أجمل احساس
๑ . . عضو ماسي . . ๑
- التسجيل
- 25 أكتوبر 2004
- رقم العضوية
- 2334
- المشاركات
- 1,600
- مستوى التفاعل
- 49
- الجنس
- الإقامة
- جميرا
مرحبا ...
بخبركم سالفه .. وحده من ربيعاتي تقدملها واحد من أهلها .. هو كان يباها من كمن سنة .. وقالوله أهلها مافي خطوبه ولا في شي تباها تعال عقب سنتين ..
وبحكم انه من أهلها قام يضاربها .. ويقول من حقه دام اهلهم متكلمين في موضوعهم ... ووعلى كل شي بيضارب ..
مثال هي ماتتغشا وأهلها راضين وماتحط غير جحال .. يظاربها انتي أهلج مادري كيف سامحينلج ومادري شو .. وهي ساعات ماتلبس عبي مسكره وتلبس تنوره وأهلها واخوانها راضين .. ويباغم واخته تلبس جايفتنها مره فالمول لابسه .. ولبسها البنت يعني مب ملفت ..
وعشان دراستها يباها تطلع من الجامعه لنها مكس وتدرس تخصص ثاني مافيه رياييل وعشان تشتغل بعدين فمكان مافيه خلط .. والدنيا الحين كلها خلط .. أون أهلج مايفكرون غير بالشهاده وناسين أشياء وايد مهمه ..
ويضاربها على كل شي .. يعني حتى لو هي غلطانه ماييها بالزين يكلمها سيده بيفاتن .. وأصلاً مافي شي رسمي بينهم .. ويوم تقوله مافيك احساس يقولها أنا أدري كيف تبيني أكلمج بس أنا أخاف من الله وأعرف ان في أشياء مب المفروض أقولج عليها .. يفهم الكلام على كيفه ... وكل بالمسجات ...
وحتى مره كانت سايره راك .. عزيمة وحده من أهلهم .. فمروا المنار هي وأهلها عشان يتعشون وعشان يشترون حق البنية شي .. ستين ألف مره طرشلها مسجات لاتسيرون الله يخليج وزحمه ومادري شو وتغشي إذا سرتي .. وماتغشت هي تصطك تقبظها أصلاً دوره إذا سارت فمكان زحمه فماتروم تتغشى ... ظااااربها اسبوعين ثلاث منتفخ ماخلا كلمه ماقالها ..وهو يوم يقولها انتي تحطين ميك أب ومادري شو مايدري روحه يألف البنت ماتحط شي ومليون مره قايلتله بس جحال ومايبا حتى جحال ... وماجايفنها غير مره بالصدفه ويا أهله قبل كمن سنه ..والعلثه مايبا حد يجوفها ...!! وكمن مره قالتله أنت المواصفات اللي تباها مافيني أنا .. لا بالغصب اللا تستوين مثل ما أنا أبا ..
هل هو له حق يقولها ربع هالكلام بحكم انه من أهلها وهم متكلمين فموضوعهم ؟
بخبركم سالفه .. وحده من ربيعاتي تقدملها واحد من أهلها .. هو كان يباها من كمن سنة .. وقالوله أهلها مافي خطوبه ولا في شي تباها تعال عقب سنتين ..
وبحكم انه من أهلها قام يضاربها .. ويقول من حقه دام اهلهم متكلمين في موضوعهم ... ووعلى كل شي بيضارب ..
مثال هي ماتتغشا وأهلها راضين وماتحط غير جحال .. يظاربها انتي أهلج مادري كيف سامحينلج ومادري شو .. وهي ساعات ماتلبس عبي مسكره وتلبس تنوره وأهلها واخوانها راضين .. ويباغم واخته تلبس جايفتنها مره فالمول لابسه .. ولبسها البنت يعني مب ملفت ..
وعشان دراستها يباها تطلع من الجامعه لنها مكس وتدرس تخصص ثاني مافيه رياييل وعشان تشتغل بعدين فمكان مافيه خلط .. والدنيا الحين كلها خلط .. أون أهلج مايفكرون غير بالشهاده وناسين أشياء وايد مهمه ..
ويضاربها على كل شي .. يعني حتى لو هي غلطانه ماييها بالزين يكلمها سيده بيفاتن .. وأصلاً مافي شي رسمي بينهم .. ويوم تقوله مافيك احساس يقولها أنا أدري كيف تبيني أكلمج بس أنا أخاف من الله وأعرف ان في أشياء مب المفروض أقولج عليها .. يفهم الكلام على كيفه ... وكل بالمسجات ...
وحتى مره كانت سايره راك .. عزيمة وحده من أهلهم .. فمروا المنار هي وأهلها عشان يتعشون وعشان يشترون حق البنية شي .. ستين ألف مره طرشلها مسجات لاتسيرون الله يخليج وزحمه ومادري شو وتغشي إذا سرتي .. وماتغشت هي تصطك تقبظها أصلاً دوره إذا سارت فمكان زحمه فماتروم تتغشى ... ظااااربها اسبوعين ثلاث منتفخ ماخلا كلمه ماقالها ..وهو يوم يقولها انتي تحطين ميك أب ومادري شو مايدري روحه يألف البنت ماتحط شي ومليون مره قايلتله بس جحال ومايبا حتى جحال ... وماجايفنها غير مره بالصدفه ويا أهله قبل كمن سنه ..والعلثه مايبا حد يجوفها ...!! وكمن مره قالتله أنت المواصفات اللي تباها مافيني أنا .. لا بالغصب اللا تستوين مثل ما أنا أبا ..
هل هو له حق يقولها ربع هالكلام بحكم انه من أهلها وهم متكلمين فموضوعهم ؟
