سؤال

[شيبه محتشر]

السلام عليكم ورحمة الله وبركاته

من كم يوم كان عندي فحص سنوي

فطلع الكليسترول عندي 230.

الدكتور قالي انه فوق المعدل وهو من 200 وتحت

لمهم سالته من وين ياي وليش

فقالي كانك تاكل روبيان ونغاره قلت لهم اكيد ومدمن

فقالي الكليسترول ينبني مثل الطبقات ولما يروح يروح مثل الطبقات يعني مو مرة وحدة

فقلل الاكلات البحرية وماعليك كل سمج

ولكن خفف من كل شي حيواني

وقالي اخذ حبوب زيت كبد السمك اوميغا 3

انا قريت عنه بالنت وشفت فويده

بس حد منكم استعمله وشو ملاحظاته عليه

:ala:

 

[فارس]

وعليكم السلام ورحمة الله وبركاته

أجر وعافية . ما تشوف شر يا الشيبه

بيفيدك أكثر الأخ واثق الخطوة . تخصصه طب

طرش له بروه عشان ينتبه ويجاوب ونستفيد يميع ​

 

[نظرة غرآم]

سَلآمآت شيبَتْنآ وَمآ اتْشوفْ شَرْ

وإِنْ شآءَاللهْ وآثِقْ الْخِطْوَهْ بَيْفيدِكْ

اشْرَبْلِكْ لَبَنْ اكْتيفيْآ بَيْنَزِلْ لِكْ الكوليِسْتِرولْ
<~ يِمْقِنْ يِنَزْلَهْ وَيِمْقِنْ تِروحْ فيهآ خخخ

 

[هدوء طفله]

وعليكم السلام ورحمة الله وبركاته

أجر وعافية . ما تشوف شر يا الشيبة ^^
سلامتك والله
ما عندي فكرة يمقن واثق الخطوة يفييدك
ما مناا فايدة خخ

 

[فتى العرب]

..


هلا بالشيبه
الكبر شين يا ريال خخخخخ
سلامات ما تشوف شر يا خويه
عندي له معلومات وبفرغها لك خخخخخ

حبوب زيت السمك اوميغا 3
هالحبوب اعرف واحد يستخدمها من فترة وهي مفيده للقلب والكوليسترول
وبعد ولد خالي يستخدمها لنفس السبب
ربيعي من فتره سأل عنه عند نيوترشن وقال له ما لها اعراض جانبيه

وفوايدها عديده
مثلا الحريم يشربونه لانه مفيد ويكثف الشعر و زين للبشره
والرياييل يستخدمونه اكثر شي للي عنده كوليسترول والقلب وهالامور وهو يحرق الدهون وللي يطيح شعره بأ
في له انواع لليهال لانه يساعد على تركيزهم فالدراسه

بالصيدليه بتلاقي له كمن نوع
الاول: اوميغا3

والثاني: اوميغا 3-6-9

الاولاني يحتوي على احسن نوع من انواع زيت السمك واللي هو اوميغا 3 فقط
والثاني يحتوي على ثلاث انواع منه واللي هو
اوميغا 3
و
اوميغا6
و
اوميغا9

والطبيب يوصف لك حبه وحده باليوم بعد العشا
لا تاخذ على كلام المنتديات ياخذون 4 باليوم <...يبون ينتحرون


هو مفيد للي ما ياكل سمك بعد



وهيييدوو
..

 

[الخنبولي76]

هييه

انا معي خبره

مجرب ها الشغلة مع الوالد

و مع والد ربيعي يوم صارت عندهم جلطة بسبة ارتفاع القوليسترول

زيت السمك اوميجا3 مفيد و يسهل عملية مرور الدم بالقلب و يخفف من الآلام الناتجة عن التجلط

و هو انواع لازم تسأل الدكتور عن اي نوع

 

[شيبه محتشر]

السلام عليكم ورحمة الله وبركاته

دكتور

ما يحتاي بروه ناس لي تستخدمه بتعرف ليش تستخدمه الا لي ياخذ دوا وما يقرأ وصفته فهذا بنظري انقوووح صغيرون
وتسلم دكتور


اما انيس وخميس
لي ردوا على الموضوع
فأنا يمقن ادق راسكم بمطرقة ويمقن اقص لسانكم
شوفوا لكم حل سريع من هاليمنين الثنينه


فتى العرب


شاكر لك الشرح الممتع
لا تخاف ياخوك مافيني الحمدلله هالمرض لي اشكي منه
بس من سنتين واحس انه هالجهاز مال الكليسترول لي يفحصونا فيه خرفان
ويمكن من زود ماكل روبيان يمكن صح
بس الحمدلله ما اشكي من باس
بس يقولون الوقاية خير من قنطار علاج
فانا اتبع هالمثل
شاكر لك مرة ثانية التوضيح
وان شاء المغرب بروح الصيدلية وبسال الصيدلي اكثر


والله يبعد عنكم كل الامراض والشرور

:ax:

 

[الخَيزُران]

✿
✿
✿

سلامات يالشيبه
فتى العرب كفى ووفى

✿
✿
✿

 

[واثق الخطوة]

مرررحبا اخوي شيبه محتشر ..
ما بزيد عالكلام اللي قالوه الاخوان .. و اكيد مثل ما قريت انه يعتبر supplement
بس معلومة , انك المفرو

 

[واثق الخطوة]

[align=right]مرررحبا أخوي شيبه محتشر ..^_^
سلااامات ما تجوف شر خو ..

اما عن الـ omega 3 فـ هي تعتبر supplement
و ما بزيد عالكلام اللي قالوه الاخوان و اللي انته قريتهـ ^_^
لكني بضيف معلومة ,, اللي هي المفروض ان الواحد يستخدمه على حسب الارشادات ..
في ناس يستخدمونه بكثررررررة .. فـ يسبب لهم انتفاخ و غازات, إسهال, غثيان " لوعة جبد " ..

و بالعااافية ..
حاول تسوي رياضة عالخفيف , و خفف ادمانكـ خخخ [/align]