من رداة الحظ وافتنا حصاة . . ~

[جرحي جديم..!]

>>>> الجزء التآآآسع عشر <<<<

:
:
:
في الريااض ..
في بيت عمتي نجلا ..

وصل الخبر للكل ان حمد طنشهم ورااح للبحريــن والدنياا قاايمه قااعده ..
:
:
سعااد مشت المعاازيــم وقالت لهم ان المعرس صاايرله حاادث ومارااح تتم الملكه اليووم
وتعذرت منهم ..

وسالم استخدم نفس العذر ومشى الملاك وعياال عمه الي كانو جايــن يشهدوون عالملكه

:

:


:

سارا كاانت واقفه بالصااله تسمع صرااخ امهاا ..

وتشووف وجه ابووهاا الي ماعاد يتفسر ..

وتسمع اخوهآآ ساالم وهوو يتحلف فيــه ..

حزن اختهاا وصدمتهاا ، امتلت عيونهاا بالدمووع وقامت تصد وتمسك نفسهاا ماتبي
تبجي عندهم ماتبي اتبين ان الي صاار أثر فيهاا او هزهاا ..

خذت نفس عميــــــق وقالت بثقه عكس الانكساار الي داخلهاا ..:: ان شالله انهاا
خيــره ..

<< سحبت نفسهآآ بهدوووء وصعد غرفتهاا سكرت البااب وقفلته ..

:

:

:

مخنووقه .. يآآ يمه وأحس الخنقه هدتني ،،

مكسوور ( قلبي ) وعيني مدري وش فيــهآآآ



ودمووعي الي غصب ،، عن " عيني " بكتني

مليــت ،، أغمض جفووني لجل أداريهآآ ..!:

:


:


عمتي نجلا ماكاانت اخف منها ومنصدمه ومو مصدقه ان هالطرار الي مايسوى
جزمت سارا يسوي فيهاا جذي دخلت غرفتهاا وحااولت تحبس نفسهاا فيها لاتطلع
وتذبح ساارا على قد ماكاانت مقهووره من الي صاار ..

ابو سالم ما تحرك وظل يتصرف وكأنه شيء لم يكن وحااول يحسس الكل ان الوضع
عاادي ويتعذر للولد ان نسى او سهى او او او ... عالرغم من انه دااخل يحترق من
الحسره وموو قاادر يستووعب ان حمد الي رباه وكبره وصرف عليه ممكن يصغرهم
ويحقرهم بهالطريقه ..!!

سعااد المسكينه نست نفسهاا بين ابووها وامهاا وسارا مره تجي لهذا تواسيه ومره
للثاني تهديــه وووو ضااعت بينهم ...



..،،‘‘،،...
الكوويــت ..
في بيتناا ..
غرفتي السعيــده

ديووم بابتساامه :: بنااات اليووم خطوبتهآآ سوسو ..
دانه بهدووء :: الله يوفقهاا مع اني ما كنت اتمنى انهاا تاخذه ..

ديمه طيرت حاجبهاا باستغراب :: ليــه ؟؟
دانه :: مدري .. بس ما عجبني تصرفااته مو تصرفاات رجاال !!

فرح بحماااس :: وااو نفسي اشووف شكلهاا وهو يلبسهاا الشبكه ..

<< صفقت البااب نوور ..

نور بعصبيه :: بنااااات هالسخيفاات متى بيخلوون عوايدهم ؟؟
دانه بعبط :: حددي أي سخيفاات بالضبط ..

نور بقهرر :: خواتج الكباار ليه في غيرهم ؟؟ << يعني مو خوااتج انتي بعد ..
فرح باستغراب :: ليه شسوو معااج ..؟؟

نور :: ابوي دخل علي وسحب مني الاب ..

<< طالعتناا واحناا ماعلقناا وكملت بحسرره >>

يقوول ماعندي مراهقاات يقعدن عالنت ليه أخر اللليل ..

... انا والبناات اهني .. فصلنــآآ من الضحك >> كا\\\\\\\\\\\\\\\\\\\\\\\\\\\\\
\\\\\\\\\\\\\\\\\\\\ك ..

ديمه :: لا مو معقوول ابووي اكيــد فيه شيء ..هههههه مو طبيعي هههههه
نور بقهرر:: من المعفناات الي حرشنه الله ياخذهم ..

فرح بطلت الدريشه كالعااده تتطمن على ولد الجيــرآآن ..

فرح بانبهاار :: وااااااااااو بناات ألحقووو ..
نوور قاعده عالسرير وقالت بطفش :: خير مالي خلق أطل ؟؟

فرح بابتساامة اعجااب :: الورده الي كاانت عالدريشه صاارت حديــقه ..
<< نطوو كل البناات عالدريــشه ..

دانه بحسرره :: قطيــعه رخمه انا لو أكلم وااحد جذي والله اتهااوش معاه ولاعاد
اكلمه ..؟؟
<< لفو عليهاا البناات وطالعوها بنقد وردوو اقعدوو ..



...... انتهى يووومنا على خير وكلن حطت راسهاا ونامت ......


....... ،،،

 

[جرحي جديم..!]

في صبااح اليووم الثااني ..

دانه .. قامت وصاارت تصيــح يووم عطاهاا أبووي المهر وقالهاا ان مووعد العرس بعد
ثلاث شهوور وماوقفت بجي ..

ديمه .. طااااارت من الواانسه لماا عرفت ان وليــد قدر يأجل ساالفت العرس الي ما
بعد عرس داانه ..

فرح ونوور صايراات المحقق كونن وحده ماسكه امهماا والثانيه ماسكه ابوهاا ويسحبوون بالكلام بيعرفوون من ورى حركاات أبووهم الي صاارت لاتطااق ..

تصدقوون انه سحب ريمووت التلفزيوون مننا يقوول ماعندي مراهقاات يقلبن وهن متسدحاات يتفرجن عالتلفزيوون !! شدخل ... ؟؟؟؟؟!!!
:
:
:
...،،‘‘،،...
السعووديه ..
الريااض // بيت عمتي نجلآآ

سآآر .. قآآمت الصبح وقعدت اتأمل وجهها بالمراياا جفوونهاا متنفخه وحممر من
البجي .. عيوونهاا ذبلاانه .. لفت اطاالع بغرفتهاا المحيووسه وثووبهاا الي قطعته
امس وهي تفصخه من القهرر على اغراضهاا الي كسرتهم في محااوله انهاا تبرد الي
داخلهاا ..

لفت وانتبهت لاغرااض كاانت شايلتهم بكيــس بزااية الغرفه .. تذكرت العطر الي
شرته للزوااجهاا .. وقعدت تضحك على غباائهاا .. وبدت دمووع خفيفه تنزل من
عيونها من بين ضحكاتهاا ،،

انهااارت من البجي ....

:

:

:


مآ والله ( أبّكي ) ولكن !.. من سنآ جمّري

شفّ ريحة العود .. لوّلآ الجمّر / مآ فآحتْْ



كمْـ " عبّرةٍ " لآ غفيتْ .. أكنّهآ بـ " صدّري " !

مير " البلآ " .. لآ قعدّت الصبّح / ( مآ رآحتْ ) !..



( تكّبر معي ) .. تدّركْ المحّجر .. و لآ تجّري

من يوصفّ " الدمّعهـ " إللي مآ بعد " طآحتْ " ؟؟؟..



أبّقى على حآلتي .. أدّري و لآ أدّري !!!...

لآ إجّتآحتْ أيآمْ .. بعّض أيآمْ مآ إجّتآحتْ !



بس إتّركيني .. ( أنــا ) و ( عبّرآتي ) و عذّري ...

عآيشّ على .. ( ذكّريآتْ ) ،، الغير لآ لآحتْ


:

:

:

:


........////// بعد مروووور ثلاااااااااث شهوور ///// ......
الكويــت ...
في بيت أبوو وليــد ..

........... ،، ‘‘ قبل عرس داانه بيووميــن ‘‘ ،، ........

دخلت عليناا داانه وهي تصيح ناقصتهاا أغرااض وبااجر عقب صلاة المغرب
بنودي جهازهاا ..

فرح كشرت :: يووه ماصاارت كل يوم طاامره للسووق كرهت السووق منج ..
ديمه بطفش :: داانه ظروريــه هالاغرااض ..

دانه وعيونهاا بتنط من وجههاا وقالت بصدمه :: مالت عليكم من خواات هذا
وانا العرووس بدااال لا ادعلووني تقوولوون ظروريــه ولا لأ ،، بعدين ما أبي
السووق .. أبي الجمعيــه ..

فرح بنقد :: أبي الجمعيه أننن << اتقلد صووتهاا ..
دانه بحززم :: إيــه ..
ديمه بابتساامه :: رووحي برووحج مو من بعدهآآ ورى لفة بيتناا ..

<< وبعد محاولات عديده ومديده باائت بالفشل لبست دانه واهي اتحلف واتكفر
واتلعن فيناا ورااحت للجمعيه برووحهآآ ..

راحت فرت بالجمعيه بسرعه وماخلت محااسب ماتهااوشت معاها بتخلص بسرعه
وبعد ساااعه إلا ربع في الجمعيه اخلصت وردت البيت .. بالطريــق وهي عند لفة
بيتنا وتذكرت ان امي وصيتهاا بخبز ايرااني وخقت لاتفضحهاا حصوص وتفتح لهاا
محاظره ماتخلص عطت الفلووس رااجو وردته للخبااز وهي لمت اجيااسها وانزلت
للبيــت ..

لمحت زوول واحد عند البااب ..

دانه بصدمه .. وبهمس :: ابيه نااصر << لفت بسررعه بترد تركب السيااره إلا
رااجو مشى ..

ومافي مجاال لاترووح يمين ولايسااار قطت طرف الشيله على وجهها " عشان
مايعرفهاا " ..

وقربت من البااب ..

جت بتدخل ..
ناصر بهدووء :: لوسمحتي .. << الشيله شفافه ووجه دانه كله مبين مسك
ضحكته وتكلم بهدوووء وابتساامه ..:: انا كنت ماار من المنطقه آآآآ نااصر عطااني
هالاورااق لداانه ..<< وابتسم >> يعني ترى أنآآآ مو نااصر ..

دانه سحبت الاورااق بنفس الابتساامه من تحت الغطووه :: خلاص أنا أأأ
بوصلهم لداانه << طيــب انتي منو ؟؟


دانه دخلت وسكرت البااب واسحبت تنهيــده طويـــله :: يآآآآآآ الحمدالله ما عرفني
.." قالت بقرف " قطع هالعقيد لاعب كووره بالدشداشه لا وريحته خاايسه ومعرق وو
شعره مدبق ومكسره مشقووق بعد ، عالاقل جاان نزلت الدشداشه يااحظي ماالت راابطهاا
على كرشه ووع ماكووو ذووووووق ... بس بسيــــطه يانااصر والله لسنعك ..

نااصر رد للسيااره وركبهاا وابتسم :: شكلهاا ماعرفتني ههههه لا وشكلهاا طاالعه
من هووشه بعد ولاا في أنثى غبرة عبااتهاا تووصل ليه ركبهاا جان انفضتهاا يماال
شقول بس .. بسيطه يادانووه طبج عندي << تذكر شكلهاا وفصل عليهااا من الضحك
خخخخخخخخخخخخخخخخخخخخخخ أياا هيلقيه بسيطه خخخخخخخ ..

دخلت داانه للبيــت بس ماعلمت أحد بشيء ..

،، لمينــآآ أغرااض داانه وحصوص كل شووي إتأكد علينــآآ ما ننسى شيء ..
بعدهاا تعشيناا ونمنا ..

:
:
:

 

[جرحي جديم..!]

ثآآني يووم ...
صليناا المغرب عقب مشيناا لبيت عمي سعد ...
دخلناا البيت اندخل جهااز داانه .. صعدنا على طوول للشقه ولسووء الحظ طلعت
شقة داانه مقاابله لشقة أسووم ..

لا وحزب البعث وصل قبلنــآ للشقه .. ومن العز الزاايد كل مافتحوو شيء جوو وقطوو
علبة عند الباب يعني شفووا اشكثر شريناا ... ماالت صج عقد ...

فتحنا الشقه ودخلناا .. الشقه كاانت حلووه صحيح انهاا صغيره وضيقه اشووي
غرفتين وصاله وحمام ومطبخ بس كاانت حلووه وألواانهاا رووووعه وتفتح النفس ،
نزلت الخداامه الجنااط والصناديــق وبدينا انرتب باغراضهاا ..


... سمعناا حس احد يطق باب الشقه اطلعت ديمه تفتح الباب بس بعد ماسكرناا باب
غرفة النوم ...

ديمه بابتساامه :: أهليــن عمه حياااج .. << اشرت على غنفاات الصااله
عمتي :: الحمدالله تماام .. هذي غرفة النووم ..؟؟

ديمه بصدمه << انا قلت لهاا اشلوونج ؟؟!!
ديمه :: هآآ ,,, إيــــه << راحت بتدخلهاا عمتي ..

ديمه بابتساامه :: لحظه يام عااليــه الله يهدااج وين راايحه ؟؟
عمتي خزنه بلا مبالاه :: بشووف الشقه ..

ديمه:: ايه بس البناات قاعدين يظبطوون أغرااض داانه .. اصبري ليه خلصوو
بتشوفينهاا الغرفه ألحيــن معفووسه فووق تحت ..
عمتي خزنه بعصبيه :: ليــه بصقعهاا عين على قشكم شقالولج مو شاايفه خيــر ..

ديمه بصدمه :: محشوومه .. بس يعني مايبن شكل الغرفه إلا وهي مرتبه ..

<< قفلت البااب فرح وقعدت هي و نوور داخل ..
نور :: أحسن زين اتسوويــن خليهاا يطقهاا مرض ولاتشووف شيء ..

<<< حاولوو يفتحون الباب مره ومرتين وثلاث ولا قدروو ونوور تعللت ان المفتااح
علق ومورااضي يبطل خير شر ..

عمتي << عن نفسهاا خذت فره بالشقه ..
عمتي بشك :: أقوول ديمه ؟؟
ديمه :: هلا ..

عمتي :: هالجره من كيس ابووج ؟! ..
(( أشرت على جره كبيــره بيج وفيهاا أعوااد ملونه.. ماشيه مع لوون غرفة القعده
تماام ..))
ديمه بعفوويه :: لأ شكوو ..

طلعت عمتي وهي مطنقره وتهااوشت مع ام مشعل على الجره اشمعناا رااحت لشقة
داانه مو شقة اسماا ..

عمتي خزنه :: ورااج يام مشعل مجتهده تأثثيــن لبنت حصووص وانا بنتي حاطه
لهاا هماهيــل تقوول جايبتهاا من الحرااج ..؟؟

ام مشعل بعتاب :: وشوو الله يهدااج بنتج حاطيلهاا أحسن أثاث وماني من الي تميز
بين عيالهاا وتبدي واحد على وااحد ..
:
:
طلعت السالفه
:
:
ان الجره جاايه هديه من جاارت ام مشعل والي انقلت لهم الساالفه بنتهم عاليه الي
هي الناقل الرسمي لكاافة تحركاتهم دااخل البيــت ..

وبمأن ألواانهاا لابقه على غرفة القعده ماالت نااصر خذااهاا نااصر .. بس عمتي
اعتبرت ان هذي اهانه لبنتهاا ليــــــه يبدوون داانه عليهاا ..؟!

:

:

:

بالنهاايه طلعت الجره من شقة داانه لتستقر بين الشقتيــن ...

في الممر !!

..،، خلصنــآ ترتيــب ونزلنا سلمنا على عمتي ..
ناصر طلع من الصااله وصدف عالدرج امي الي كاانت على اخر درجه قعد يسلم عليهاا
وو.. من الي مايخلص ..

ديمه بحمااس :: فرووح شووفي نااصر اشلوون يتبووسم ويضيع بالكلاام ..؟؟
نوور:: مسكيــن شكله مستحي ؟؟ههههههه الله شكله حلوو ..

فرح ..
:
:
شفت فاارس يلعب بليستيشن بالصااله ولا كأنه بااجر عرسه ..

ماقاام سلم على عمته ولا تحرك من مكاانه ،، حتى ما ابتسم ضااعت دمعه يتيمه في
عيني بس بسررعه اختفت .. يعني عاادي مثل كل مره عاااادي !! مايهمني ولا
بيهني ..

ديمه :: هييييي وينج ؟؟
فرح بلامبالاه :: كااني << لفيت ابتسمت >> شفتو نااصر اشلوون يصرف امي ؟؟

نور:: شكوو كاان حراام عليج شفوو اشلوون يبتسم بوجهها مو نفس فرووس طاق
خزنه بالطووفه لاقاام سلم عليهاا ولا عطااها وجه ...

ديمه :: ههههههه زيــن يسوي فيهاا ..
فرح ضحكت بصووت وااطي :: بناات تلوو امي لا يطق بالرجاال عرق بيمووت وهوو
يصرفهاا ومو رااضيه تفهمه ..

<< فعلا نااصر كان ورى كل كلمه تقوولهاا امي كاان يقوول فماان الكريــم فماان الله
الله يحفظكم ..

" نور وديمه طالعوو بعض وعاادي بس استغربوو من تفسيري للساالفه .."
فرح :: هههههه المسكيــن يبي يصعد يتفرج عالاغرااض وامي نااشبه له عالدرج
باااجر بيجي العرس سهرااان .. هههههههههه

نور بصووت عاالي :: يمه امشي راجو يصيح ماتعشى ..

<< ضربت عالوتر الحساس ..

امي عندهاا كلش ولا رااجوو يتأخر موعد أكله تقلب الدنياا على روسناا ..والله مدلعته
ومدللته وعاازته جنه وااحد من عياالهاا لا وتزفناا عنده وهوو بعد يحرش علينــآ,,
<< لا بالله كدينا خيــر ..


امي بابتساامه :: يالله يوليــدي اعذرني برووح المسكيــن على لحم بطنه << إيــه
هيــن ..

 

[جرحي جديم..!]

في بيتناا ...

وصلنــآ ولقيماا دااااانه قالبه الدنياا ومقعدتهاا بيتنا جنه سجن مافيه حيااه لاتلفوون
ولا تلفزيوون سنع ..

<< أبووي في الاونه الاخير أغلى ثلاث أربااع القنواات وثلاث أربااع الربع البااقي
وقعدنا عالعفااسي والمجد ..

بدلنا تعشينــآآ ورحناا ننام ..

وداانه تااكل وترجع أكلهاا من الخرعه وكل اشووي تسأأل سؤاال أغبى من الي قبله..

:

بناات لما أنزل لخاالتي ألبس شاال ولا عباايه ؟؟

:

بناات ثااني يووم العصر انزل لخالتي ولا لأ ..؟؟

:

بناات عاادي اكل اول يووم ولا استحي ..؟؟

:

بناات اذا نادااني نااصر ارد عليه ولا أسفهه ؟؟

:

بناات ..

:
:
:

........ اذا بناادي نااصر شقووله ؟؟


ديمه بصدمه :: هآآ

نور باستهباال :: قولي له نصووووري ..

ديمه بعبط :: لأ لأ قولي له بيبي ..

فرح :: لا قولي له بوتيتوو <<< لفوو عليهاا نور وديمه من الصدمه وانفجرووو
من الضحك ..

داانه بقهر :: مالت عليكم وعل الي عاادكم اواادم يشااوركم .. كش وجيه
<< وطلعت غرفتهاا تناام .... بس ما أعتقد انهآآ ناامت ..

 

[جرحي جديم..!]

جزء العشرووون

دانه على اسااس انهاا رااحت تناام ..

واحنآآ نزلنــآآ تحت نسهر مع حصووص ..

وليتنــآآ مانزلنــآآ .. !!!

حصووص بدت تلقي محااظرآآت العرس ..::

العقل ثم العقل ثم العقل ...

المراه تصير تكاانه بالعرس ماتنرقل ...

موكل من سألكم تعطوونه تقرير عن اساميــكم ..

نوور بعنااد :: لا والله وشنووقوولهم إنألف أساامي مثلآآ ونقع بجبد حضرت جناابج ..

حصووص طالعتهاا بنقد ثم كملت ..::

لاتتكلموون مع الغرب ..

وماله دااعي اتسلموون على الكل الي تعرفوونه الي يعرفكم وينااديكم مو كل مره تمر بالامدخل تطمروون اتسلموون عليهآآ ..

المره تصير سنعه ماتنرفل << طيب تكاانه وغرب واساامي اووكي رفله شكوو ؟!! بقعد اكنس بالعرس عشاان يقولون سنعه مثلاً..؟؟!!



<< دشت علينــآآ داانه وانصدمت ان امي عندنآآ انصفق وجهها وقعدت اتبووسم بسخاافه ..



ديمه طيرت عيونهاا :: يخرب بيتج شنوو كل هذآآ ؟!
فرح :: ونااااااسه .. والله اني ميته جوووع .. ثاااااااانكس

ديمه بصدمه:: بسم الله ما مدااج كفيتي ايدج الحين بطبين تاكليــن عفيه معده..؟؟
فرح خافت على نفسهاا :: هييييي جدرري اذكري ربج ..

داانه بربكه :: نزلت المطبخ بشرب مااي وقلت اتسلى شوي اسووي عشاا اضيع وقت ..

حصووص تنهدة بصووت عالي ..:: داانه يابنتي اعقلي سوالف المبزره هذي خليهاا
انتي صرتي مره وبااجر بنقوول متزووجه ..،، ترى مافي رجل بيصبر على خباالج !!

دانه نزلت عيوونهاا بالارض يقاال مستحيه :: انزيــن ..

حصوص طيرت حاجبهاا :: وان شالله اذا قالج نااصر شيء بتقوليــن انزيــن ؟؟
دانه انصدمة :: هآآ ،، لااا أقوول ان شالله << يعني اذرب ..

حصوص بطوولت باال :: انا قصدي اذاا ارسلج رجلج موو تقووميــن اتهاابديــن
تسمعين كلاامه على طووول ..
دانه << سكتت ما ردت يقآآآل مستحيه ..>> أجل هي شنوو ؟؟

حصووص::رجلج على ماتعوديــنه .. << غمزت لهاا
دانه طالعت بأمي وقالت ببرائه :: يعني اقووله طس ماني جاايبه ..

ديمه :: هييييييي رجلج هذا تسمعين كلاامه شنوو طس ما طس ..
فرح :: كلش ولا طااعت الزووج يقوولج طااعت الزووج ولا طالعة الوالديــن ..




^^ أيــه قلناا بنرفع ضغط حصوص بس .. ماقلنــآآ نقط فتااوي ..!!! ^^




حصوص تنهدة بطفش :: يعني لاتنطيــن على طوول واذا كرر الطلب اكثر من مره
جيبيه بس اذا قالج مره ثانيه .. تعللي لا يتعوود يرسلج ويعتمد عليج بكل شي ثم
تااكليــن تبن وتقعديــن تقوول خداامه عنده عمرج كلــه ..

ديمه << شهقت بصوووت عاالي ..
فرح :: هيييييي لاتخربيــن اختي ..
ديمه :: والله تسمعيــن كلاام رجلج وماتبينهاا تسمع كلام رجلهاا ..

ماخلصنا كلام .. إلا وقلاس مي منكب عليناا وطبعاا حفظا لمااء وجيهيناا قمناا تقشقشنا
وصعدنا فوووق ..

دخلنا على غرفة نوور بخليهآآ تنزل اتسمع لنــــآآ كالعااده لقيتهآآ في ساابع نوومه
وعجز أقوومهاا ..

،،

مر هاليووم على خيــر بنسبه لي ولنوور ،، وعلى هم بنسبه لداانه وديمه ...

دانه ،، هم زواجهاا الي كل ماتتذكره تبدى تستفرغ كل الي في بطنهاا من الخرعه ..

ديمه ،، قضت الليله اتصلي وتدعى ان الله يأخر عرسهاا ويكتب لهاا الخيــره ...



.......،،،...........
السعووديــه ..
الريااض ،، في بيت ام حمد ...

حمد كاان قااعد في غرفته ومسكر البااب من سالفت رووحته للبحريــن وهوو ماتكلم مع
احد يطلع للدواام ويرد يااكل يشرب يناام ويسهر برى ...

<< طقت عليه حنان الباب ..

حنان بهدووء :: حمد ممكن ادخل ..؟؟
حمد << مارد عليهاا ماسك فوونه ويطقطق فيــه ..

حنان دخلت بهدووء وقعدت عالكرسي قريــب من السرير وقاالت باهتماام :: حمد
وش فيه ..
حمد ظل سااكت ولا رد ..

حنان بنبــره تكسر الخااطر :: حمد انت من رديــت من البحريــن وانت كذاا ...
قلي وش فيك ...
حمد << ولا كأن فيه بني آدم يكلمه او حتى معااه بالغرفه ..

حناان بقلة صبر :: حمد الله يخليك بديــت اتخووفني عليك ..قلي وش فيــك يآخووي ..؟؟
حمد طالعهاا ورفع حاجبه ولا رد عليهاا ..


حنان بعصبيه ::انا قاااااعده اكلمك .. اعتقد انه من ابسط حقوقي انك اترد علي ؟؟

حمد بقرف :: انقلعي برى ..


حنان << طالعته بصدمه وقاامت اطلعت برى قبل لاتنفجر بووجهه ..

 

[جرحي جديم..!]

.......،،،.....
الخميـــس ..
الساااااااااعه 8 بالليـــــــل ..
في أحد الاجنحه الفندقيــه ..

فرح : ديمه يالله امشي خل ننزل ..
داانه مااسكه نفسهاا قد ماتقدر وقالت بنبره تكسر الخااطر :: لا تروحون خليكم عندي ..

فرح بحزم :: شنوو الي نقعد عندج فشله ترااه هوو ولد عمنآآ ونجي العرس اخر النااس
والله تخيس وجيهناا عند الاواادم ..

ديمه وهي تلبس عبايتهاا :: صااجه فرووح وبعدين حراام ام مشعل ماعندهاا بناات
تقعد اتفر لحاالهاا بالاستقبآآل ..

دانه وشووي وتبجي :: خوااتي الكباار تحت ..
فرح :: واحنا االازم نكوون هم تحت ..

نور :: خوااتج خخخخخ تلاقينهم بااسيطن بالمدخل وحده اتهمز رجليــن الثاانيه ..
ديمه :: هههههههههه ..


فرح وااقفه عند بااب الجناااااح وصااحت بقلة صبر :: بنااااات يلاااا ..

:
:
:
:
بالقآآآآآآآآآعه ....

القااعه كاانت فخمه وكبيــره وديكورااتها رووعه قعدت افرفر عيووني بالقااعه ابي
اشووفهاا قبل لا يوصلوون الضيووف ..

فرح بصدمه :: نووور ..
نور :: خخخخ .. شفتي الي شفته ..؟؟

ديمه كانت وااقفه عند المراايه اتعدل شكلهاا وجت بسررررعه ...
ديمه طيرت حااجبهآآ :: شفتيهآآ ..




أميــره << كاانت ادوور بالقااعه ولاابسه ثووب فيه من كل خاامه قطعه ، ومسوويه
تسريحة كل أنوااع التسريحاات فيهاا ...

الي الخصل الي قداام راافعتهم وأطرااف الشعر لافتهم وخصل من الشعر تكسير وخصل
استريــت وحااطه من ورى فيونكاات على شعرهاا ومن قداام لابسه تااج وعلى طرف
التااج ورده كبيــره لونهاا غير لوون التااج ، ببسااطه ماخلت شي ماحطته بشعرهاا
!!..



ديمه بصدمه :: ياربي ترفع عنا ولا تبلاانااا حراام بناات لاتضحكوون تبلوون ورااحت
.. اتكمل اتفرج على نفسهاا ..

فرح بصدمه :: أبيــه ليــش جذي حراام شكلهاا ههه يضحك .. هههههه
نور باستهباال :: خخخخخخ ما شالله عليهآآ ترضي كل الاذوااق .. خخخخخخخ والله
تفكير هالبنت تجااري << شدخل ..

صووت وحده باستهباال :: خليهاا اترزق الله ياختي وش حاارك انتي ويااها ..


لفيــنا عالصووت ...وصحنآآ ساااااره ، ورحناا انسلم عليهاا بصرااحه واااو شكلهآ كاان
رووعه وناااعم وفاجأتناا بجيتهاا وهذا الي ونسناا زووود ..


<< ووقفناا بالاستقبااال وحسيــت العرس مر بسرررعه يعني ما مداانا بديناا رقص إلا
الطقاقه تقوول العرووس بتدخل ..


في البداايه دشت داانه ، سكرناا اللمباات وركزنا الاضاائه عليهآآ ..

دخلت داانه وهي قمه بالاحرااج وعيوونهاا بالارض ودمووعهاا باليآآله ماسكتهم جنهاا
رايحه للاعداام موو داشه عرسهاا مشت ببطئ ورجوولهاا ترجف وكل شووي وحده مننا
تقرب ومنهاا واتذكرهاا تبتسم وبعد تقريباا اغنيتيــن وصلـت للكوشه وقعدة ، وغنيناا
ثلاث اغااني وحده لناا ووحده لجماعتناا ووحده رفيجات داانه ..
:

:

بعديـــن صاار دوور دخلت اسووم ..


طبعاا الكووشه كانت لشخصين يفصل بينهم بارتشن وداانه قعدنااهاا عاليميــن وخليناا
الصووب اليساار لاسماا .. قريــب من الحماام << قدرهآآ ..

دخلت اسماا بابتساامه وااسعه وبين كل خطووه وخطووه تووقف وتأشر للمصووره وتقعد
اتصووور وبصرااحه مااتت من التصويــر لا والحركاات تنزل المسكه ايد فووق وايد تحت
وتقعد اتخصر ، ترفع الطرحه واتنزلهاا مو نااقص الا تجيب العايله الكريمه واتسووي
صوور جمااعيه .. حشاا قاعده في بيتهاا مو بصاله قدام اوادم ..


خلصت اكثر من خمس أغااني وهي ليل ألحيــن تمشي .. لمآآ وصلت لنص الصااله عطوو
خبر للطقاقه ان المعاريس عند البااب .. << ماتسوى عليهآآ قعدة تسررع بمشيتهاا
وتغطت ولا رقصت خواتهاا ولا جماعتهاا ولا حتى رفيجاتهاا ...

:

:

:

زفت المعااريـــس ..

دخل نااصر عاليمين وفاارس عاليساار يمينهم عمي سعد ويساارهم ابووي << كباار
العايله ..

ووراهم الشبااب نص الشباب عرفتهم ونص الثااني ما عرفتهم اكيد من ربعهم " بحكم ان
ماعندهم خواات فيقولوون ماراح يحكروون احد احنا متغطين متغطيــن..

نااصر كاان مبتسم ومستاانس إلا بيتشقق من الونااسه ..
فارس كاان مبتسم بهدوووء وعاادي كانه داش زفه مو زفته .. بس كاان مبتسم !! ..

نوور << طوول الوقت اتخزز بالعياال مو عياال عمي أكيــد اتخزخز بربعهم >>
تقوول ان عياال عمي اطلعوو من خشمهاا ...

ديمه << مانزلت عينهاا من فهيــد بصرااحه ما ألومهاا فهيــد كاان نجم الزفه تلثم
ووقف بالنص وقعد يرقص وفلهاا واااااااو رقصه عجيــب وكل البناات استانسوو عليه ،
وعلى الرغم من انه وقف نص الشباب الا انه كاان مبيــن ماشالله كاان اطوول وااحد بالزفه
>> صك عالمعااريــس .. ؛)

فرح .. في البداايه استناانست لماا شفت نااصر اشلوون مبتسم ودااش وفرحت لادانووه
لانه ضعق حيــــل يمكن قط نصه بس ،، لازاال مليــان شووي ..

بس لماا شفت فاارس مبتسم ضااق فيني نفسي واحس ان الدنياا داارت فيني مدري ليــش
بس غصب عني ،، دمعت عيوني وحااولت اضيعهاا بابتساامه ...

:

:

عــلــىآ كثــر الهــموم اللــي بقلبــي ،، مــآشكــيت الحـآل !!

علــىآ كثــر الجــروح الــلــي تمــآدت ،، أكـــتــم العــبــره ..

:

:

 

[جرحي جديم..!]

حوولت وجهة نظري ,,,
لفهيــد لانه شكله كاان بجد يوونس وكاان في وااحد ثااني يرقص قريــب منه حلوو غماازته روووعه وأسمراااني وجسمه معضل وااااو ابتساامته صرعتنااا و ابن اللذيـــن
عليــه رقص شكله من ربعهم لان مافي بجمااعتناا واحد مزيوون ،، على قوولت نوور
مافي غير فهيــد وموكليــنه تبن كسرناا خشمه وحطمنآآ أحلاامه ..

نوور بقهرر :: فروووووووح شووفي ..
لفيــت لصووب الي أشرت عليهاا ... لالالالا جد قهررر

و الي يبط الجبد ..

ان وليــد الي هوو وليــد قعد يرقص بالعرس بينمآآ ..

عبدالله وقف يم المعااريس ويخزخز بالحريــم وعيوونه تحووس بالقااعه كلهااا يخرب بيتناا فضحناا وفشلناا كل ما اسألتني وحده من رفيجااتي قمت اتصدد وأسووي نفسي ما أعرفه ..

:

:

لا وبالاخيــر لف عليناا " كنا واقفيــن عند داانه " ووقف قداامناا يصدد بالريااجيل لحد
يرقص قريــب مننا << شكووووو ... مااال بالكعب على عينه خرب عليناا الله ياخذه..

طلعوو الشباب عاادا أبووي وعمي سعد " محاارم عاادي " ودخلوو المعااريس على
عراايسهم ..

ناصر قعد عالكووشه ولف على امه الي كاانت وااقفه صووب داانه وقعد يسوولف معااهاا
ويحاول انه يطير عيوونه مني ولا منااك بيشووف داانه << مستحي يلف >> ..

وبعد فتره تجرأ ولف على أسااس انه بيعد غترته ..

انصدم ..

من كوورة اللفايف الي بووجه وموو مبيــن فيهاا غيــر اطرااف الطرحه ..

لف بسرعه وطاالع جداام وهوو مطيــر عيوونه ولا زاال مصدووم من شكل داانه الي مااشااف منه شيء .. << مسكيـــــن تحسف كل الحريــم انقدوو على لفته وهوو مالقط شيء بصرااحه ماتسوى عليــه ..




فاارس قعد بهدووء سلم على اسماا وسكت وجت أميــره بالمصووره وصوورت اكثر من صووره بعدهاا فاارس اشر للمصووره خلااص ..ووقفت التصوويــر ورااحت ..

<< بصرااحه ما ألوومه لااااعت جبده نفس الللقطه مليوون مره ، الواحد ما يمل ..

<< انا والبناات اخذناا أبووي في زااويه صااده بنصوور معااه ..
في البداايه صورناا صووره جمااعيــه ..
وبعديــن كل وحده برووح ..
لماا وصل دوور نوور..
دق تلفوون أبووي ,, أبووي أشر للمصووره تصبر ورد عالمكاالمه ..

أبووي .. :: هلاا .. هوووشه .. منووو ،، ليــش ؟؟ .. لا حووول الله فهيــد شكوو ..
يالله جااي جااي ..

سكر السمااعه وطلع من العرس بسررررعه ..

 

[جرحي جديم..!]

>>>>>>>>>> الجزء الوااحد العشروون <<<<<<<<<



زفوو دانه ونااصر ..


<< بحركه سريــعه نااصر سحب يد دانه وحطهاا على كووعه ورفع سااعده لفووق << شكله شاايف
الحركه بفلم مصري ...

دانه كاانت مثل المصدوومه من حركته طيرت عيوونهاا وظلت تخز الارض وضغطت على زنده بقووه
من التووتر ...





بعدهاا زفوو فاارس وأسما ..

زفتهم كانت سريعه شووي ...



فارس ماسك طرف أصاابع اسماا وكل شووي يفلت يدهاا وهي ترد تمسك يده والاخ يمشي بسرعه
شووي وعقب اتوقفه امه ينطرهآآ ..

يووقف و يوزع ابتساماات على امه وخالاته ويسوولف عليهم ولا كأن في بني أدميه يقاال انهاا
عرووس معااه << بصرااحه الحمد الله اني ما اخذته والله لو يسوي فيني جذي بالعرس يمكن
اتهوور و اوطي النعل واصفقه فيهاا ..>> لا والمسكينه تقصعهاا بالدخله طلع من عيونهاااااا
بالطلعه تعجل بمشيتهاا وبس تووصل وتحط ايدهاا بيده يرد يمشي بسرعه والثووب ثقيل ماااا
يسااعد عالمشي بهالسررعه ..!!

:


:


:


بعد زفت المعااريــس قلطنــآآ عالعشآآ وقعدناا احنا بالصااله على طووله بعيــده عن البووفيــه
وفلينااهاا سوالف وضحك ..

أميــره كاانت قاعده مع رفيجتهاا البطه وكل اشووي يتلفتوون علينآآ << اشكره يسولفوووون
عننا بس احنا مالقيناا لهم باال بالمره ولا كانهم موجووديــن بالمرره ..

خلص العرس ورجعناا للبيــت ..



........،،،......


بيت عمي سعد ..

شقة .. ،، ناصر & دانه ،،




دخلوو الشقه ..

نااصر بعبط :: آآآآآآآآآآآآآآآآآآآآآآآي عورتيــني ...
دانه انتبهت انهاا ضااغطه على زنده حيـــل من كثر التوتر ولا حست فيــه سحبت يدهاا بسرعه
وقاامت اطاالع بالارض وكأن شيء لم يكن ..


امي على طوول صعدت لهم المصووره وسلمت على نااصر ووصت على داانه عقب اطلعت
واتركتهم ..


بالصااله الصغير الي بشقتهم ..

 

[جرحي جديم..!]

دانه كاانت قااعده على الغنفه ويدينهآآ تفرك في بعض وترجف ..
ناادت المصووره نااصر وقعدوو سااعه يدوروون المسكه الي داانه من الخرعه حطتهاا ونست
وين حطتهاا لا واذاا اسألووهآآ عن المسكه عيونهاا تبوورق وشووي وتبجي بعد !! ..



وصوور ثلااث صوور وكل شووي المصووره طاالعه لهم بحركه غير عن الثاانيه وبعد العديد والعديــد
من الصور الباارده على قوولة المصووره ،،، طلبت من نااصر انه يقط البشت ويقرب من داانه تبي
تلقط لهم صووره رومنسيــه ..



،، لف نااصر بينزل البشت عالكرسي الي ورااه .. انتبهت داانه له ولفت بسررعه على المصوور ه ..


عضت لساانهااا واشرت لهاا بيدهاا انهاا بتذبحهاا اذا صوورت هالصووره او اذاا خلته يقرب منهاا
اكثر واشرت لهاا صورتيــن بس عقب اتفاارق برى ..


ناصر رفع رااسه ولف بيكلم المصووره وانتبه لداانه وحركاتهاا من المنظره العااكسه الي كانت بوجهها ..



<< بداا يتليــعن وقاام يألف حركاات ومقااطع وصوور وداانه ...... ضاااااعت بهدوومهآآآ لدرجة انهاا
كسرت خااطر المصووره الي كل ما قاالت خلاص .. ردهاا ناصر ورد يألف بالحركاات ليــن المصووره
حست على دمهاا وشاافت انه زودهاا اشووي ..زفت نااصر واطلعت برى الشقه ..


لف على داانه وقالهاا رووحي بدلي عشاان انتعشى سواا ..<< وطالعهاا بابتساامه ..


دانه ظلت اطاالع بالارض وسااكته ..
ناصر ابتسم وطلع برى الغرفه وصااح بصووت عااالي :: لا تتأخريـــن ترى بمووت من الجووع ..


نطت داانه وسكرت البااب تلف وقعدة ادوور المفتااح ولا لقته .. فتحت طرف البااب ..


دانه بصووت وااطي بالياله ينسمع :: مالقيت مفتااح الغرفه ..؟؟
ناصر طير حوااجبه وقاال بابتساامه :: ماله دااعي المفتااح وغرفه مو لازم تنقفل ولاتخاافين مو
داخل عليج عجلي بس العشاا بيبرد .. << ليـــــه هوو متى وصل


دانه دخلت وبدلت بسررعه واخذت لهاا شوور سريع إلبست ...


طلعت ورااحت للمطبخ على طوول << طبعاا احنا ماقصرناا شرحناا لهاا الشقه بالتفصيل وصورناا
لهاا كل شيء ...


نااصر << كاان قااعد بغرفة التلفزيوون سمع حس بالمطبخ وطلع يشووف شالساالفه ..


دانه ،، حاطه مااي بالغلاايه وقااعده تحووس بالمطبخ ..
ناصر بعفويــه :: داانووه ترى العشاا عشر دقايق ويجي .." طير عيونه " .. ولا لهدرجه جوعاانه .؟؟


دانه قلب وجهها ..بس انفخت نفسهاا وقاالت بثقه :: أأ أوكي ..
ناصر :: في فلم حلوو عالتلفزيوون ،، تعاالي وتصبري ليــن يجي العشاا ..


داانه// بغت تمووت من الاحرااج عبااله انهاا مشفووحه ادوور الزرط ..ورااحت بسررعه حطت
مااي بالصحن وراحت غرفتهااا ..



نااصر تفشل وحس انه فشلهاا بس استغرب من المااي ونط ورااهااا ،،


سمع صووت البااب يطق وطلع يدخل العشاا ..
خذاهاا فرصه بيماا ان فضولــه بيذبحه ويعرف المااي لشنووو ..؟؟؟
صفق باب الغرفه ..


لقى داانه حاطه ايدينهاا بالمااي الحاار وأول ماصفق الباب من الخرعه سحبت ايدينهاا وكتت المااي ..
نااصر بهدووء عكس الفضوول الي بيذبحه ويعرف حق شنوو وليــش ؟:: أأ العشاا تعاالي قبل لا يبرد
<< وما طلع إلا وهي معااه ..


دانه << ماتت من القهر والاحرااج منزله نص أضافرهاا والنص الثااني ما نزلته ، طبعاا معرووف
ان الاظاافر التركيــب اذا حطيتهاا بمااي حاار تطلع بسرعه بدوون عواار وبدوون ماتبقي اثر للصمغ ..



..،،،....

في بيت بو وليــد ..

قاعديــن بالصااله وقاعديــن نااكل بيتزاا وسووسوو قااعده عندنا مع ان امهاا كانت مصرره ماتخليهاا بس
انحرجت من ابووي اوول مره يطلبهاا ..


وقااعديــن انتنااقش بالهووشه ...
قاعديــن وانتنااقش بالهووشه الي مانعرف منهاا إلا اسمهآآآ ..
والي اتألف قصه ،، والي تألف شخص الي انطق ،، والي تحط اسباب .. ووو .. من غير فاايده حريم
ان مالقيناا الساالفه انألفهاا ..



<< دخل علينــآ حموود البطه يدربي كرشته ...



حموود بشفاااااااااحه :: الله بيتزاا ... أبي ..

نوور :: انقلع يالدبي تووك مااكل ..
سارا :: نونو جب حراام عليــج ..


حموود << قعد يحك صمااخه ..:: ياااو يمه ردي نوور مع عمتي وجيبي لنــآآ ساارا ..
ساارب ابتسمت :: ياااااو فديــتك اناا << وقعد يمهاا حموود وقعدت اتزرط فيه..


حمود وهوو يااكل :: يآآآو والله ان فهيــد لعن ابوو اجدااف سعود... طق طق مو صااحي ..


<< لا إرااديـــآآ كلنــآآ لفينــآآ عليه ...
سارا وبحركه سررريعه سحبت البيتزاا من فمه ..

ساارا :: انت كنت بالهووشه ..

حموود بغباااء :: هوهوووو .. ااول من كاان بالهووشه قبل لاتصيــر << اشلوون يعني .. طوفووو هههه


نوور:: منوو المطقووق ..
حمود :: سعود زووج ديمه ..


ديمه ابتسمت لارااديآآ :: ليـــه ؟؟
حمود :: يقوول انه مايستحي قااعد ويخزز الحريــم ...
فرح :: الله ياحلوو فهيــد .. ياخي هالرجاال غلط بالعاايــله ..


نور بابتسامه :: إيــه والله جنتل جنتل ..<< وكشت على ديمه ..
ديمه <<< لووت بووزهاا :: قطع ..<< يقاال مو مهتمه ..


ساارا بخبث :: أقوول حموود .. سعوود حلوو ..
حمود :: اسود يجيب الهم تبين تشووفينه ..


كلنا طيرناا عيوناا على حمود الي طلع تلفوونه من جيبه والاخوو مصوور الهووشه كااااااامله ...


قعدنا انتهااوش على التلفوون ليــن اتفقناا انسنده عالطااوله وانتفرج منه ..


فرح :: يآآآآآآآآآآآآآآآآآآي شنوو هذاا ؟؟
ديمه << سااكته ولاعلقت على شيء ..


نور :: يماال الوجع ايه والله ..
فرح :: إلا قوولي ياعل ايدنه للشلل ان شاالله ..
سارا :: آآي آآآي شووفي اشلوون يطقه .. ماكوو انسانيه ..


نور:: إلا قوولي فيه حيوانيه الله يلعنه ..
ساارا ::ويااخذه ان شالله ولا يووفقه ..


^^ منغثيـــــــــن حيــــــــــــــل ^^

 

[جرحي جديم..!]

فرح بقهرر:: أناا أمووت واعرف اهوو اشعليــه رجاال ويغاازل كيفه ..
نوور:: إلا قوولي هذاا مايغاازل هذاا ينغاازل ..
ساارا بحسرره :: والل ماعلي من هذرتهم ، فهيــد ماطقه إلا لانه صك عليــه ,,


فرح:: يآآآآآآآآآآآوو " وقاالت بقهر "" ايه طااقه بكس على خده عشاان تسح غماازته يعل ايدينك
للشلل يافهيــد يااولد عمي ....

نوور وهي وااصله حدهاا :: يآآوااهني على من يذبح لي فهيــد



^^^^



كل هذاا لانه طلع احلى من فهيــد ..!!!!! اهوو موو احلى من فهيــد بس حلوو واحناا فيناا طبع عياال
عمنا واخوانا وجماعتناا مهماا كانوو حلويــن ومزيــن أقل حليـــو يصك عليهم بنظرنآآآ ..




دخل علينا وليــد سوسو انقززت اتغطى وهوو تفشل طلع برى وناادى امي ...

بالصااله .. وليــد وامي ،،
في الممر الي عند الصااله " فرح ونور وديمه وسارا وحموود " ...

وليــد بعصبيه :: اقدر اعرف ولدج وينه ألحيــن ؟؟
امي :: سلطاان ..

وليــد :: اجل انا ..
امي :: مدري ؟؟


وليــد بقهر :: اليووم خااس وجههي بالعرس كلهم يسؤلوون عنه عرس ولد عمناا جيرانا احنا
يحظروون واخووي ما يحظر ,, ممكن تقوليــن لي وينه؟؟


امي سحبت تلفوونهاا ودقت عليه .. هلا .. وينك يآآ وليــدي ..؟؟ وعرس عياال عمك ..؟؟ نسيــت
لوهوو عرس رفيجك مانسيته وعرس ولد عمك نسيته << عصبت امي وصفقت السمااعه بووجهه ...


وليــد بهدووء :: وينه ؟؟
امي انصفق وجهها وانحرجت من وليــد :: بأأأ أأ سووريأأ ..


وليــد بعصبيه :: اليووم عرس عياال عمي وولدج راايح يصيع بسووريآآ ..
امي بقلة حيله :: شسوي ولدي وعجزت عنه رجاال اطوول مني ..!!


وليــد :: رجاال زوجيــه ..ولا تقوليــن لي موو رااضي اناا زوجتني وانا اصغر منه وجاايب ولدي هم
واناا اصغر منه ماا ضرني ولا ذبحني و مزوجتني غصب !! ..


" تنهد بصووت عاالي " يامي يالغااليــه انتي عاارفه ان الرجاال ما يمسكه ويركده إلا العرس
المسؤاليــه اتكبر وولدج ليــل ألحيــن جنه بزر وفلووسه كلهاا راايحه على خراابيــط مالهاا
دااعي وكل ووم راايح رااد يمتر الدرب لسوريآآ ..


امي :: بس انت عاارف انه مايبي وحااولت بس وبعديــن من وين بجيب له مره بذووقه ..
وليــد :: بنااتي عماامي اشكثرهن ان ما اعجبنج عندج بناات خالي ان ما اعجبنج جماعتناا مأكثر
من بنااتهن ..


ديمه بصدمه :: أأأأأأأأأ لا يكوون يجيب لناا أميره ..
فرح بصووت وااطي :: اتخسي بنت خزنووه تااخذ أخووي ..


نور بنقد :: جب انتي ويااهاا اشدعووه بيشاوروونكم ولا بياخذوون راايكم انتوو ووجيهكم ..
سارا :: اووش خل نسمع ..


حموود بدلاخه وبصووت عاالي جنه بيناا وبينه شواارع مو لازقيــن ابعض :: ولاتجسسو ولا يغتب
بعضكم بعضا << صفقنااه على صمااخه لايكمل جاايناا الشيخ حمد ..

ما دريناا الا وليــد في وجهناا .. وركضناا تقوول خرفاان عالدرج ..

دخلناا غرفتناا وكل وحده مسكت تلفوونهاا ،،

<< يعني يا أخ وليــد ترااك امخربط احنا من زماان بغرفناا والدليــل اننا مندكجميــن مع تليفونااتناا ...

ديمه .. بطلت فوونهاا لقت مسج من أبووهاا يذكرهاا ان ملجتهاا بعد بكرى .. ضاق خلقها.. نزلت
التلفوون ورااحت اتصلي ...


انا بطلت تلفووني وعلى طوول دقيــت على داانه الي ما عطتني وجه ولا ردت علي مالت عليهاا صج ماتستحي ..<< منو الي مايستحي ..؟؟


نوور قعدت اتكلم رفيجااتهاا وتعرفهاا بنجووم العرس << طبعاا الي دخلوو مع المعاريــس ..


سارا فتحت تلفوونهاا ولقت خمس مكالماات فائته من حنان ومسج ..