رووووضه
اخيرا ابعدها ووداها لاخر الكفتريا ورا حاجز وشلها وقعدها على الطاوله وصرخ عليها
بدر:بس انجبي
اخيرا استوعبت روضه الي يسحبها من الصبح منو
بدر بصراخ:وبعدين معاج انتي وبعديييين ان شالله شو لينه بتمين على هالحاااال ماكفاااج الي صار المره الي فاااتت
تتحسبينيه بتم دوووم وراج واطلعج من مشاكلج حشى انا هب ماخذ بنت ماخذ ارضيه كل شويه هادتليه على حد ...لا ياماما الكلام هذا مايمشي انا محامي واليه سمعتيه بتين انتي على اخرتها كل يوم مطيحتنيه في مشكله
كانت اطالعه بنظرات اتحاول تستوعب انه جدامها ويكلمها قلبها بدا ايدق
بدر انتبه لنظراتها الطفوليه وهدا شويه وهو يزفر ويطالع للجهه الثانيه ويده ماسكه كتفها
رجع وطالعها ونزلت نظرها تحت
بدر بهداوه:ليش اتسوين جذيه؟
لاكنه سكت وهو يشوف شرخ على جبينها وجانب ويهها مد يده للشرخ
بدر:شووو هذا شو سوتبج يعنيه افارق ويهها زين جذيه طالعي شو سوتبج ولو ما لحقت اظن عليكن جان صار قاتل ومقتووول

 

[دلع بنوتة]

تمت لازمه السكوت وقذلتها متناثره على جبهتها وخصايل طايحه على جنب
نظراتها ذبحته وملامحها الهاديه وترته اما الغمازيه صدق لعبة دووور
قرب اكثر وهو ماسك جانب ويهها ويحرك ابهامه قريب الشرخ
بدر:روووضه بلييييز يعني اتركي عنج حركات اليهال هذي والفتوه
تمت اتحرك نظراتها في كل مكان مفتشله من الكلام الي يقوله
بدر:روووضه ...اسمعينيه طول ما انتي مرتبطه باسميه ياليييت تحشمينيه اشويه وتبتعدين عن المشاكل هذي
تم ايطالعها اشوي
بدر:شوفي انا ادري ان قلبج معلق بشخص ثاني ...بس انا بعد اريييد فرصه اكيد انج مش متقبله تتزوجين واحد غير حبيبج وحتى انا بعد مش متقبل اخذ وحده قلبها عند غيريه
وصدقينيه مابيصير زواج اذا ماتقبلتينيه ونسيتي الي تحبينه ادري انيه اطلب شي صعب بس انا بعد اريدنعطي انفسنا فرصه وخليها اطووول هالفرصه المهم انشوف شو نتيجتها واذا ماتغير الوضع بنفذلج كل الي تبينه
بس طلبيه الوحيد انج طول الفتره هذي تخلينا نقنع بعض اننا لبعض ونتوهم على الاقل اننا انحب بعض ...ادري ادري اكيد اتقولين شو هالينان بس انا هذا طلبيه واوعدج انسحب متى مابغيتي :هاااه موافقه
تمت روضه اطالع تحت وهيه تفكر:يا خبلك خبلااااه ماتدري انيه بذوب الحين بين ايديك وان قلبيه خلااااص بيفضحنيه صدق انك ماعندك ساااالفه معقوله المسكين عنده امل فيه لهدرجه ويبانيه وانا الخبلا لسانيه عاجز عن اي كلمه بلاااانيه ما اقوله شي
بدر:شو قلتي انا اريد اسمع موافقتج عشان احدد مصيرنا هااه موافقه على هالاقتراح
هزت راسها بنعم ونفسها اتقوله انها موافقه عليه اهو
ابتسم بدر ورفع راسه فوق ايطالع السقف مستااانس وكانت عاده فيه يوم يستانس يرفع راسه فوق
اهيه ماعرفت شو فيه ....كان مازال ماسك اكتافها فكرت ان في شي في السقف ورفعت راسها اطالع شو يطالع
لمحها ونزل راسه وبكل رواقه قرب منها وطبع قبله في نحرها الي بان اول مارفعت راسها
شهقت روضه وانتفضت مغمضه عيونهاللي يسويه وحس اهو ابها وكان مستغرب من ردة فعلها ابتعد عنها وتم ايطالعها وهيه مغمضه

بدر:احممم
فتحت عيونها بسرعه ونزلت من على الطاوله وهيه تعدل حجابها وتتحجب زيين
يازينها الطاوله كانت في مستوا طوله على طووول راحت عنه وهو يتبعها بعيونه
مي تمت عند مروان وخبرته بسبب الوقعه وتم يضحك من ردة فعل روضه
اما البنات الي تواقعت معاهن روضه حسن بالفشله يوم شافن بدر متدخل وشال روضه معناه ان كلامها صح وعلى طووول اختفن من الانظار
طلع بدر باتجاه الباب الي عنده مروان ومي
مروان:هاااه علوووم
ضحك بدر:ميمي تحملي اتغادين مثل اختج
ابتسمت مي وراحت عنهم
وكمل بدر ومروان طريقهم والابتسامه على شفايف مروان
بدر:شبلاااك
مروان:هههه ولا طلعت انته سبب الوقعه
بدر باستغراب:انا ليييش ان شالله؟
مروان :ماقالتلك شو سبب الوقعه؟
بدر:لا تصدق ماسالتها
مروان:هههههه في ذمتك ماعرفت شو سبب الوقعه هي
بدر:ميمي خبرتك
مروان:يا اخي سبب الوقعه ان البنات تغزلن في المحامي الي مر ووحده قالت بتصادره عاده الحكومه مارضت وقالت هذي املاك خاصه
والثانيه ماصدقت وصدقت عقب بالهده ههههه
بدر وبعده مش متقبل الموضوع:لا ياريااال ما اعتقد
مروان:والله ميمي قالت اليه
ابتسم بدر بعدم اقتناع وكمل طريقه وهو يتذكر ردة فعلها يوم قبلها
واول ما ابتعد عنه مروان ارسل الها رساله
بدر"ماقلتيليه شو سبب الوقعه
شهقت روضه اول ماقرتالرساله وفلت تيلفونها من يدها وطاح في حوض الما الي كانت قريبه امنه
روضه:لاااااا تيلفونيه
انتظر بدر اترد عليه لاكنها ماردت وارسل الها كذا رساله وماياه غير التطنيش عصب شوي وعقب اتصل وحصله مغلق
بدر""اظاهر ان كلاميه ماعجبها
الوضع بين نوره وخليفه صار سكووت من كلا الطرفين كل واحد فيهم ساكت عن الثاني رجعو للشاليهات

..............................................

في الشاليه الي فيه ام فهد كان فهد قاعد يفطر جدام الشاليه ومرت من جدامه اليازي مع بنات بنت خالة ام بدر طاحت عينها في عينه ومرت ولا كانه موجود وهذا الشي ضايق فهد اهو لين اليوم مايعرف شعورها ناحيته
شكلها مش متقبلتنه لين اليوم
البنات راحن للشاطئ ومعاهن اليازي الي تركت عكازها وتمت تدعس بريلها
ومشن مسااافه طويله مبتعدات عن الشاليهات واليازي مستانسه على سوالفهن وكان قريب من الشاطئ الشارع العمومي وقفت سيارة سعود اخوهن واتصل على خديجه
سعود:تبن كشته يا حلوااات
خديجه:صدق سعووود
سعود:هيه والله منو معاكن
خديجه:معانا وحده وتراها مملوج عليها
سعود:تعالن انزين
التفتت خديجه لليازي:سعود يعزمنا على كشته ياله اليازي
اليازي:لا لا انا برد
اروى:وين اتردين احنا مشينا مسافه طويله وبعد ين انتي ريلج اتعورج اتقولين
اليازي:لا لا فضيحه خلنا نرجع مشي
خديجه :عااادي يابنت الحلال والله اخويه حبووب ياله اليازي
اليازي:ما اقدر
الحت خديجه واروى على اليازي لين وافقت والشي الثاني انهن ماكانن بعبياتهن
اليازي لاوبسبب انها بعدها مش ملتزمه بالغشوه ركبت معاه بدون ماتتغطى لان خواته عادي عندهن ايكوننن كاشفات
طلع ابهن على طوول لطريق ثاني مودنهن كشته على قولته ...ندمت اليازي انها ماتغطت والسبب نظراته كل شوي الها من لمرايه كانها رخصت له يشوفها يوم سمحت لنفسها ماتتغطى
والي زاد ضيقتها انه كل شوي ابتسم الها صدق قليل ادب تمنت لو تقدر اتواقعه
على الطريق شافو على جانب الشارع حصن اثري ونزلو يمشون صوبه حست اليازي بويع قوي في ريلها لاكنها تحملت الويع
سعود طلب منهن يلحقنه ويصعدن معاه الجبل الي جنب الحصن عشان ايرويهن مكان حلو وتبعتهم اليازي لاكنها اخر شي صرخت من الويع وقعدت على الارض
خديجه:شبلاااج اليازي
اليازي:ما اقدر ريليه اتعورنيه اااه ياربيييي
خديجه:انتي الله يهديج عقيتي العكاز
سعود:اهيه تمشي على عكاز
اروى:ريلها مكسوره سعود وبعدها مجبره
سعود:وليييش بدون العكاز
اليازي من المها ما كان الها بارض عليهم وتفاجئت بسعود ايشلها وهو متجه تحت
صرخت عليه:انته شو تسوووي نزلنيه
سعود:اوعدج ماباخذ عليه اجر
اليازي وهيه متنرفزه:عن قلة الادب ونزلنيه اقولك
سعود:الحين الي يسوي معروف يقولوله قلت ادب صدق المثل الي يقول خيرا تعمل شرا تلقى
اليازي تضايقت واااايد :الله يخليك نزلنيه مالك حق تشلنيه
كان فهد منصعق الا كان يحس براسه منشق نصفين من منظرها وهيه بين ايدين سعود وبدون عباه وغطا الصدمه الجمته وما ان قرب سعود تحت وقريب من فهد صرخ فهد
فهد:اليااااااااااازي
شهقت اليازي وهيه تلتفت ناحية فهد الي شافت الغضب سيطر عليه
اليازي :نزلنننننيه
نزل سعود اليازي
قرب منهم فهد وصدره يرتفع وينزل الا سعووود تمنى ايشوفها بين ايدين اي حد الا سعود وهو يعرف شو اهو سعووود
نزلت نظرها تحت وهيه ترتجف
فهد:حد معااج من خواتيه
هزت راسها بلاااا
قرب منها ومسكها من يدها وجرها وراااه
اليازي:اااي ريليه
لاكنه ماسوا الها تفاهم وتم يسحبها وراه متجه لسيارته الي كانت على الجنب الثاني من الحصن
بركاااان كان يغلي في صدره..اليازي درت ان اليوم هذا مابيعدي على خييير وما ان عدا ابها الحاجز دزها للجدار بعيد عن عيون البقيه وانهاااااااال عليها بالضرب بقبضة يده
اليازي على طووول رفعت ايديها اتحاول تمنع الضرب الي ما وقفوهيه تشوف يده ترتفع وتنزل عليها صارت ماتحس بالويع تالمت واااااايد ان فهد نسى كلامه ورجع لضربها الحين خلااااص كل شي انتهى مستحييييييل ترجع له وهو ما اعطاها فرصه ادافع عن نفسها كان يصرخ عليها ويقولها ليييييش لييييش سويتي جذيه ليش طلعتي معاااه ليش طلعتي بدووون عبااااه وليش ماتغطيييتي
كانت تشهق من الصيااااح وهيه تشووووف ان قيضة يده كلها صااارت دم معقوله كل هالدم منها وهيه ماتحس بشي.....اخيرا استوعبت ان الضرب مش فيها الضرب كان على الجدار الي وراها
والي كان كله حجاره بارزه ومخلوط معاه صدف صغيره حاده قلبها انخلع من مكانه وهيه تشوف بقعة الدم الكبيره على الجدااار وفهد مازااال في غيضته ويضرب بيده على الجدار وهو يانبها على الي سوته صرخت اليازي وهيه تمسك يده
اليازي:لااااااا فهد ارجووووك لااااا
فهد:قووومي عنيه قووومي قبل لا اذبحج
مسكت يده وهيه تحاااول تمنعه من الاستمرار بالضرب
اليازي:فديتك فهـــــد لاااا لا تسوي جذييييه الله يخليك بس الله يخليك بس لا تسوي جذيييه اضربنيه انا اضربنيه انا استااااهل
فهد:ليش ياليازي لييييش شكلج خلاااص بايعتنها وتبينا نتفااارق
اليازي:لااا والله لاااا فديتك حبيبي لااااا ارجووووك بس لا تسوي جذيه
واخيرا قدرت اتسيطر على يده وهيه تضمها بين ايديها وحضنها
اليازي وهيه تصيييح:اضربنيه انا يا فهد انا استااااهل بس لاتسوي جذيه بعمرك ارجوووك حبيبي اضربنيه انا ومرخووووص
رفعت يده لشفايفها وقبلتها وتلطخت شفايفها بالدم الي يفور من يده
فهد:انتي تبينا نتفارق ياليازي
هزت راسها بلااااا
اليازي:لا حبيبي انا ماليه حد غيرك انا ااااااسفه واوعدك اكون تحت شوووورك واتغطى واسمع كل كلمه اتقولها وان شفت شي عليه مرخووووص اضربنيه وسو الي تباااه بس لا تسوي جذيه مره ثانيه ارجووووك فهد
وتمت اتصيييح وهيه تشهق بصوت عااالي لين حس انه مايقدر وخصوصا بعد الكلام الي قالته سحبها لحضنه ولفها بيديه بقو
صاحت بما فيه الكفايه ورفعت راسها شوي وتمت اتقول وهيه تشهق
اليازي:والله ...العظييييم انا مش بروحيه ....م معااااه خ خواااته مع معاااانا وغص وغصبا عنيه ركبت معاااهم م مشييينا م مسااافه طو طويييله وعورتنيه ري ريليه وغصب ركبت معااااهم والله يا فهد
ويتها نوبة صياااح
اليازي:والله يافهد انيه كرهت نفسيه وانا سااامحه له ايشوفنيه ما كنت ادري انيه رخصت بعمريه وعطيته حق ايشوفنيه وهو الكريييه ما استحى على ويهه وكل شوي ايطالع جنيه بنت شارع جدامه
فهد:بذبحه اليوووم
اليازي:انا انا تعبت فوق وماحسيت به الا وهو شالنيه بالغصب وقسما بالله انيه كنت اترجاااه ينزلنيه
ورجعت اتصيييح
اليازي:توووبه يافهد تووووبه ما اخالف لك شووور
ضمها لصدره
اليازي:لا تسوي جذيه مره ثااانيه اضربنيه بس لاتسوي بعمرك جذيه
فهد:انا لو ماسويت جذيه جان بحتج اليوووم
اليازي:استااااهل والله استااااهل
ضمها اكثر وهو يهديها
فهد:خلاص انزييين خلاااص
بعدها بخمس دقايق مشاها معاه لين السياره وفتح الها الباب وساعدها تركب وقبل لا يسكر الباب مسكة يده ونزلت دموعها اكثر وهيه تشوف كيف صارت يده متمزعه من الجلد
فهد:ماعليه ياليازي بيبرا كله
مد يده لدموعها ومسحهن وضم راسها لصدره
فهدبابتسامه:صدق الي قلتيه؟
ابعدت راسها اتشوفه متساله:عن شوووه؟
فهد وابتسامته تتسع:انيه حبيبج؟
ابتسمت ابتسامه متخللتنها الدموع وعبره بمجرد ما تكلمت:انته كل شي في حياتيه
رجع وضم راسها وهو يحس ان اعصابه بدت تهدا وشعووور حلو طغى على الالم الي كان ايحس به
توجهو بعدها للعياده الي في المنطقه الي قبل المكان الي هم فيه وتعالج فهد من جروح يده واليازي شافولها ريلها وغيرولها الجبس واعطوها ادويه مانعه الويع
بعدها رجعو للشاليهات والنفوس راضيه والجروح شافيه

...........................................

 

[دلع بنوتة]

سلم خليفه على الجده واشتكتله من حال نور وعلى طووول راح لنور سلم عليها وخذها معاه للشاليه الخاص به
خليفه:انتي وين مختفيه
نور:هنا عماه بالقرب
خليفه:فديتج يانور تولهت عليج انا اباااج معانا ومع الشله انتي قاعه اهناك وانا معتل برويض ويزوي لوعن جبديه
روضه:الله يسامحك عميه
زايد من عند الباب:هووود
ركضت نوره بسرعه داخل وشكل زايد يمكن شافها ويمكن لا
اول مايت نور تتحرك مسكها خليفه وقالها ماتتحرك
خليفه:اقرب يا زاايد
دخل زايد وعيونه عند نور الي قاعده عدال خليفه ويده محوطه كتفها قعد على الكنب الي بروحه
خليفه:هاتن قهوه يابنات
حاولت نور توقف
خليفه:انتي قعدي اليوم انتي وريلج ضيوف شرف
التفت لزايد:علومك زايد
زايد مايدري ليش حس بضيقه من مسكة خليفه لنور اصلا اهو مش متاكد من سالفة الرضاع هذي اذا تجوز له اهو واهو من ام ثانيه يعني معقوله ايكون عمها وحرمة ابوه اهيه الي مرضعه""في الواقع يجوز لاكن زياد المال مخه مقفل
زايد وهو شابك ايديه جدام ويهه وصبوعه السبابات محوطات خشمه:ايسرك الحاااال يا خاااال
قربت منهم مي وحطت القهوه والشاي على الطاوله جدامهم وتمت اتصب لقهوه بينما التفت خليفه لنور وتم يهمس الها بكلام مش مسموع وهيه ابتسامتها على شفايفها
اما زايد كل ماشرب فنيال رجعه لمي بعصبيه عشان تترسه مره ثانيه يعني شي يقهر انه ايغار عليها من عمها ومايعرف شو يسوي
قام زايد وشكل صدره منتفخ
التفت له خليفه بابتسامه:هااه رامسيين
زايد وهو يمطط بربوشته جدام:اظاهر انيه ياي في وقت غلط ارخصوليه
ببرود رد عليه خليفه:الله يحفضك
طلع زايد وهو زام شفايفه معصب على الاخر ومر اليوم وعلى العصر استرخصت ام سعود وبناتها وراحو والبقيه قررو على باجر يرجعون
الجو بين فهد واليازي صفا وبدت المسجات المشحونه بالحب بينهم
بعد المغرب كان ابو فهد وام فهد قاعدين على الباسط الي على الزراعه الي جدام الشاليه وقربت منهم ام بدر ماره سلمت عليهم وفي نيتها اتكمل طريقه
ابو فهد:تعالي يام بدر
قربت منهم
ابو فهد:اقعدي اريد ارمسج برمسه
ام بدر:خير يابو فهد
ابو فهد:مروان ولدج شو حاله هذا
ام بدر بتنهيده:والله يابو فهد انا بروحيه محتاره في امره
ابو فهد بثقه:ولدج طلب العرس
ام بدر:طلبه وهذا احنا اندور له
ابو فهد:ماقالج اخطبيليله حد معين
ام بدر:لا فديته بس قال ابا اعرس ودوريليه حرمه
ابو فهد:ولدج يا ام بدر قلبه هاااوي ومبتلي في هووواه وهذا الي هو سام حاله
ام بدر:وانا يابو فهد شو حيلتيه اسوي معاه اهو ماطاااع يتكلم...وانا بعد شاااكه في شي
ابو فهد:في شوووه شاكه؟
سكتت ام بدر وماقدرت تتكلم
ابو بدر:ارمسي يام بدر انا ترانيه مثل ابوهم الله يرحمه وابو بدر كان اخو قبل لا يكون جار وافضاله كبيره عليه
ام بدر:شو بقولك انا يمكن انه يتهيا اليه بعدنيه مش متاكده من السالفه
ابو فهد:ارمسي يام بدر
ام بدر بتردد وعدم قدره على الكلام
ابو فهد:هااه يام بدر تبين الرمسه بينيه وبينج
ام بدر:لا طاال عمرك ام فهد اختيه وماعليه منها بس انا مفتشله من الي بقوله
ابو فهد وهمه الامر:يام بدر ارمسي ترا حال الريال هب حااال
ام بدر:اظن وانا مش متاكده ان الي يحبها بنيه صغيره
ابو فهد:صغيييره!!!؟ من بنته يام بدر
ام بدر سمعت بدر في المستشفي يوم كان ايكلم مي ويقولها انه مينون يوم حبها وهيه صغيره
ام بدر:انا يبو فهد مهب متاكده....وتراه ان كان يحبها اهو رافض هذا الشي والدليل انه قال اليه اخطبيليه وحده كبيره
ابو فهد:هييييه الحب مصيبه وسالفة ولدج هاذي سالفه خليه عليه يوم بنرد انا بكلمه في السالفه وبشوف شو وراه
ام بدر وهيه متوتره لايعرف ابو فهد ان لبنيه بنته:طال عمرك لاتهم عمرك به انا ان شالله بشاوره على وحده من بنات بنت خالتيه وبيوزه قريب
ابو فهد:لا لا لا خلي سالفته عليه انا بشوفلها حل
تندمت ام بدر انها رمست وقالت الهم توقعاتها...اهيه بعد تمنت لو تقدر ترمس مروان في السالفه لانها اتشوف ان البنت صغيره وان حبه هذا ضرب من الينون


.................................


مرت روضه من ورا الشاليهات ووقف بدر جدامها تخربطت يوم شافته ونزلت راسها تحت
بدر:شوووه شكل السالفه ماعجبتج وقلتي بغلق التيلفون احسن
رفعت راسها وهزته بلاا
بدر:شووه
روضه:تيلفونيه طاح في الماااي وماطاااع يشتقل
بدر:اكيد
هزت راسها بنعم
رجع وابتسم:زييين عيل انا قلت يمكن اقتراحيه ماعجبها
احمد من وراه:ايه زرااافه
التفت بدر لاحمد:وبعدييين معاك انته
ركض احمد ولف خصر روضه بيديه مساند براسه عليها:هذي خطيبتيه روح انته طالع لك وحده ثانيه
فتح بدر عيونه باتساعهن وهو يشوفه ويسمع شو يقول:نعم نعم شو قلت
التفت احمد لبدر:هذي بنت عميه وانا حيرت عليها...انقلع طالع وحده غيرها
بدر:لاااااا واللــــــــــــــــه من وين طالعليه انته يا ولد عمها
احمد:اهيه تحبنيه انا ماتحبك انته زرافه وانا السنه اليايه بغادي طولها
نزل بدر وقعد متكي على ريوله :تعااال اهنيه هذي حرمتيه خلاااص مالك امر عليها وانا اقوووول الصبي شبلاااه عليه من ايشوفنيه وجن ورث بينا ما انقسم
ابتسمت روضه ونزلت اهيه بعد اتكلم احمد:حبيبي خلااااص الحينه مانقدر انسوي شي
احمد بعصبيه:انا بفش تاير سيارته وبخليه ينجلب ويموووت
شهقت روضه وحطت يدها على ثمها وعقب ضحكت بصوت عاالي في حين قام بدر بسرعه عشان يلحق عليه قبل لا يشرد
بدر:مااااعليه يالحمااار وين بتروح عنيه
روضه:ههههههه فديت روووحه
التفت الها بدر وخطرت عليه مكالمتها
بدر:انتي سويتي معاه مناحه يوم حفلة الملجه
بعيون اتشع سعاده هزت راسها بنعم وهيه مستغربه كيف عرف
بدر وهو يلتفت ناحية الجهه الي راح منها احمد:ايوووووا هذا اهو احمد الي فرقو بينج وبينه
كان نفسها تساله بس اتحس ان لسانها انربط
ابتسم بدر وخطى ناحيتها كم خطوه:زييين في شي اتضح اليه على الاقل بتين معايه
روضه:وو وين؟
بدر:قريب اهنيه بناخذ لج تيلفون يديد
روضه:هااه لالا مايحتاي الحين بحاول في تيلفونيه وبيشتغل
بدر وهو يطالعها بنظرات وترتها:وشو المشكله يعني من سيرتج معايه
هزت راسها رافضه
تم بدر يتلفت حوله:والله الموضوع عاادي مب زووجج
ما زالت اتهز راسها بلاا
بدر:روووضه عطينا فرصه انتم مع بعض شويه مابنحصل غيرها قوليليه متى بنحصل فرصه انتم مع بعض واوعدج ما اقرب منج
احمر ويهها وهيه منزله راسها تحت
وقرب اكثر:هااه شو قلتي
رفعت راسها متفاجئه من قربه وهزت راسها بلاااا
بدر:يعني انتي مصره انتم على هالوضع
روضه:هليه مابيرضون انيه اطلع معاااك
بدر:وشدراهم؟
روضه:عادي عندك اسوي شي بدون رضاهم
بدر:لا مش عادي بس انا مش ياهل فاهم ومابغصبج على شي ماتريدينه والسالفه كلها مشوار صغير بناخذ تيلفون وبنرد مابنتاخر
روضه:ما اقدر والله ما اقدر
غمض بدر عيونه وهو يتنهد وكان مستانس على اصرارها بالرفض:انزين منو تبينا انشاور من هلج
روضه:هاااه لالالا طبعا ...انا انا ما اريد اروووح خلاااص
مسكها بسرعه من يدها قبل لا تروح:تعالي اهنيه انتي من شوووه متروعه لحضه اشويه
رفع بدر تيلفونه واتصل على ابو فهد:هلا عميه.....اقول عميه ماعليه ترخص لروضه اتروح معايه شويه نشتري تيلفون ونرجع المحل قريب منيه مابنبطي
روضه تمنت الارض تنشق وتبلعها ولا انه يكلم ابوها
بدر:يعنيه افداك يا عميه انا قلتلها عاادي ومارضت ومن الصبح احااول اقنعها وابدا مصره ماتروح ...زين يعنيهافداك شي في خاطرك...ماعليه ياله فمان الله
التفت الها:هااه شفتي عميه قال مرخوصين
مسكها من يدها وسحبها وراه للسياره فتح الباب الها وركبت وهيه متوتره سكره وزفر وهو يدور للجنب الثاني ومبتسم في خاطره يوم صدقت اتصاله الوهمي الي اوهمها به يازينيه عاده اقول لبوها بشل بنتك وفي الوقت هذا
ساق بدر سيارته وبعدها الابتسامه مرسومه على شفايفه

 

[دلع بنوتة]

الجزء السادس والثلاثين

يالعزيز شلون اودعك .. وبيدي احجز للسفر
اضحك بوجهك كذب .. واني كاتلني القهر
الف طعنة انطعن .. وانضرب مليون خنجر
وما امر بهيج حالة واحترق وعودي اخضر
خلي اشبع شوف منك قبل ما تشد الرحال
انطيني فرصة يالعزيز ابجي بحضانك تعال
يالعزيز لا بيدك لا بدية
يالعزيز لاتحزن علية
يالعزيز اثنينا صرنا الضحية
امسح دموعك حبيبي
كافي مو دمرني دمعك يالعزيز
اذا هســـــــــــــــــــة النار بية شحال لو عني رحــــــــــــــــت
واللة ابجي الناس كلهة بصيحة وحدة لو صحت
يالعزيز ارحم بحال ياعمري
يالعزيز النار وك تاكل بصدري
احبس دموعك كافي مو دمرني دمعك يالعزيز


في سيارة بدر المنطلقه كانت روضه قاعده وهيه تحس بتوتر واعصابها مشدوده من جو السياره وريحتها وراعي السياره الي قاعد عدالها ومستمتع بالاغنيه العراقيه وهو من عشاقها
وابتسامته المرسومه على شفايفه تم مبتسم ايطالع الطريق جدامه وكل شوي طالعها بطرف عينه شووو هالهدوء يا روضه والله انتي
عجيبه يوم اتذكر مكلماتج ووقعتج والسالفه الي اليوم صارت اقول مالها خص في هالانسانه الي قاعده عداليه...المهم اليوم عرفنا سالفة احمد ولد العم باقي سالفة حبيبها الي قالت اليه من قبل عنه ان شالله محد يدري بسالفته وانا الي اعتقدت المره الي فاتت من الاتصال ان الكل يدري بحبها لهذا الشخص ياتراى تحبه صدق؟
بدر:احمم
كانت موجهه نظرها لشارع وتفكر ياتراى شو بيقول عليها ابوها الحين اكيد بيقول الها باجر انه استحى ايرد الريال والمفروض انتي ترفضين
التفتت روضه ناحيته يوم اتحنحن
بدر:ماقلتيليه شو سبب الوقعه اليوم؟
رجعت روضه ونزلت نظرها تحت وهيه تفرك ايديها مش متخيله انها معاه
بدر:هممم
روضه:ماشي وقعه عاديه
بدر:ودوم هذي وقعاتج؟
حست بالفشيله وهزت راسها بلا وليتك تدري بوقعاتها كل يوم في المدرسه
بدر:انزين انرد لموضوعنا شو سبب الوقعه اليوم
روضه:قلن ادبهن معانا ووو وقالن كلام ماينقال
بدر:بس الي قالته ميمي لمروان غير جذيه
احمر ويهها من الفشيله يوم انته تدري عيل ليش تسال التفتت عنه للجهه الثانيه ولزمت السكوت
بدر:روضه روووضه
تمت ساكته وهيه ملتفته للدريشه وتعض شفايفها
بدر:قلت شي زعلج؟
رجعت وطالعت جدام وهيه منزله راسها
تم ساكت مكمل طريقه وفي خاطره تتكلم معاه
وصلو للمنطقه الي يريدونها
بدر:اظن مافيها محلات تجاريه بس ماعليه بندورها يمكن انحصل
التفتت له:خلنا نرجع تاخرنا
بدر:تونا محركين من شوووه متروعه
روضه:مادري يمكن ابويه مايعجبه انيه رحت معاك
بدر:بس انا خذت الاذن
روضه:طيب اذا مافي محلات خلنا نرجع خلاص
الوقت طبعا كان عندهم ليل
بدر:طيب شرايج في سندويجات شورما
روضه وهيه تهز راسها:ماريييد
بدر:لا اليوم بتاكلين شو تشربين معاه
تمت ساكته نزل من السياره والتفت الها
بدر:روضه اظن انتي فكرتيه ماعجبتج عشان جذيه ابدا مش مساعدتنيه
روضه:فانتا
ابتسم :زين بيب لج فانتا في شي ثاني راضيه بالشوارما
هزت راسها بنعم ابتسم وراح
روضه"اوووف قلبيه خلاااص وقف ياربييييي لا لا ما اقدر استحمل اكثر من جذيه انا ابدا مش مصدقه انيه معاااااه الله يستر يبانيه اكل شوارما يعني سندويج شورما تصبيره لين العشا مايدري انيه اكل عشرة شورما وما اشبع خييييبه والله لو اكل عنده ثلاثه بس بينفجع الله يستر
رجع بدر والمسكين يايب بس سندويجتين وهو يفكر يمكن بعد تاكل نصها بس
بدر:امممم شرايج نطلع للشاطئ ناخذ راحتنا في الاكل ...تدرين انا يوم اروح مناطق بعيده عن المنطقه الي اعيش فيها احس براحه وحريه اكثر مادري لان الناس اهنيه ماتعرفنيه
طالعته بطرف عينها:متاكد انهم مايعرفونك ....عيل ماشالله الشله مادري كيف اليوم عرفتك
بابتسامه فتح عيونه وهو رافع حواجبه معناه الكلام كان صدق
بدر:يمكن صدفه او انهم من بوظبي
سلك طريق منفرد يودي للبحر والمكان كان خالي ودقات قلب روضه اتزيد
روضه"خييييبه هذا وين مودنيه ياربييي والله احس قلبيه يعورنيه الله يستر
اخر الشارع وقف بدر وقال الها نزلي
بدر:بنكمل طريقنا للبحر مشي المكان اهنيه روعه ورمل الشاطئ احسن عن المكان الي كنا فيه ياله نزلي
بتوتر وخوف نزلت المكان ماكان فيه اي مباني او حياه بس كان الشاطئ والبحر وكان نور القمر منور وااايد ويكفي عن اي نور
بدر:تعالي انروح اهناااك
كانت على وشك اتقوله لا بس ماقدرت ياله مش اسمه زوجها وابوها يدريبها
تشاور بدر يمسك يدها ولا لا وهم يمشون رايحين للشاطئ عقبها خون عشان ترتاح اشويه من التوتر الي لاحضها فيه
بدر:ياسلاااام هذا المكان فنان تعالي نقعد فيه
وبالفعل راحو وقعدو على تل صغير بدر كان لابس برموده طويل وقميص ايديه قصار
كان مستانس وهيه معاه ايحس ان الطلعه هذي غير ومصر انه يكسب قلبها شوووه اهيه قضيه يا بدر
قعدت روضه بتوتر وناولها سندويجتها والفانتا تمت ساكته وماسكه السندويج وهو على طووول بدا ياكل
بدر:شووه مابتاكلين؟ولا مستحيه
ابتسمت ورفعت راسها له وذاب الاخ في الابتسامه وهو يشرق باللقمه
بدر:كح كح
على طول روضه فتحت الفانتا وقربت امنه واعطته اياه
مسكه وشربه مره وحده يادفااااشتك كانت اطالعه باستغراب
)تذكرت توم يوم يقعد مع القطوه البيضا عند البحر وهيه اطالعه باستغراب خخخخخخ(
روضه:شوووه احسن
بدر:احممم الحمدلله اوووف
رجعت وقعدت مكانها وفي خاطرها تضحك
حج راسه :اذا مستحيه منيه انا بقوم امشي اشويه وانتي اخذي راحتج
سكتت وماردت عليه وعلى طووول قام التفت الها
بدر:بشوف ماي البحر بارد ولا دافي يمكن افكر اتسبح
وراح عنها وهو اصلا هربان عن لايفضحه شعوره
روضه بلقمتين كلت السندويج وشربت من الفانتا وتندمت لا يرجع ويستغرب وين راح السندويج الله يستر ان شالله يعجبه البحر ويتسبح اول ما التفت ناحيتها طاح قلبها لاكنه رجع وتم يمشي شويه بعدها بدقايق قامت ولحقته تفاجئ ابها يايه صوبه
حست روضه بوناسه من روعة الجو وتمنت اهيه الي تسبح في البحر خصوصا المكان كان روعه والشارع بعيد عن الاعين
روضه:بتتسبح؟
التفت الها:والله البحر مغري
روضه:هممم حتى انا اغرانيه
وعضت على شفايفها للي قالته
ابتسم بدر وقرب منها
بدر:ممكن
سحب شيلتها
روضه:ايييه انته شو تسوي
بدر:ههه لا تخافين بس اريدج اتعقينها محد اهنيه....اشوف شعرج مادري يتهيا اليه انه قصير ولا كانت تسريحه
وتخللت ايديه شعرها وطلع فعلا قصيرمدرج وملفلف من تحت اعطى الها شكل جناان تم يتاملها لين احمرت خدودها
روضه:عطنيه الشيله
تم يبتعد وهو يمشي على ورا ويكور شيلتها في يده
بدر:لا بفرها في البحر واذا تبينها روحي هاتيها
شهقت:لاااا حرام عليك
بدر:ههه اذا تبينها تعالي اخذيها لج خمس دقايق ان ما خذتيها فريتها
لا شعوريا تمت تلحقه وهو يوسع خطواته يمشي على جنب ويبتعد عنها وهو يضحك
روضه"لاااا الريال استظر قاعد ايلاعبنيه شرطي حرامي
ماي البحر كان مغرق اريولهم وهم يركضون فيه عقبها روضه تمت تضحك من بدر الي كل ماقربت امنه فلت منها لين ما طاحت في البحر واهنيه اهو ضحك عليها بصوت عالي
وقفت معصبه والتفتت وهيه ترجع من الطريق الي يو امنه
بدر وهو يلحقها:تعااالي ماتريدين شيلتج
سكتت وتمت تمشي
بدر:روووضه خلاااص تعالي بعطيج اياها
ابتسمت وكملت طريقها متجاهلتنه لين لحقها ومسكهاالتفتت له
روضه:هات شيلتيه
بدر:بعطيج اياها في السياره خليج جذيه
روضه:ثيابيه خاست
بدر:ماعليه مابنرد لين ايجفن
روضه:يعني بتاخر لا ابويه عقب بيقول وايد ابطيتو اتلاقيه الحين كل شوي سال رجعو ولا لا
ابتسم:ماعليج انا بتصرف
بدر:تعالي
مسكها من يدها وقادها للتل الي كانو قاعدين عليه
روضه:يوووه خست رمل
بدر:عادي عادي اتجاهلي الرمل والماي وكل شي اهم شي تحسين ببرد
روضه:لااا قصدي شويه
قام بدر وراح لسيارته وياب شال كبير لامه ناسيتنه في السياره وحطه على اكتافها
بدر:زين جذيه
ابتسمت وهزت راسها
روضه:ببطي عيل مابتحف ثيابيه
بدر بمجرد انه فكر بطريقه عشان ثيابها حس بتوتر وطرد الفكره
قعد وقعدت التفت الها:عادي اطيح على ريلج
روضه:ثيابيه خرسانه
بدر:عادي
تمت ساكته
بدر:على كيفج اذا ماتبين
رفعت راسها واشارت له يطيح بعد مافرشت من الشال على ريلها
حط راسه وعينه عليها :متاكده انج مش بردانه
روضه:هييه
غمض عيونه مستمتع بقربه منها
وهيه التوتر عندها وصل حده ولانه مغمض اعطت نفسها الحريه تتمعن اكثر في ملامح ويهه جمييييل ماشالله
مد يده ليدها ومسكها وتخللت اصابعه اصابعها وضم يدها لخده
زاد رجيفها وتوترها
فتح عيونه وتم ايطالعها:استانستي في الرحله
صدت بنظرها عنه وهزت راسها بنعم
اعتدل قاعد ومد يده ومسك جانب ويهها
بدر:تدرين اتمنى لو كنا الحين في شهر العسل على الاقل مابحس بحاجز بينيه وبينج
نزلت نظرها تحت وعقب رفعت نظرها وتمت اطالعه بنظرات ذوبته نظرات عاشقه
تم بدر يتمعن في نظراتها الي وترته اهو ويتسال معقوله الحين اتبادلنيه هالنظرات وقلبها عند واحد غيريه ولا هذا كله تمثيل عشان تمشي على كلاميه
من بين نظراتها الي تحطهن في عيونه وتصد ابهن اشويه ابتسمت منحرجه
بدر:روضه ....لا تجبرين نفسج على شي ماتبينه او ماتحسيبه انا مادري كيف طلبت منج الي طلبته وانا ادري انه صعب عليج
ابتسامتها اختفت وتمت مركزه عيونها في عيونه الي كانت قريبه منها اطالعها
بدر:انا قلت شي ايزعل
التفتت بنظرها للجهه الثانيه بنظرات متكدره وحس انه بيجن شكلها زعلت انزين انا شو قلت او شو فيه غلطت
لف ويهها ناحيته:ليش زعلتي؟
تنهدت :ما بنرجع الوقت تاخر
بدر:تبينا نرجع على راحتج نرجع
قام وساعدها توقف وتوجه معاها للسياره وهو متخربط مايعرف شو فيها تم طول الرجعه ساكت وهيه لازمه السكوت
اول ما وصلو
بدر:روضه انا مادري انتي ليش اتكدر خاطرج ممكن اتفهمينيه
نزلت والتفتت ناحيته:اذا طاع تيلفونيه يشتغل بطرشلك مسج
بدر:زين بنتظرج وان شالله يشتغل
سكرت الباب
بدر:روووضه
التفتت له
ابتسم:اسمحيليه ترانيه ماكلمت عميه امساعه تخيلي عاده اقوله بشل بنتك تسهر معايه
تمت اطالعه مش متخيله انه كذب عليها ابتسمت نصف ابتسامه والتفتت وراحت
حاولت روضه في تيلفونها لاكن مافي فايده التفتت لليازي
روضه:اليازي..ممكن تيلفونج بطرش امنه رساله
اليازي:تيلفونيه فضى والجرج مايبته
روضه:بعد انتي تيلفونج جرجه غيير والحل يعني
اليازي:انتي شبلاااج ووين كنتي من الصبح
ابتسمت روضه وقامت سكرت الباب ورجعت لليازي تقصلها السالفه كلها
كانن في نفس الشاليه الي فيه خليفه ونوره
نوره وعيونها عند خليفه الي كان طول الوقت ساكت
نوره"ياسلااام زعلان على المدام مايريد يسمع في حقها كلمه ...بس انا بعد غلطت اهو شدراه بالي تسويه
واكيد انه مابيتقبل الكلام فيها ....خلاص لا يصدق بس يتركنيه في حاليه اااااه ......ابتسمت وهيه تتذكر استهباله عليها البارحه...الله يعيننيه انا يا خليفه لو تدري انا شو كثره احبك بس اليهال مايهونون عليه باجر تيبليه اميره مصيبه وانطرد بعيد عنهم

 

[دلع بنوتة]

رفعت نظرها ناحيته وهم قاعدين في الصاله ومعاهم نور واليهال ومي وتلاقت بنظرات عيونه تم فتره ايبادلها النظرات عقب صد عنها للتلفزون
التفت لنور:وين رايحه يا نوور
نور:سابيت عند جدتي ..استودعكم الله
راحت نور من الباب الخلفي ودخلت عند الجده وام فهد وعبدالله
نور:عمتي مساء يا جده
الجده:شتقوووول؟
عبدالله:اتقولج بتعومين في البحر فليل
الجده:واااايه انا تبانيه اعوم في البحر
ضحكت نور:لا جدتي انها تحية المسااء....مساااج الله بالخيير يام راشد ههه
الجده:وايه فديييتج وفديت مساااج عاده اليوم انا وانتي بنبات حذا البحر بنشم الهبوب الغاوي
عبدالله:يدوووه ايقولون سكارى ايهومون فليل عند البحر
الجده:خسهم الله واحنا شنباابهم
عبدالله:يتهبدون العرب الي يرقدون عند البحر
الجده:ايهبووون خونا يابنيتيه بنباات اهنيه
دخل عليهم حينها زايد الي قرب ايسلم على يدته ويده مسكت نور عن لاترووح وسحبها تقعد عداله حاشرنها في اخر الكنب ويده مازالت في يدها
كان ملتفت على يدته:شحالج يدوووه
الجده:الحمدلله امبونا بنبات انا وبنيتيه حذا البحر وتعايزنا انروووح
عبدالله:هههههه
الجده بغيض لعبدالله وهيه ترفع عصاتها:اقطع
حاولت نور تسحب يدها من يده وهو ماسكنها بقو وهو يسولف مع يدته بعدها بشوي يوم راحت ام فهد وتمت الجده اتكلم عبدالله التفت الها وتلاقت نظراتهم
نور:دعني اذهب
زايد بنظرات تتفحصها:ليييش
نور:من المستحسن ان اذهب
زايد:تكرهينيه بديتي تدعين الله
نور ونظرها تحت:هذا امر يخصني وحدي
زايد:بتباتين عنديه اليوم
توترت ومافهمت شو يقصد
نور:دعني زيد اذهب انا لا اعرف انته ماذا تريد
وسحبت يدها بقو وقامت رايحه للغرفه الي بتبات فيها مع يدتها
طلعت عقب نور من الباب الخلفي بعد ماتذكرت اغراض الها نستهن في شالية زايد وقالت بتروح تيبهن وبترجع
تمت تمشي من خلف الشاليهات وهيه تتمنى انها اتحصل الباب الخلفي مفتوح وزايد مش موجود
فتحت الباب بشويش ودخلت كانت على وشك ترجع بسرعه يوم سمعت زايد ايصارخ وجمدت مكانها
زايد:انا بروووح وبايبها
بدربانفعال:انته مينووون ......يا زايد انته شو صايرلك...كيف تيب لبنيه اتبات عندك وانته مطلقنها
زايد:اسكت يابدر اسكت قلتلك مااريد حد يدري
بدر:عاده شو لينه من حقها تدري
نور فتحت عيونها مش مستوعبه شو سمعت يا ترى منو يقصدون انه طلقها
زايد قعد على الكرسي وهو حاط راسه بين ايديه:مااعرف يابدر ما اعرف ما اريدها تدري وما ادري ليييش
بدر:بس الي تسويه مايجوووز قلتلك من البدايه مايجوووز الا اذا كنت اتريد اتردها لعصمتك
زايد:كيف اردها وانا مطلقنها انا لين اليوم مش متقبل ان امها باكستانيه
ضربه حاده بسكين وانغرزت في صدر نور الي حست ان الدنيا اتدور ابها ورجعت على ورا متكيه على الجدار وراها
بدر:انته شو غير رايك ....كنت راجع من السفر وقلتليه على طووول اوديك المحكمه عشان اطلق وعقبها بكم ساعه تتصل اتقولليه لاتخبرحد شو سالفتك يا زااايد
زايد:خلاص يابدر سكر الموضوع سكره مااريد حد يسمع الله يخليك سكره وخلنيه في حاليه
بدر وقف :براحتك بس فكر وخذ قرار لازم اتعلمها...لا ورايح اتقوللها ملجت عليك على الاقل لو درت انها مطلقه كان خبر زواجك اهون حرام عليك يا زايد مهما كان اهيه بنت عمك وماتستاهل كل الي تسوييه
طلع بدر وتم زايد قاعد ماسك راسه بين ايديه
نور وعقب الموووت قدرت تتحرك من مكانها وهيه ترتجف الي سمعته شي مش هين مطلقه ومن يوم وصلو واهيه ماتدري مطلقه وحضرته معطي نفسه الحق يتعامل معاها كانها مازالت زوجته بخطوات ثقيله سحبت نفسها برا الشاليه واتكات بظهرها على الجدار الخارجي اتريد اتصيييح اتريد شي ايطلعها من الي اهيه فيه لاكنها جمدت كل اعضاءها مش قادره تتخذ اي ردة فعل
الويع في راسه بدا يزيد وهو مش قادر يتخذ قرار كل شي كان مخطط له راح ادراج الريح كان ايقول انه اول مايوصل الامارات بيرجع لزايد الي يحيده وانه مستحيييل يتقبل اتكون زوجته واول ما طلع من باب المطار وشاف الحشووود الي تستناه اعتز بنفسه وطلب من بدر على طووول
انه ايخلص معاملات الطلاق الليله عشان ماحد باجر من هله يقنعه انه يخليها على ذمته
لاكنه بعد ما خلص الحفل ورجع لغرفته انجلبت كل افكاره وهو يشوف كل شي في الغرفه الها حاول يتجاهل الاغراض لاكنه كل ماحط عينه على حاجه الها من فستان لقميص لاي شي
كان يتخيلها فيه ساعه وهو منسدح وخيالها يحوط حوليه وهذا حاله كل ليله لين قرر يطلع كل شي من الغرفه وصرخ على هنيه تي على طوووول اطلع كل هالاغراض يومها هنيه استصابت وتمت اتلح عليه مستفسره لييييش
قالها انه طلقها
هنيه بوجه منصدم وحييييل منصدم:طلاتهاااااا
زايد بضيقه خاطر:هيييه طلقتها وياله ذلفي كل هذاا
هنيه ودموعها بدت تنزل:ليييه يابااااشه لييييه
زايد:هنـــــــــــــــيه من متى ان شالله اتحاكمينيه
هنيه:معليش يابااااشه معليش اسمحلي لييييه دي الست نووور ست ولا كل الستااات
طالعها بغيض
هنيه:معليش ياباااشه معليش اسمحلي دنا ان ماتكلمتش حمووووت
قعدت هنيه على الارض عند ريوله وهيه اتصيييح
هنيه:سيبني ياباااشه اتكلم واعمل فيه الي انته عااايزه
رفع زايد راسه فوق مش متخيل حال هنيه هذا
زايد:شو عندج يا هنيه؟
هنيه:ازي ياباااشه تطلئ نووور ازاااي دنا مشفتش في الدنيا دي ست زيهااا دي ياباااشه بتحبك ايوووا بتحبك ودي اطعت نفسها من البكا النهار الي عملت انته فيه الحادث هيه قت هنا واعدت على سجادتها وكانت بتدعي يابااااشه كانت بتدعي واطعت قلوبنا من كتر ماكانت بتدعي وتبكي ايوااا يابااااشه واللـــــــهي كانت بتقووول ياربنا رجعهو لي رجعهووولي دنا مليش في الدنيا دي حد غيييره ...هو الي بقااالي
وكانت تعيط وتعيط وايديها عامله بيهم كده
ورفعت هنيه ايديها مقلده نوور
هنيه:واتقووول ياربنا بلاااش تموته وخذ روحي بداله انا من غيره مش عايزه اعييييش دنا محلتيش غييييره هو الي بقالي في الدنيا دي كلها والله ياباااشه مابزيد عليك كلمه انها طوووول اليوم قاعده تصلي وتكلم ربنا وكانت تعيط اوي اوي وعمله بيديها كده ياباااشه انا مش ادره اوصف لك حالها يوميها بس اتصدق ياباااشه هيه ومتاكده انه من دعاويها ربنا رائف بحالك ماتعرفش ياباااشه لو ربنا يومها خذ روحك ولا سابك بحاله غير الحال الي انته بيييه سامحني ياباااشه
كلمت الحق لااازم تناااال دي الست نووور مافيش زيها ست
وتمت هنيه اتصيييح صياح موجع عور زايد في قلبه وهو يقعد مجابلنها
زايد:بس يا هنيه
هنيه:والله هيه كانت بتعيط اكتر من كده واتقووول دنا غلبااانه ياربنا وعمريكله عايشه من غير اب ولا ام وانك انته كل الي بقالها ..دي مسكييينه ياباااشه والله مسكييينه وبتحبك ياباااشه من اقبل ماتيجي هنا اول ماعرفت ان ليها ابن عم وشافت صورك في الجرايد تقول انا حبيته يابنت يا هنيه...ازي تهون عليك الست نوور بعد كل الي عملته ليييك ازاي تطالئها وهيه محلتهاااش الا انته..دنته يتظلمها يابااااشه والله دا ظلم هيه عملت ايييه دي غلباااانه
وقف زايد :خلاااص يا هنيه روووحي رووحي وموضوع طلاقيه هذا انسيييه تسمعين انسيييه ولاتيبين به طاري لحد
هنيه بسعاده:يعني انته ياباااشه مش حتطلقها حترجعها تاااني
زايد:مالج خص فيه المهم ماريد حد يدري بالسالفه
قامت هنيه وركضت تحت متمنيه صدق انه يرجع نور لعصمته لاكن زايد حاله اجتلب وصار مايعرف على شوووه يستقر
اتصل عقبها على بدر وطلب امنه ماييب طاري طلاقه لحد وكل ماشاف زايد نور وهو يزيد اصراره انها ماتدري كان في صراع مع نفسه بين عقله وقلبه لين قرر انه يملج يمكن عقب الملجه يقدر يتخذ قرار لاكن يوم شاف حال نور وابتعادها عنه حس انه مايقدر مايقدر يتخيل انها بتعامله بالمعامله هذي بعد ماتدري بطلاقها
تنهد زايد ورفع راسه وتفاجئ بالي واقفه جدامه على طووول وقف
زايد:نووور
نور:اوطلقتني يا زيد؟
فتح عيونه منصعق انها درت
كانت نظراتها له غييير نظرات كلها غضب وقهر
نور:اوطلقتني يا زيييد؟
زايد:انتي
نور:لقد سمعت كل شي ....كيف تفعل بي ذلك ايها الرجل؟
تم فاتح عيونه ايطالعها شكلها هاااده عليه
نور بصرخه :كييييف تفعل بي ذاااالك؟
زايد وهو يمشي خطوه جدام:اسمعينيه انا قلتلج من البدايه......
نور:اذهب الى الجحيييم ....انا لا تهمني انته ولا يهمني ان طلقتني ...كيف تجرؤ على لمسي وانا لست زوجتك
بنظرات كلها غضب ونااار
نور:كيف تتركني اعتقد بانك زوجي الهاذا الحد تحتقرني ان تعاملني كما تعامل من ضيعت نفسها
زايد:نووور
نووور:اصمت ماذا عساااك ان تقووول ...كيف تجرؤ ان تقبلني وانا لست زوجتك وكنت من قبل تمتنع من تقبيلي وانا على ذمتك...او تستحل الحراااام كيف تجعلني اشاركك هذا الجرم العظيييم
ايها الرجل من مااااذا انته مخلوووق ...هل تعتقد انك من البشر
عصب عليها وزجرها:نووور
نور :لن اصمت وسوف تسمع كل ما اريييد ...لقد تحرر عنقي من طوقك ولا يهمني ان اقول لك ما اريد
ولا تعتقد بانني كنت راضيه بحالي معك..انته كنت تقتلني بكل كلمه ينطق بها لسانك وانا اتجرع كل كلمه محتسبه الاجر من الله من اجل ان لا يطولني غضبا منه انا بارااادتي يا زيد تجرعت كل كلمه تلفض بها لسااانك
زايد كان يحس بجسمه تيارااات حراريه تطلع امنه وهو ساكت ملجم لسانه من كلامها ومواجهتها
نور:اواعجبتك يا زيد تلك الكلمات التي تلفضت بها لكي تنسى حالك وان تدع الشيطان يزين لك امر تقبيلي هل اعجبتك تلك الكلمااات كلمااات تنطق بلهجتك الحبيبه او تعتقد انني لا اجيدها اعلم بانني استطيع ان اتحدث بلهجتك والكثير الكثير من اللغاات
بلعت غصتها وهيه تحاول تمنع عيونها تدمع ماتريد اتكون ضعيفه جدامه
نور:هااه يا زااايد تبانيه اتكلم مثل ماتتكلم تتحسبنيه مابقدر اتكلمها
رفع نظره الها متفاجئ من لهجتها الي تغيرت
نور :يعني بتصعب عليه لغة اجداديه وابويه وانا الدم العربي يمشي في عروقيه ...بتصعب عليه وانا من صغريه اتكلم اللغه العربيه..انا من ييت وانا احاااول افهم للهجتكم وماخذت منيه وقت طوويل فهمتلكم وعلى طووول قدرت اتكلم مثلكم بس انا مابغيت اترك لغه اعتز ابها طوول عمريه
نظراته كانت بتاكلها اكل
نوور :ولا عجبتك كلمة فديتك ؟ عشان تجرفنيه معاااك في معصيه انته الي سويته شي كبييير وما ادري كيف الله بيغفر لك فيه وماداام هاللهجه عاجبتنك انا برمسك ابها يمكن تستوعب كلاميه زيين
تدري انا ما ادري انته من شوووه مخلوووق ...انسااان متكبر مغرووور شايف نفسك ومادري على شوووه شايفنها...صح انيه بنت باكستانيه وانك مستحقرنيه عشان هذا الشي لاكنها تظل اميه وعلى عينيه وراسيه وافتخر انها اميه وانيه تربيت في دارها لاكن انك اتصغر من شانيه وتسمح لنفسك
اتسوي ابيه الي تباه من بعد ماكنت حلالك انا ما اسمحلك
لين الحين وهو ايشوفها مش مصدق انها اهيه الي تكلمه والادهى الكلام الي تقوله
نوور:لا تفكر انيه اقولك جذيه محتره انك طلقتنيه ولا اتزوجت بالعكس انته فكيتنيه من رباط مقدس لاكن مالك اتمد يدك عليه مره ثانيه او تحاول لمسيه ...
انته تدري انيه انسانه خايفه ربيه وان كنت انته ماتخااافه بكيييفك انته المحاسب عقب والله يسامحك على كل الي سويته فيه...
زايد:نوور اسمعينيه
نور :اسمع شوووه الله يخلييك خلاااص...انا ما اريييد اسمعلك يكفينيه الي سمعته منك سمعت وايد وااايد وسكت انا عمريه مانذليت كثر ماذليتنيه انته وانا سااكته عمريه ماسمحت لحد يصغر من شانيه كثر ماسمحت لك وكله عشان اسميه زوجتك واعتقد الحين خلاااص الله استجابليه قبل لا ارفع له ايديه انه يرفع البلا عنيه والحمدلله فرجه قريب وسريع فكنيه منك وفكك منيه
انا الحين بسجد لربيه اشكره انه خلص رقبتيه منك كل الي حاااز في خاطريه انك كنت مستهين ابيه ومعطي نفسك الحق تلمسنيه وتقبلنيه
ابتسمت باستهتار:كيف قدرت تتقبل اتقبل بنت الباكستانيه هااه ماقبلتها وهيه حرمتك تقبلها وهيه بنت باكستانيه
زايد:خلااص يا نووور
نور بصوت عالي:لااا مب خلااااص خلنيه اقول كل الي في خاطريه يمكن اخر مره تسمع فيها صوتيه
رفع راسه الها:شقصدج
نور:قصديه ان خلاااص كل شي بينا انتهى وكل واحد يلزم حدوده ....طلبيه الوحيد يا زااايد انك ماتتكلم بموضوع الطلاق هذا الا يوم نرجع وانك تكون توك مطلق لانيه ادري انهم مابيرضون بالي سويته تدري ليييش لانيه اريد اتم عندك فترة القعووود اهناااك بتم يا زااايد في المكان الي يبتنيه له اول ماييت من باكستان ملحق الخدم ....الملحق الي حطيتنيه فيه وقلت لاتخلونها تطلع عشان محد يدري انيه بنت عمك وتصيرلك شوشره في الانتخاباات ....الانتخاباات يا زايد الي مكبره راسك على الكل ...والحين عشان تكسب الكرسي رايح تشتري بنت الناس والله انيه حزينه عليها جان زواجك منها زواج مصلحه
...اريد يا زايد اتم في الملحق ما اريد اغث الناس ابيه كفايه انك انته ولد عميه مغتث ابيه الله يعلم شو في خاطرهم هم بعد.....وعقب العده يا زايد طلب اخير احجزليه وردنيه باكستااان
نزلت دموعها وهو يهز راسه رافض الكلام الي تقوله والي كان اخر شي يتمنى يسمعه
نور:هييه ابا ارد باكستااان الدار الي عشت فيها وربيت اهيه المكان المناسب اليه وترا مثل ما اليه اخوان لبويه بالرضاع بعد اليه اهناك خوال اخوان اميه بالرضاع مابيعيزون عنيه
ابا ارد الارض الي يوم امشي عليها امشي وانا رافعه راسيه والكل يشير اليه وحاسدنيه ويقول هذي بنت الجزيره العربيه اصولها عربيه الكل احصل عنده احترام وود
ما ابا اتم على ارض الجزيره العربيه والكل يشير اليه ويقول طالعو هذي بنت الباكستانيه محقرين من شانيه لان اليه اصول من العجم ...امشي وانا رافعه راسيه ولا وانا منزله راسيه ...بتسوي فيه خير ان رديتنيه وبترتاااح من هميه وهم بنت الباكستانيه واوعدك انيه حتى ما التفت لصوره من صورك ولا بيسمع حد منيه طاري انيه بنت عمك
التفتت عنه وركضت رايحه من الباب الوراني وعلى طووول لحقها ايريد ايوقفها لاكن الدوخه الي لفت راسه خلته يوقف متمسك بحداد الباب راسه حس فيه ضغط قوي والحراره تطلع من جسمه بشكل فضيييع وسوااااد سواااد بدا يلفه