بقـَشةْ عِيَايـزْ ;`

[غنَاتْيـے]

عصيّرْ الأمسْ وأنا مَاشي تِسمعتكْ !*
معْ صوُت الريَاح وثَورة شجوني . . ~

تسُولف عَن موادعنا ولا طعتكْ ;`
أخاف أوادعك وأعيش من دوني . . /`




«- . . السَلامْ عَليكمْ ورَحمة الله وبَركَاته . . -»
صَباحكم باقات جُوري :ax:


شُكراً بحجم سعادتي هذه اللحظات . .
لكل المتابعين لـ غناتي ومدونتي المتواضعه . . :bt:


♥ ,`


يُوم الجمعه بعد ماخبرتكم انه ابويه هزب الثلاثي المرح . . :yaw:
ظهرو من حجرهم سايرين المسيد . . وعيبت عليهم شوي . .

ويقولون لي : وقسم بالله بندوسج يالسه في طابقنا وتستخدمين النت مالنا وتعيبين :h035:


بعد مارجعو من الصلاه . .
التجمع قبل الغدا . . والشلّه المبروكه كلها موجوده . .

هذا فارس علنيه افدا روحه :ah:




وسلطان يالس يشوف حالة الطقس كالعاده . . وعداله الدغس ع الـ BB
يذكرني في بن علوان . . يقعد على المواقع بالساعات ويراقب الجو :Afkr:




ماشاءلله بيتنا عائلة كمبيوتريه وتكنلوجيه بحته :eh_s(6):




وهني منصور يلاعب سلطان . .




ابويه من أمس مخبرنا انه في خاطره يسير البحر نيلس ونشوي . .
وكلنا طبعاً موافقين لانه من زمان ماطلعنا مع بعض :yaw:


ع العصر . . طلعنا في موترين متجهين الى البحر . .
ماشاءلله وايد . . عيالنا وبشاكيرنا وعيال الجيران آ آ آ لا الأخيره اجذب :h015:


قبل مانحرّك شوفو هزاعي كيف يدق الدريشه . .
جنّه شحَات . .




هزاع : ماما تقول سيرو الدكان هاتولنا كوره وآونو . .
سلطان : يالله يالله انقلع الله يعطيك ~> يغايضه . . io:
هزاع : والله العظيم ماما تقول . . ههههههههههه يضحك ليتكم تشوفونه كيف كان يسوي . .
خلاف يا بطي يدافع عنّه . .


ابويه تحرك ونحن وراه . .





وصلنا البحر . . وخلاف وصل ورانا الدريول يايب باقي السامان من المزرعه . .
حطب ومادري شو :eh_s(6):
وبدت ام بطي بالتصوير . . توثّق الرحله . .





ومن ناحيه ثانيه بدا اللعب . .




منصور من نزل من السياره . .
ياربي تقولون اول مره يشوف بحر في حياته . .

والله العظيم نحن بعدنا مانزلنا من السياره . .
هو بروحه ساير صوب البحر . . وكل شوي حد يربع اييبه . . وطبنا بالرمل لين قال بس :bad:





وبالفعل من وصايا هزاعي . .
خطفنا ويبنا لهم الكوره والأونو . .

وبطي حتى البشاكير لعبّهم معاه . .
لازم تلعبون واذا غلبتوه يعصب :h015:




هزاع وفارس . . :ah:




الكايد وهزاعي وبطيّان . .






غَاب النهار وهيّفت شمس الغروب . .
سَوى شفقْ المغيبْ ع الجبله حجابْ !*





من غابت الشمس وأذّن المغرب . .
صلينا ويلسو يورون الضو . .

وانا من قبل موصتنهم اهم شي ( كرك ع الضو و النغر ) . .
وسوّو كستنه حق قوم بطي ودياي وذره . .




كَان الجو يجنن . . واستانسنا بالسوالف مع ابويه . .
كّنا ناقصين بس بعد الطلعه كانت ممتعه :wrd:


بخبرنا انه في الإجازه اليايه ان شاءلله بنسير البر يوم بنكون في راك :yola:
THE END ;


♥ ,`


ليِتْ اللذي ودّاك يا زِيـنْ جَابكْ . .
تشُوفْ الأيّام عقبكْ كيفْ سوّن !*

 

[غنَاتْيـے]

عَلى كِثرْ اتَصالاتْ الخَلايقْ في صَباحْ العيدْ !*
. . أنا والله مَاكنتْ أتحرى غيرْ جَوالكْ ;~


تَحريتْ اتصَالكْ انت يَا الغَالي وبالتَحديدْ \`
لانْ العيدْ مَاظنّه يجي ومَاجيتْ في بَالكْ . . .


«- . . السَلامْ عَليكمْ ورَحمة الله وبَركَاته . . -»
مَساكم خير وسعاده :00100:


إشحالكم كلن بحاله . . ؟
عيدكم مبارك وعساكم من عواده ~> تو الناس :1577_1186768770:


مامداني احدر قبل وأبارك لكم . .
وكل عام وإماراتي بخير ودامت ديارنا عامره بالأفراح . . اللهم احفظ هذا البلد آمناً =)


♥ ,`


الصراحه هالعيد وهالإجازه كانت مختلفه تماماً . .
كل شي كان غير :==:


والكل يقول لي نفسيتج متغيره . .
أول مره اطلع هالكثر . . حسيت اني حواّطه . . :ah:


اماكن ترد الروح . .
انا مش مال مولات وهالخرابيط . . انا ودوني الشرق والبحر والبر . . هني العوق :yola:


♥ ,`


مواضيع التصوير القادمه . . وصور صيد كاميراتكم . .
وسوالفيه في المدونه كلها بتكون عن هالإجازه بإذن الله . .


ترقبوني . . [ :chek: ] ;


تحضيراتي الخاصه باليوم الوطني \ العيد \ سيرتي لضايه و الرمس . .
رحلتي لغمضا \ سيرة حل \ الفجيره \ عوافي \ المسيره . .






فمان الله :00100:

 

[غنَاتْيـے]

فِي القَلبْ حبجْ تَرسخْ يَابلادي ;~
في كَياني في وسطْ لبْ الفوادْ !*


. . حبجْ في دَمي وينبضْ به فؤادي .. \`
يهتَفْ بإسمجْ ولاغيرجْ بلادْ ,~



«- . . السَلامْ عَليكمْ ورَحمة الله وبَركَاته . . -»
صباحكمْ دوامات من بعد اجازة 10 أيام [ :a050: ]


♥ ,`

شكُرا لـ :00100:


الزبرجد / عيوز مشتطه / الجارح 2003 / الكاشخ . . جلنار . .
»ǾùTlâw« / الشحي / غزالة الجبال . . RAK Queen . .


♥ ;~


كالعاده أرجعكم بالأيام ريوسْ . . نرد لـ آخر يوم دوام . .
الأربعاء قبل وقفة عرفه . .


اول يوم وطني يمر وانا مداومه . .
كنت متحمسه وخاطريه اسوي شي حق الموظفين مش الكل / اللي اتعامل معاهم دايماً واعرفهم ْ. .


سرت خذت بروشات وبكسات حق البنات . .
وحق الشباب اجياس اكبر شويه لاني خذت لهم مسابيح . .




قلت بسير باتشي بشوف شو عندهم من توزيعات . .
حشااااا . . يوم سرت كل شي مخلص . . وعندهم الطلبيات فلْ مايستقبلون ولا شي :bad:


تام عندهم بس نوعين من اللي بـ الكيلو . .
خذت منهم . . وهذا الشكل النهائي للتوزيعات :ah:





قبل بيوم البنات قالو روحنا بنسوي لنا احتفال خاص . .
بنلبس كلنا مخاوير وبنييب أكل شعبي . . وبالفعل ماقصرّن . . :eh_s(6):





بسطنّا في مكتب من مكاتب بنات الـ it . .
وهذا الكب كيك كانو يايبينه حقي مخصوص . . :eh_s(1):





نفس اليوم كانو العلاقات العامه يوزعون علينا بطاقات تبع حلمة المتحده . .
اول شي اكتب اسمي وعمري والإماره وابصم ع الكارد . . خلاف عطونا box فيه . .





علم الإمارات . . واللي عليه صور ابويه زايد الله يرحمه ورا كل صوره مكتوب من أقواله . .
وفي ستكرز البصمه + دستور مصغّر للدوله . .


في نفس اليوم كانت احتفالات مدرسة بطي . .
وميره في نفس المدرسه . . فـ يتني الدوام تزورني . . فديت هالصبووع :ah:





استأذنتْ من الدوام بدري . .
اونه بمر الخياط بييب ملابسي وورانا خط لين راك والعالم وراك . . :eh_s(6):
طلعت مخاويري . .
اللي في النص ع طرف وآخر وحده ع اليسار منى علنيه افداها مسوتنّهن لي . . :ah:





رجعت البيت وع قولتهم هدايا العيد . . ( حسيت اني مصريه ) :h015:
الـ LV هديه من ختيه . . والمكرونيز ميره يايبتنه لي يوم يت الدوام تعرف اني احبه . .





حطيت أغراضي وبعد المغرب . .
إلى راكْ متجهووون . . [ :chek: ] ;~

 

[غنَاتْيـے]

غَزاني حِبكمْ والحبْ يَقتلْ ;
وقَلبي في هَواه أو في ضَياعه . . !*

أحبكْ دُون كِل النَاس وإسَالْ ,`
. . واطيعْ الأمرْ واصغي لـ إستماعه . .


«- . . السَلامْ عَليكمْ ورَحمة الله وبَركَاته . . -»
صباحكم غيم وسعاده :wrd:


شفتوني شفتوني وانا نشيطه واسوي ابديت حق مدونتي بشكل مستمر [ :sheer: ] ;
شكراً لكل شخص ترك لي بصمه في التقييم . . لاهانكم آدمي . .


♥ ,`


عقب الدوام مباشره يكون عندي أكاديميه . .
أمس ماشي كلاس . . كان عندي امتحان . .
قلت بسير البيت برتاح دام مخلصه بدري شي وقت قبل صلاة المغربْ . .


وأنا في السياره وصلني مسج كالتالي :




:cry:


يعني ماقدر اسير البيت !!
وانا لابسه كعب وعباتي يديده وشنطه وحاله شو اسوي يعني :ha:

سرت عندهم . . لبست فلات وبدلت عباتي . .
شليت شنطة كامرتي . . والى الحديقه متهجووون :yaw:


بخبركم سالفتهم . . يوم كنّا في راس الخيمه وسرت انا الرمس اصور . .
شليتهم معايه . . والحبايب طايحين تصوير بـالتليفون ويحاولون يقلدوني . . :1577_1186768770:

من ردينا بوظبي الا يبون كاميرا . .
سارت امهم خذت لكل واحد منهم كاميرا . . وايد عيبتني الصراحه وفيها تصوير فيديو بعد . .


فـ أونّه اللحينه انا بعلمهم كيف يصورون . . :h015:
وصلنا الحديقه . . وبدت جولة التصوير . .





اونّه عاد بعلمهم كيف يصورون الورد . .
وكيف يكونون قريبين من الشي اللي بيلتقطون له صوره . . :chek:

خبلو فيني . .
كل واحد يدافر الثاني منو اللي يراويني اول . .




ومن عدستي أنا . . :ah:





سرنا نشوف منصور وفارس . .





خلاف كملنا الجوَله . . [ :chek: ]




هني خطفنا من عدال النافوره . .
وترش عليهم ماي . . طاعو اشكالهم :h015:






هالصوره اهداء لـ الجارح 2003 . . يقول لي مانصوّر هزاع بعد ما تحلّق :ha:





في أثناء الجوله . .
شفت هاذيلا يلعبون كوره . . استانست عليهم . . وحدااااوي :yola:





وجريب المغرب رجعنا البيت . .





يَاخفيفْ الرُوحْ كيفْ انتو . . ؟
يَاشفا قَلبي منْ عَواقه ;`

إرحمُوني لَو تَكرمتو
بالوَصلْ وانا منْ أشفَاقه . . ~

 

[غنَاتْيـے]

يِعلْ يُودْ السحبْ لمدنّه l~
. . لي بَرقها بَاتْ رَفافـي !*

والرعُودْ مسويّه حنّه /`
هلْ واسقَى ذيجْ الأطَرافي . .

:yola: :yola: :yola:


«- . . السَلامْ عَليكمْ ورَحمة الله وبَركَاته . . -»
صباحكمْ رحمه وسعاده لا تقدرْ بـ هالأجواء الطيبه :wrd:


أولاً اباركْ للبرزه عامها الجَديد . . :122:
واعتذرْ لـ عدمْ تواجدي أمسْ لظروفْ خارجه عنْ إرادتي . . تمنياتي بعام جديد مميزْ لكل الموجودين =)


:yaw:


مستانسه بالمـطر وااااااايدْ . .
لانه آخر مره ع شهر 4 أيام المنخفض انا كنت كاسره ريلي مالعبت في المطرْ ع راحتيه [ :cm: ] ;


ماشاءلله من 3 أيام مطر . .
بس اليومْ اكثر شي . . ونحن سايرين الدوام جنّه جريب المغرب . .


[ اليوم الصبح ]





وصلت الدوام . . مارمت ايلس ع المكتب . .
خاصه انه مَافيه دريشه :1577_1186768770:


وقسم به مب جو شغل . .
جو عراقيب وميحد حد مثلي ع العود :^^:


شوي ونزلت تحت . .
وضاع البرستيج كلّه اليوم . . فصخت نعولي كرمتو . .





وتسبحت بالماي . .
والشيبه مال العلاقات العامه يتحرطم عليه وانه حدري بتمرضين تتحرين عمرج في العزبه :yaw:






طاحْ طاح طاح المطر . .
طاح المطر بيدْ الله . . كَسر حوي سعودهْ . .

طَاحْ المطر من فوووقْ . .
كسّر حوي بن طوووق . .

~> البنت مخترشه :a040:


ماخبرتكم . . قبل أمس سرنا البحرْ . .
دخيلكمْ شوفو بطي شو لابس . . ناسي جاكيته . . ولابس مال اختيه :h015:





وصلنا والجو كان خيالي برد بس بدونْ مطرْ . .
والدنيا سوووده . .





وبدو اليهال في التصوير . .
هالمره معانا قوم ميرانه . . شوفو منصور يقلدها شو تسوي :h015:





تمينا نلعب ع السيفه . .
وانا مسويه عمري ياهل تخبلت هذاك اليومْ . .
لين حصلنا قباقييب صغااار . . :ah:





ع العشا بدا يطيح المطر . .
وطبعاً انا من هذاك اليوم اعاطس واليوم شكلي بزيد . . :ah:


عَسى دِياره مِنْ الحَيا سيلْ هتّانْ . .
يَروي مَحايل ضَاميه قدْ لها سنينْ !*

والخَتمْ صَلىّ الله على نَسلْ عدنانْ ;~
محمدْ المَبعوثْ بالحقْ والدينْ \

 

[غنَاتْيـے]

شِفتْ وشْ صَابْ بُوظبي . . ؟
يُومْ أنفَاسكْ جِفَتها ;~

. . مِثلها بالضَبطْ حَالي /`
وهِي أقلْ منّي كثيرْ . . !*

[ :212: ]


«- . . السَلامْ عَليكمْ ورَحمة الله وبَركَاته . . -»
مساكم خير وعافيه :ax:


إشحالكمْ كلنْ بحاله . . ؟
أشكرْ كل من يتابعني . . سعيده جداً بتواصلكم :bt:


~همـِسـِة الشـِـِووووقـِ~ / الويه السموحي / عيوز مشتطه . .
الجارح 2003 / خ ـيماوي صغ ـيرون / ["أبــــــو البــــــراء"] . .
الكاشخ / بنت ناس ماتنداس / أحلام . .


:wrd:


باقي ع الداوم 35 دقيقه . . مادري شو بيطوفهن اللحينه . .
وعقبه شي كلاس :cry:

أمس كان فيّه رقاد مش طبيعي . .
وأحس اني كنت أهاذي في الكلاس والبنت اللي عدالي تكركر من الضحك . .


♥ ,`


أنا الحمدلله تثبّت في الدوام
من بعد 6 شهور . . والكل ذاليني يطالبوني بـجوكليت . .

عاد تعرفوني . . ماحب شي جيه وخلاص . .
لازم أنسقه ع راحتيه . . سرت وخذت باتشي وحطيته لهم بهاي الطريقه . .





اللي فوق ع اليمين ع الـ vip :ah:
خسااااااااااير مايسوى عليه هالتثبيت ~> فشلتينا يا الزطيه :eh_s(6):


♥ ,`


طفرااانه . . ليش مايعطونا إجازه بالخميس :1577_1186768770:
أنا اللحينه أقدر آخذ اجازه . . بس اتريا يخلصون مدارس وجامعات . .

مايستوي اسير بروحي الشرق . .
منو بيطلعني وبيحوطني :eh_s(1):


ممممم قلت بشوف شو توقعات الأجواء لـ هذا الإسبوع . .
وشكلي بشخطها اجازه بالخميس . . وبسير اهوم شوي صوب الشماليه . . :yaw:


♥ ,`


ع طاري الشماليه . .
آخر مره سرت راس الخيمه . . تم في خاطريه اسير افصل مخاوير عندهم . .
من زمااان مافصلت في راك . . كلّه في بوظبي . .


الصراحه انصدمت [ :m_chub: ]
فرق في الأسعااار واااااااااااااايد وااايد . .

وعندهم أشيا غاويه مش انه اي كلام . .
والحق ينقال حتى شي اشيا ما جد ريتها في بوظبي او العين . .


اذا المخوره افصلها في المشرف ع 350 والله في راك ع 100 وشي وبالكثير 200 !!
ونفس الشغل وع أكثر بعد . .

قررت كل شهر اسير راك واعق قطعيه هناك :m_haha:


حدرت محل مال العبي . .
ونفس الحاله . . العباه هني الساده ساده مافيها شي ع 250 أقل شي . .
في راس الخيمه ع 120 :m_ma9dom:


♥ ,`


كَانت مجرد سوالف حبيت ادردش معاكم شويّه . .
عسب يطوف الوقت وماحس به . .


تذكرت اني ماحطيت صور العيد ~> زهايمر . .
إن شاءلله باجر :==:

أشوفكم ع خير =)

 

[غنَاتْيـے]

مَايفضحْ اللي يحبْ إلا آخر اللحظات ..
لامَد كفّه بالموادع وصد بعيونه . .

معاه رَايَاتْ الأسى وجيشْ من العَبراتْ !*
وبينْ الحَنايا صَهيلْ خيولْ مَحزونَه . .

سَلامْ ياللي نَاوي الفرقا عددْ مَافاتْ /`
وتعدادْ مامرّ السحابْ وهلّت مزونه . .


«- . . السَلامْ عَليكمْ ورَحمة الله وبَركَاته . . -»
ازيكمْ عاملين ايه :yaw:


ولو إنها متأخره وايد . . بس بخبركمْ عن إجازة العيد . .
شرات ماقلت لكم قبل . . كانت مختلفه تماما =)

كان خاطريه كالعاده اسوي شي غير حق العيديه . .
وبما انه صادف يوم الإتحاد / طرشتهم اييبون لي شرايط . . سويت جيه . . :yola:





متفيجه صح :yaw:
امايه وايد استانست عليه هههه ولا دوم تواجعني ع خبالي . .

الـ 100 حق فريخاتنا . . احافدنا يعني :eh_s(6):
والـ 500 حق الكبار من فئة الـ VIP . . والباقي حق عيال الفريج والعرب يون اييون عندنا :a040:

أنا كل عيد . . اقول الصدق يعني . .:212:
اكون آخر وحده أنش . . وقدهم العرب مروحين واخواني وابويه محد يالاهين مع الرياييل يا طالعين . .

فـ قررت يكون هالعيد مختلف بالنسبه لي وتكون فيه ذكرى حلوه . .
عشان جيه حبيت اخبركم عنّه . . نشيت وسرت معاهم مصلى العيد . . اول مره في حياتي :cry:

وااااااااايد واااااااااااااايد استانست ماتتصورون كيف . .
واذا الله اعطاني عمر بعيدها . .


قبل الصلاه . . الكايد يتزهبْ . .




والكل مستغرب انه غناتي ناشه من وقت وسايره المصلى . .
وكل امورها ترتييب :ah:


يوم ردينا من المسيد . . قلت لهم باخذ لكم صورة جماعيه . .
وشوفو بطي . . دووم يطلع لنا بفناتك . .




طبعاً اخواني قطعووه . .
ولايفوتكم يوم سايرين المصلى لابس نظاره شمسيه . . جنّه مال ايام السبعينات :h015:

وهي راعي البربري . . بيبي فارس يحيييكمْ . . :012:





وعقب شوي يت مير البيت ع قولة امايه . . ميره فديت روحها . .
عاده الشواب والعيايز يستانسون يوم يلبسونها جيه . . ماتعيبهم الفساتين والبدل . . :eh_s(1):





انا طبعاً مااظهر مكان . . ولا اسير اسلم ع حد . .
جان الا بيت عمتيه . . والعرب ماشاءالله حادرين ظاهرين . .


اليوم اللي عقبه بدا جدول الحواطه :a040:
نشيت الصبح . . شفت ميره عندنا . . ماشاءلله مغبشه . .





وانا ع الظهر كنت بشرّق . . بس مش مع هل بيتنا يعني . .
وكنّا مقررين نسير حل . . وياليتنا ماسرنا :bad:





الهنود شلهم طهف . .
محتلين السيفه . . ويسبحون في البحر بمناظر شنيعه :1577_1186768770:
والشباب ومواترهم تافهيين . .


وبدو عيالنا باللعب . .




ولانه برد مانباهم يسبحون . .
ومنووو يقووول كل شوي يقربون من البحر ماشاءلله عليهم . . وتخرسو وخرسونا معاهم . .




ومانستغنى عن دلالنا . .




وفي نفس الوقتْ . .
سلامي ع مصورينْ البرزه :chek:





وبعد المغربْ . . إلى راك متجهونْ . .

 

[غنَاتْيـے]

مَحلا العَسلْ لاخَذته عَلى الريجْ . .
مثلْ صُوتْ اللي يخَليكْ رايقْ !*

. . يقُولْ لكْ [ حَبيبي دوامْ ] والمَشاعرْ تهيجْ /`
تخَسي تقُول له خَلني بَرقدْ دقايقْ ;~


«- . . السَلامْ عَليكمْ ورَحمة الله وبَركَاته . . -»
صباحكم خير وسعاده :wrd:


فديّته مركز التحميل يوم يخّرف . .
الصور مش ظاهرات . . الشحي لو سمحت يعني عدلّه لنا :eh_s(6):


♥ ,`


أمس سويت حق اختيه ام بطي شي حق مكتبها . .

انا دوم اطبع صور قوم بطي . . ونسيت اصور لكم شو مسويّه لهم في البيت . .
إن شاءلله في الويك اند بذكر وبراويكم . .


♥ ,`


منى فديتها سوت عملية ليزك . .
والحمدلله ع سلامتها . . هاي مني لها :ah:

♥ ,`


ماخبرتكم . . ترى انا مراات تييني هفّااات . .
سرت هذاك اليوم وخذت طائرة ورقيه . . عليها حبييباتي مال ديزني برنسييس اموت عليهن :a050:
وفي الويك اند محد كان في البيت غير انا والكايد وسلطان . .

فـجأه اخترشنا قلنا بنلعب فيها . .
شوفو شو سووّ فيها . . !!

اونّه بيتنا مصكر لازم مساحه مفتوحه . .
تم الكايد يركض فيها برع البيت في نص الشارع شرات الخبايل . .
خلاف شربكها في الدروازه وقصها [ :cry: ]


♥ ,`


البنات في الدوام يعرفن اني احب الكب كيك . .
ما أحب آكله وايد بس يعيبني شكله [ بشكل عام ما آكل الكيك اصلاً ] . . ودووم يسوّن يزقرني اونه تعالي صوري :yaw:

♥ ,`


وأخيراً . . بطي يروينا الساعه اللي مسويها حق مس الماث . .
اونّه مواطن ع ألوان علم الإمارات . . :sheer:

العَفُو يَاربْ لاَتكِتبْ وثُومْ !*
جَانْ عبَدكْ زَلْ واخطَى بالكَلامْ ;~

. . يِعلْ دَاره مِنْ هَطلْ وَبلْ الغيومْ . . /`
يَرظفْ الوَسمي عَليها كِلْ عامْ . .

 

[غنَاتْيـے]

رد: بقـَشةْ عِيَايـزْ ;`

يَاربْ كَاني عِجزتْ أنامْ منْ حزني . .
وسّع لي الأرضْ في عِيني لـِيَا ضَاقتْ !*


♥ ,`

مَكانْ يشعرني بالراحه . .
لم أتواجد هناكْ للتصوير . . فقط للتنفسْ بعمقْ . .
ولكن . . لا استطيع انا اكونْ بدونْ عدستي . .


تَواجدت هناك اليومْ صباحاً

 

[غنَاتْيـے]

لا تشتكي حالك على كل من جاك . .
بعض البشر يفرح الى قلت مهموم !*

يخفي سمومه بين همك وشكـواك ;~
يشمت بحالك والحصيله شقا ولوم /`


«- . . السَلامْ عَليكمْ ورَحمة الله وبَركَاته . . -»
صباحكم غيم :00100:


اشحالكمْ عساكمْ بخيرْ . . ؟
شكراً لكل المتابعينْ ع الكلمات الطيبه دايماً . . ~


في البدايه للبنات اللي نشدوني عن هالبرقع . . ;



ماخذتنه من المارينا مول . .
من محل اسمه حلق وإسواره . . عدال إيكيا امره . . ع 50 درهمْ . .


♥ ,`


أمس طرشت حق منى ورد ع مكتبها . .
قلت له لا تترسه لي لون اخضر . . ابى شي فراايحي [ :ha: ]




♥ ,`

عقب ماخلصت الأكاديمي . .
سرت مع قوم بطي الكورنيش . . هم دوم يسيرون هالمكان مع ابوهم . . انا ولا مره رحت . .

يعني الكورنيش مستوي عالم ثاني . .
كله كوفيات ع الإمتداد . . ومطله ع البحر ترد الروح . .





تروم تنزل ع السيفه . . ولعب سياكل وسيارات . . تمشي فيها ع طول الكورنيش . .
واااااااايدْ حلو :yaw:

الجو عائلي ويهال وحشره . .
وكان الغيم والمهب يبرّد ع الفواد ْ. .


قبل مانوصل هزاع العبيط رقد في السياره . .




خلاف تاخذ سياره او سيكل تأجرها يعني مع تأمين . .
وهني بطي يتريا دوره . .





انا كنت ابى اسوق . .
بس كشختي ماتسمح لي . . كعب وعباه يديده :bad:
قلت اليوم بلبس فلات ولازم اسير وألعب . .





وركب معاه هزاعي . . وخلاف سار يلعب مع منصور ع البحر . .




تميت اتمشى شوي والعب معاهم واراقبهم من بعيد . .
لين عقب اذان المغرب . . المنظر يجننْ . . بس يحتاج ترايبود للتصوير طبعاً . .





استانست كتير كتير :eh_s(6):
إن شاءلله اليوم اسير وألعب . . آحمْ . .


♥ ,`

مَا أخافْ البَردْ لَو غيري يخافْ . .
كيفْ احسْ البَردْ وطيفكْ لي دِفا l~