اكتب بيت من اشعارك وسجل حضورك

[بقايا أطلال]

أدق له والهاتف يرن
مجبور يالشاعر وأحاتيه

عقلي شديه وقلبي يحن
من خاطري ماقادر ألغيه

عجبني.........

خذلك واصل وفيها خزن
أن خلصت يواصلك ويشريه
وإن ما أتصل هيهات أتحن
من باع وصلك ولا عاد يشريه

 

[حر الأبيض]

✉✉✉

يدور فيني الوله ويشلني غربي
لكن داره بعيده وتقصر الحيله

الشوق فضاح والله ماقدر اغبي
القلب لي من توله ويش اسويله

الشاعر /صالح عبدالله الحصن الشحي



العنق. عنق. أنجليزي. والخصر صربي
والصوت صوت غفلي مولود ف سهيله

قاطع من أجله الحكي والنوم والشربي
ان ..مالفاني. الصبح .لعصير.. بضويله

الشاعر / خليفه محمد الكعبي


يتني رساله من المحبوب ما اخبي
خلة فؤادي قام يتراجف حليله

يا بومحمد حتى عايف الشربي
ياويل قلبي من ذيلاك ؟؟ ياويله

الشاعر /صالح عبدالله الحصن الشحي


من حدودنا العين جودي الغربي وهبي
متوله ابحيل واتراما معي حيله

ييبي لنا اخبار خلن دائي وطبي
ساكن لإمارات لكن فكري اشيله

الشاعر / خلف سعيد خلف الكعبي


يشب جمر الوله في ضامري شبي
والبارحه في منامي قمت اناديله

يابوعلي صوب غربي العين متربي
يشع منه البياض يولع الشيله

الشاعر / صالح عبدالله الحصن الشحي



كانه من القوع ادري ما على دربي
لكن بنشد لرحال وياكم وبنجيله

لعصير بنشوم قبل الظلمه اتغبي
ما يهمنا لو تباعد في مواصيله

الشاعر / خلف سعيد خلف الكعبي



والله والله ﻻذنبه وﻻ ذنبي
مرات مرات تتقاصر مواصيله

لظروف تحكم وهذا من سبب تعبي
لي هزني الشوق جرتني مواويله

الشاعر /صالح عبدالله الحصن الشحي
20/8/2014
✉✉✉

​

​

استمتعت في الأبيات ... صح لسانكم .. و اعتلا شانكم


.
.
.


سيدي يا سيد لـ حشامي
لك هلا و مليون ترحيبه

مرحبا يا نسـل الاكرامي
عد طل الصبح و مغيبه

 

[برووق]

بين الثريا وبين نجم سهيل
شانك ومنزلك القلب لاهنتي

لو ذقت من هجرك عذاب وويل
انتي الوحيدة بقلبي تمكنتي

اشتاق لج شوق يهد الحيل
ويا للاسف انتي ولا تألمتي

اعدل ميازين الهوی وتميل
دروس وعبر منها ولا تعلمتي

سوي الي تبينه وعندك التخويل
تبقين انتي الغالية بس انتي

الشاعر صالح عبدالله الحصن الشح

​

ي

 

[برووق]

ياسعيد مثلك قابض الزام
اقوم انش اسير وارد

الفكر يلعب بي ولوهام
كل السبب من وليف صد

كن احكمولي حكم لعدام
بسيف صقيل ومرهف الحد

لفراق قد رفت له اعلام
اصفق حسافه خالي اليد

الشاعر /صالح الحصن الشحي

ماعاش من يحكم بالإعدام
على الخوي لي شوفه يسد

عالي مقامه مثل الاعلام
لي رفرفت ع مأرب السد

الشاعر /سعيد بن ساري الكعبي

ما مثلهم قد شفت ظلام
ويعاملوني الند بالند

تغيرو من شهر لصيام
أسوي زين ويرد لي ضد

الشاعر / صالح الحصن الشحي

مادامهم ظلام ظلام
خله الذي يلظمك ينفد

يعله عساه يتم هالعام
يشرب بكأس الند بالند

الشاعر /سعيد بن ساري الكعبي

​

 

[برووق]

الله ياذكرى صلاله
ثابت لها في قلبي رسووم

شفت الغضي يمشي ع حاله
الغرنجي بوخصر مهضووم

عساه في خير وسهاله
من شهر ما يت عنه علوم

ياليتني اطرى ع باله
حارم عيوني لذة النوم

صالح الحصن الشحي

​

 

[برووق]

سلمو لسعيد بن ساري
مبتلي ومشتط بالكوره

وانا مع خلي وقماري
قام يغلب ع القمر نوره

يارك الله يا ربا داري
يفوح دهن العود م نحوره

صالح عبدالله الحصن الشحي

هب شرتا الريف من داري
وياب لي ريحة من عطوره

يالحصن لا تخرب افكاري
خلني بارتب الدورة

يوز عنه سعيد بن ساري
يوم هو مشغول بالكورة

سعيد بن ساري بن سلطان الكعبي

​

 

[برووق]

هيا بنا يالهاتف المتحرك
على ربوع الدار ناخذ جوله

توك جديد وبك نبا نستبرك
والزين ياتينا مشي ع ريوله

الشاعر / خليفه محمد الكعبي

يمكن بلاستقرام حد يتشربك
ولا على الواتس اب او من حوله

كل شئ بها العالم وصار مفبرك
حسبي عليها الهواتف المحموله

الشاعر /صالح الحصن الشحي

​

 

[برووق]

لاتحدني أزيد القسوه عليك
إنتبه تراني بلحظه أنفجر

خلاص قلنا لك يا ؟؟؟ مانبيك
لاتخلني أعاملك مثل الغجر

هانتيجة ماجنيته إنته بيديك
صار قلبي أقسي من صم الحجر

للشاعر / صالح الحصن الشحي

يالحصن بالروف يعل الله يهديك
الهوى له طب لا طلع انكسر

خذ من مجرب نصيحه بين يديك
البحر له جزر وله مد البحر

بسكوت احيان ترجح كفتيك
لا تصرح ف الهوى علم وخبر

خلهم والوقت بيرد ايعطيك
دام فيها سيل ما جف النهر

الشاعر / سعيد المزيود الشحي


انتظرته وقال اصبر ما عليك
كم تباني كم اصبر له دهر

قام يعذبني يرحم والديك
بصبره سنتين ما بصبر عمر

كل يوم ياخوي نتعارك عريك
بو محمد والله قاتلتي قهر

الشاعر / صالح الحصن الشحي


تشتكي صالح تقول انك دريك
ابشر ابفزعه ولو طارف قطر


ون بغيت انشد بالسرعه ونجيك
حاضرين ولا نبالي بالخطر


ساعتين اتشوفنا مابين ايديك
ومنّك التوجيه واليك الامر


الشاعر دكتور عبيد بن ونيس الكعبي

​

 

[بو حمده]

اللي تغير وأبدل الودّ هجران ** من عقب ذاك الود أبدى القطاعه

عساه في سعد وهنا طول الأزمان ×× يحظى بفرحه كل حينٍ وساعه ​

 

[بو حمده]

والأمر لو كان بيديني ♡♡ يا سعادة روحٍ تحبك

مسْكنك في مقلة العيني ♡♡ والعمر بقضيه في قربك ​